लूका 11:4 - जीवन को च्यानणो (सेकावाटी नया नियम की पोथ्या)

⁴ म्हारा पापनै माफ करो, जंय्यां म्हें म्हारो बुरो करबाळानै माफ कर्या हा। अर म्हें बिचास्या नइ जावां इ बातऊँ बचाओ।”

लूका 11:4 Referans Kwoze

मत्ती 26:41

थे जागता रेह्ओ अर अरदास करो जिऊँ थे बिचास्या नइ जाओ। आत्मा तो चावै ह पण आ काया माड़ी ह।”

कलुसीयो 3:13

याद राखो परबु थारा पापनै माफ कर्यो ह, इ ताँई एक दुसरा की सिकायत करबा की बजाय बिनै सेल्यो अर एक दुसरानै माफ करो।

मत्ती 18:35

इ ताँई ज थे बी थारा पाड़ोसी भाईड़ानै मनऊँ माफ कोनी करस्यो जणा मेरो परम-पिता जखो ईस्बर नगरी म रेह्‍वै ह बो बी थारै सागै बंय्यांई करसी।”

याकूब 2:13

क्युं क जखो दया कोनी करै बिको न्याय बी बिना दया होसी। पण दया न्यायनै जीतै ह।

2 तिमूतियूस 4:18

अर परबु मनै सगळी बुरी बाताऊँ बचासी अर बचार ईस्बर नगरी राज म लेज्यासी। बिकी मेमा जुग-जुग होती रेह्‍वै। अंय्यांई होवै!

2 थिसलूनिकी 3:3

पण परबु बिस्वास जोगो ह। बोई थानै ताकत देसी अर सेतानऊँ बचासी।

1 कुरन्थीयो 10:13

अर थे कदै बी अंय्यां कोनी बिचास्या गया। जखो मिनखा क सेह्बाऊँ बारनै हो। अर परमेसर तो बिस्वास जोगो ह बो थानै थारी सक्‍तिऊँ बेत्ती बिचासबा कोनी दे, पण जद थे बिचास्या जाओ हो जणा बो बिचासबा क सागै-सागै थानै बचाव ताँई उपाय बी बतावै ह।

यहून्ना 17:15

म आ अरदास कोनी करूं क थे बानै इ धरतीऊँ उठाल्यो, पण म अरदास करूं हूँ थे बानै बुराईऊँ बचार राखो।

लूका 22:46

जणा बो बानै बोल्यो, “सोर्या क्याले हो खड़्या होर अरदास म लागज्याओ जिऊँ थे बिचास्या नइ जाओ।”

लूका 8:13

कांकरा प पड़बाळा बीज बे हीं जखा बचन सुणर बिनै राजी होर मानली। पण बाकै मना म बो गेराई कोनी पकड़ै बे थोड़ी देर ताँई बिस्वास करीं पण जद बानै बिचास्यो जावै जणा बे ओटा सरक ज्यावै।

दरसाव 3:10

क्युं क तू मेरा हुकमानै थ्यावस क सागै सक्यु सेण करतो होयो मान्यो ह। इ ताँई जद इ जगत का मिनखानै परखबा ताँई जखो कळेस आबाळो ह बि घड़ी म, म तनै बचास्युं।

दरसाव 2:10

जखा दुख तनै भोगणा ह बाऊँ मना डर। क्युं क सेतान थारै मऊँ कयानै बिचासबा ताँई काळ-कोठड़ी म गेरसी अर थानै बठै दस दिना ताँई सताव भोगणो पड़सी। पण तू बिस्वास जोगो रेह्जे चाए तनै मोतई क्युं नइ आज्यावै। जणा म तनै तेरी जीत क रूप म अजर-अमर जीवन को मुकट देस्युँ।

लूका 11:5

अर ईसु आपका चेलाऊँ बोल्यो, “मानल्यो थारै मऊँ कोईसा क एक भाईलो होवै, अर बिकन आदी रातनै जार बिनै बोलै, ‘ओ भाईला मनै तीन रोट्या दे।

लूका 13:4

अर थे काँई समजो हो, की जद सिलोह को गुम्मट गिरै हो, बि टेम का बिकै निचै दबर मरबाळा अठारा जणा दुसरा यरूसलेम म रेह्बाळा जिंदा मिनखाऊँ घणा पापी हा के?