लूका 10:3 - जीवन को च्यानणो (सेकावाटी नया नियम की पोथ्या)

³ जाओ, पण ध्यान रेह्‍वै म थानै ल्याळ्या क मांयनै उन्या की जंय्यां भेजर्यो हूँ।

लूका 10:3 Referans Kwoze

मत्ती 10:16

“सुणो म थानै ल्याळ्या क मांयनै लल्ड्या की जंय्यां भेजर्यो हूँ। इ ताँई थे साँप जंय्यां चलाक अर कबूतर की जंय्यां भोळा रेहज्यो।

भेजेड़ा चेला का काम 20:29

अर म आ बी जाणू हूँ क मेरै जाबा क पाछै थारै मऊँ अंय्यां का खुखार ल्याळी आज्यासी जखा कोईबी लल्डीनै कोनी छोडसी।

यहून्ना 16:2

थे अरदास करबाळी झघाऊँ काड्या जास्यो अर बो टेम आसी जद थानै मारबाळा सोचसी क थानै मार'र बे परमेसर की सेवा करीं हीं।

यहून्ना 15:20

जोक्यु बी म थानै बोल्यो हूँ बिनै ध्यान म राखज्यो, ‘दास आपका मालिकऊँ बडो कोनी होवै।’ ज मिनख मनै दिन घाल सकै ह, जणा थानै बी दिन घालसी, अर ज बे मेरी सुणै जणा थारी बी सुणसी।

मत्ती 10:22

मेरा नाम की बजेऊँ लोग थारूँ नफरत करसी पण जखो मिनख आपकी अंतघड़ी ताँई सक्यु सेह्सी बोई बचायो ज्यासी।

मत्ती 7:15

“थे बा परमेसर की खेबाळाऊँ बचर रेहज्यो जखा झूठ बोलै ह! बे लल्डी की खोळ म पाड़ खाबाळा ल्याळी हीं।

भेजेड़ा चेला का काम 9:2

अर दमिसक नगरी की अरदास करबाळी झघा का नामऊँ इ बात को अधिकार कागद माँग्यो क ज कोई मिनख बिनै परबु का इ पंथ म लाधै चाए बो मोट्यार हो चाए लूगाई, सगळानै बां'दर यरूसलेम ल्या सकै।

यहून्ना 10:12

पण बो मिनख जखो मजुरी प लल्ड्यानै चरावै ह, जखो बाको असली मालिक कोनी। बो ल्याळीनै कनै आता देखर लल्ड्यानै एकलोई छोडर भाग छुटै ह। अर ल्याळी बापै झपटो मार बानै तीनतेरा कर दे ह।

भेजेड़ा चेला का काम 9:16

अर मेरा नामऊँ दुख उठाबो कतो जरूरी ह आ बात म खुद बिनै दिखास्युं।”

लूका 10:4

थे बटूओ, झोळी अर लीतरा मना लिज्यो अर नइ गेला म खड़्या होर खिनै नमस्कार करज्यो।