लूका 10:9 - जीवन को च्यानणो (सेकावाटी नया नियम की पोथ्या)

⁹ अर बि बठै का रोगलानै निरोगो कर बानै बोलो परमेसर को राज सांकड़ोई ह।

लूका 10:9 Referans Kwoze

मत्ती 3:2

अर आ खेर परचार कर्यो क, “थे थारा पापऊँ तौबा करो! क्युं क ईस्बर नगरी को राज सांकड़ै ह।”

यहून्ना 3:5

ईसु बोल्यो, “म थारूँ सची-सची बोलुँ हूँ, पबितर आत्मा अर पाणीऊँ जलम्या बिना कोईबी मिनख परमेसर का राज म कोनी बड़ सकै।

लूका 10:11

‘थारी नगरी की धूळ जखी म्हारै पगा क लागरी ह, बा म्हें थानै चेताबा ताँई थारै सामैई झाड़ां हां। पण कान खोलर सुणल्यो परमेसर को राज सांकड़ैई आग्यो ह।’

भेजेड़ा चेला का काम 28:31

अर बिना रोक-टोक बेधड़क होर परमेसर का राज को परचार करतो अर परबु ईसु मसी की बाता सीखातो हो।

लूका 9:2

इकै पाछै बो बानै परमेसर का राज को हेलो पाड़बा अर रोगलानै निरोगो करबा को अधिकार देर बारनै भेज्या।

भेजेड़ा चेला का काम 28:28

थानै ओ जाणबो चाए की परमेसर को छुटकारो गैर-यहूदि मिनखा क कनै भेज्यो गयो ह। बे इ छुटकारा का समचारनै सुणसी।”

यहून्ना 3:3

ईसु जुबाब दिओ, “म तेरूँ सची बोलुँ हूँ जद ताँई कोई मिनख ओज्यु नइ जलमै जद ताँई बो परमेसर का राजनै कोनी देख सकै।”

मरकुस 6:13

अर बे घणीसारी ओपरी बलाय निकाळी अर घणासारा रोगलानै जेतून का तेलऊँ अभिसेक कर निरोगा कर्या।

मरकुस 4:30

ईसु ओज्यु बोल्यो, “आपा परमेसर का राजनै किऊँ परगट कर सकां हां, अर बिनै किकी मिसाल देर समजा सकां हां?

मत्ती 4:17

जद ईसु कफरनूम म हा बि टेमई परचार करबो चालू कर्यो, “थे पापऊँ तौबा करो! क्युं क ईस्बर नगरी को राज सांकड़ै ह।”

लूका 10:10

अर जि नगरी म थारी आवभगत कोनी होवै। जणा बठै का गळिआरा म जार बोलो,