लूका 10:42 - जीवन को च्यानणो (सेकावाटी नया नियम की पोथ्या)

⁴² पण बस एक बात की जुर्त होवै ह। अर मरीयम जखो चोखो ह, बिनै आप ताँई टाळी ह अर बो बिऊँ खोस्यो कोनी जावै।”

लूका 10:42 Referans Kwoze

यहून्ना 4:14

पण ज मेरा दियड़ा पाणी मऊँ कोई पिसी जणा बो ओज्यु कदैई कोनी तिसायो होसी। बि पाणीऊँ जखो म बानै देस्युँ, बिऊँ बे अजर-अमर जीवन ताँई जीवन देबाळा पाणी को झरनो बणज्यासी।”

यहून्ना 5:24

“म थारूँ सची बोलुँ हूँ, जखा मेरी सुणर मनै भेजबाळा प बिस्वास करीं हीं, अजर-अमर जीवन बाको ह अर बो मिनख सजाऊँ बचज्यासी। बो मोतऊँ पार होर जीवन म बड़गो ह।

लूका 18:22

आ सुणर ईसु बिऊँ बोल्यो, “तेरै म हाल ताँई एक बात की कमी ह, तेरै कनै जोक्यु बी ह बिनै बेचर बिऊँ मिलेड़ा रिपीआनै गरीबा म बाट दे अर तू मेरै गेल होले इकै साटा को धन तनै ईस्बर नगरी म मिल ज्यासी।”

यहून्ना 17:3

अजर-अमर जीवन ओ ह क बे थानै, जखा इकलोता सचा परमेसर हो, अर ईसु मसीनै जाणै जिनै थे भेज्या हो।

मरकुस 8:36

कोई मिनख आपका पिराणा की हानी उठार सगळा जगतनै जीत ले जणा बिनै काँई फाईदो?

लूका 8:18

इ ताँई चेता म रेह्ओ जिकनै ह बिनै ओर दिओ ज्यासी अर जिकनै कोनी बिऊँ जोक्यु ह बो बी ले लिओ जासी।”

लूका 12:20

पण परमेसर बिऊँ बोल्यो, ‘अरै बावळा आजई तेरो जीव तेरै मऊँ काड लिओ जाय जणा तेरा इ धन-दोलत को काँई होसी।’

1 कुरन्थीयो 13:3

अर ज म मेरी सगळी धन सम्पति गरीबा म बाट द्‍युँ, अर ज म चोखा समचार ताँई मेरी कायानै जळाबानै बी दे द्‍युँ। इकै बावजुदबी ज म परेम नइ करूं, जणा मनै काँई फाईदो।

लूका 12:33

अर थारी सगळी चिजानै बेचर जखो धन मिलै बिनै गरीबा म बाट द्‍यो। अर खुद ताँई अंय्यां का बटूआ सिमो जखा कदैई पुराणा कोनी होवै। मतबल ओ ह की कदैई नइ निमड़बाळो धन ईस्बर नगरी म भेळो करो। जठै बिकै चोर कोनी लागै अर नइ किड़ा मकोड़ा।

लूका 16:25

पण अब्राहम बोल्यो, ‘बेटा याद राख की तू तेरी जिंदगी म सदाई चोखी-चोखी चिजा भोगी जदकी ओ बिचारो सदाई आपकी जिंदगी म दुख देख्यो। पण इब अठै ओ मजाऊँ ह, अर तू पिड़ा म।

गलातियो 5:6

क्युं क मसी ईसु म नइ तो सुन्नत कराबाळो, अर नइ सुन्नत नइ कराबाळो क्यु मांयनै राखै ह। पण बिस्वास जखो परेम की बजेऊँ काम करै ह बोई मांयनै राखै ह।

लूका 16:2

जणा बो साऊकार हो जखो बिनै बुलार बोल्यो, ‘म तेरा बारां म आ काँई सुणर्यो हूँ? इब तू अंय्यां कर बे बही-खाता ल्यार मनै हिसाब-किताब दे, क्युं क इब म तनै भंडारीपुणा प कोनी राख सकूँ।’

लूका 10:39

अर बिकी एक भाण ही जिको नाम मरीयम हो, बा परबु का पगा कनै बेठर बिका बचन सुणरी ही।

लूका 11:1

एक दिन अंय्यां होयो क ईसु एक झघा अरदास करर्यो हो। जद बो अरदास कर हट्योक जणा बिका चेला मऊँ एक बोल्यो, “परबु म्हानै बी आ अरदास करबो सीखाओ। जंय्यां की बतिस्मो देबाळो यहून्ना आपका चेलानै सीखायो हो।”

यहून्ना 6:27

रोट्या ताँई मेनत मना करो क्युं क बे तो बुसज्यावै, पण अजर-अमर जीवन देबाळी रोटी ताँई मेनत करो। आ बा रोटी ह जखी मिनख को बेटो थानै देसी, क्युं क परम-पिता परमेसर बिनै ओ अधिकार दिओ ह।”

यहून्ना 11:1

बेतनिया नगरी म लाजर नाम को एक रोगलो मिनख आपकी भाणा मारथा अर मरीयम क सागै रिह्या करतो हो।

यहून्ना 11:19

अर बोळा यहूदि मिनख मारथा अर मरीयमनै बाका भाई की मोत प तसली देबा आया हा।

यहून्ना 12:3

जणा मरीयम एक बरनी म खरो जटामासी को बणेड़ो मेंगो ईतर ल्याई अर बिनै ईसु क पगा प उंदका दिनी। अर आपका बाळाऊँ बानै पुछी। ईतर की बा बडिया सुगंद सगळा घर म फेलगी।