लूका 10:27 - जीवन को च्यानणो (सेकावाटी नया नियम की पोथ्या)

²⁷ बो बोल्यो, “तू परबु थारा परमेसरऊँ सगळा हिया अर सगळा पिराण सगळी ज्यान अर सगळा मनऊँ प्यार-परेम कर। अर सागैई खुदका पड़ोसीऊँ बी खुदकी जंय्यां प्यार कर।”

लूका 10:27 Referans Kwoze

रोमीयो 13:9

जंय्यां क, “तू कुकरम मना करै, हत्या मना करै, चोरी मना करै, दुसरा की चिजा को लालच मना करै,” अ सगळा अर बचेड़ा सगळा हुकम बी इ हुकम क मांयनै ह क, “तू दुसराऊँ बी तेरी जंय्यां परेम कर।”

याकूब 2:8

पबितर सास्तर म सगळा हुकमा म स्याही हुकम ओ ह क, “थे थारा पड़ोसीऊँ खुदकी जंय्यांई प्यार करज्यो।” अर ज थे इनै मानो हो जणा चोखोई करो हो।

1 यहून्ना 3:18

ओ मेरा टाबरो, आपा बोली अर जबानऊँई प्यार-परेम नइ करां पण ओ प्यार-परेम करमाऊँ अर सचो होणो चाए।

इबरानीआ 8:10

परबु घोसणा करै ह, जखो करार म बा दिना क पाछै इजरायल का कूणबा क सागै बांदस्युं, बो नयो करार ओ ह क म मेरा नियमानै बाकै हिया म बिठास्युं, अर बानै बाका काळज्या प मांडस्युं, अर म बाको परमेसर होस्युं अर बे मेरा मिनख होसी।

गलातियो 5:13

ओ मेरा लाडला बिस्वास्यो, थे अजाद रेह्बा ताँई बुलाया गया हो, पण अंय्यां नइ हो क आ अजादि काया का कामानै पूरो करबा को सादन बणै। पण परेमऊँ एक दुसरा का दास बणो।

मत्ती 19:19

माँ-बाप को मान करजे अर जंय्यां तू खुदऊँ परेम करै ह बंय्यांई तेरा पड़ोसीऊँ परेम करजे।”

लूका 10:26

इपै ईसु बिनै जुबाब दिओ, “इ बारां म नेम-कायदा म काँई मंडर्यो ह? अर तू बिऊँ काँई समजै ह?”