लूका 10:2 - जीवन को च्यानणो (सेकावाटी नया नियम की पोथ्या)

² अर बो बानै बोल्यो, “लावणी आएड़ा खेत तो बोळा हीं पण ध्यानग्या थोड़ा हीं। इ ताँई थे खेत का धणी परमेसरऊँ अरदास करो जिऊँ बे लावणी करबा ताँई ध्यानग्यानै भेजै।

लूका 10:2 Referans Kwoze

1 थिसलूनिकी 5:12

मेरा लाडला बिस्वास्यो, म्हें थारूँ आ बिणती करां हां क मंडळी का अगुवा जखा थारै ताँई मेनत करै, परबु म थानै गेलो दिखावै अर सीख देवै ह बाको आदरमान करो।

मरकुस 16:15

जणा पाछै ईसु बानै ओडायो, “थे सगळा जगत म जार चोखा समचार को हेलो द्‍यो।

2 तिमूतियूस 4:5

तू स्यांतीऊँ टिक्यो रेह अर दुख भोगबा ताँई त्यार रेह। चोखा समचारनै बोलबा ताँई कड़ी मेनत कर अर तेरी जुबाबदारीनै चोखा ढंगऊँ निभा।

2 थिसलूनिकी 3:1

मेरा लाडला बिस्वास्यो, आखीर म, म्हें एकोर बात थारूँ चावां हां क थे करो, म्हारै ताँई बी अरदास कर्या करो, जिऊँ परबु को चोखो समचार जंय्यां थारै बिचमै फेल्यो हो बंय्यांई तावळो ओर मिनखा म बी फेलै अर आदरमान पावै।

मरकुस 13:34

ओ अंय्यां होसी जंय्यां कोई मिनख दिसावर जाबाऊँ पेल्या आपका घरनै आपका दास क हवालै कर बानै न्यारो-न्यारो काम बाटर चल्यो जावै अर चोकीदारनै पेरो लगाबा को हुकम देर अंय्यां बोलर क जद ताँई म कोनी आऊँ तू घर की समाळ करजे।

1 तिमूतियूस 4:10

आपा इ ताँई मेनत अर कोसिस करां हां, क्युं क आपणी आस जीवता परमेसर म ह। जखो सगळानै, खासकर बिस्वास्यानै बचाबाळो ह।

भेजेड़ा चेला का काम 22:21

जणा बो मेरूँ बोल्यो, ‘जणा जा म तनै दूर-दूर ताँई गैर-यहूदि मिनखा क कनै भेजस्युं।’”

भेजेड़ा चेला का काम 20:28

जणा इब थे बिस्वासी मंडळी का रूखाळा हो आ जिमेदारी थानै पबितर आत्मा सूपी ह। बा लल्ड्या का रेवड़ा का गुवाळ्या बणो, जिनै परमेसर आपका बेटा का लोयऊँ मोल लिओ ह।

भेजेड़ा चेला का काम 13:4

पबितर आत्मा क कह्या गेल बरनाबास अर साऊल सिलूकीया गया जठैऊँ झाज म बेठर साईपरस नाम का टापू प पुग्या।

भेजेड़ा चेला का काम 13:2

जद बे बरत क सागै परमेसर की भगती करर्या हा बि टेमई पबितर आत्मा बाऊँ बोली, “मेर ताँई बरनाबास अर साऊलनै बि काम ताँई नाकै टाळो जि काम ताँई बानै बुलायो गयो ह।”

भेजेड़ा चेला का काम 11:19

सतफनुस क मोत क पाछै बिस्वास्या म आया सताव की बजेऊँ बे तीनतेरा होगा। अर बे फिनीके, साईपरस अर अंताकीया ताँई जा पुग्या। अर ईसु को समचार सुणाता हा पण अ यहूदि मिनखानैई ईसु को समचार सुणाता हा।

भेजेड़ा चेला का काम 8:4

अर दुसरी कानि बे बिखरेड़ा बिस्वासी जठै बी गया बठैई ईसु को चोखो समचार सुणाबा लागगा।

लूका 9:1

ईसु आपका बारा चेलानै एक सागै बुलार, बानै ओपरी बलायानै काडबा अर रोगलानै निरोगा करबा की सक्‍ति अर अधिकार दिओ।

मरकुस 16:20

अर बिका चेला झघा-झघा जार परबु को परबचन दिओ। बाकै सागै परबु काम करर्यो हो। अर बो चमत्कारी सेलाणीऊँ बचनानै सच करर्यो।

मत्ती 20:1

“ईस्बर नगरी को राज एक जमीदार की जंय्यां ह। बो एक दिन सुआरै उठर आपका अँगूरा का बाग म काम कराबा ताँई मजुरियानै ढुंढबा निकळ्यो।

फलिपी 2:25

आपणो बिस्वासी भाईड़ो इफरूदितुस जखो मेरै सागै काम करबाळो, मेरी जंय्यां लड़बाळो, अर सेवा म थारै कानिऊँ मेरी मदद करबा ताँई थारो भेजेड़ो डाकीयो अर सेवक ह बिनै थारै कनै भेजबो म जरूरी समजूँ हूँ।

फलिपी 2:21

क्युं क बाकी सगळा ह जखा खुदको मतबल काडबा ताँई लाग्या रेह्‍वै ह, ईसु मसी का कामा की बानै जमाई चिंत्या कोनी।

1 कुरन्थीयो 12:28

अर परमेसर बिस्वासी मंडळी म न्यारा-न्यारा मिनखानै न्यारा-न्यारा पद दिओ ह, पेलानै भेजेड़ा चेला को, दुसरानै परमेसर की बात बताबा को, तीसरानै गरूजी को अर कोईनै चमत्कार का काम करबाको, अर कोईनै निरोगा करबाको, अर कोईनै मदद करबाको, अर कोईनै बेबस्ता करबाको तो कोईनै न्यारी-न्यारी बोली बोलबा को काम सोप्यो ह।

कलुसीयो 1:29

इ ताँई तो म, मेर म दम क सागै काम करबाळी बिकी सक्‍तिऊँ कड़ी मेनत करर्यो हूँ।

फलिपी 2:30

क्युं क मसी का काम ताँई बो आपकी ज्यान प खेलर मोत क सांकड़ै आग्यो हो, जिऊँ जखी सेवा थारै कानिऊँ मेरी कोनी हो सकी बिनै बो पूरी करी।

इबरानीआ 3:6

पण मसी बेटो होबा क नातै परमेसर का घर को मुखियो ह, अर ज आपा हिमत अर बि आसनै जिपै आपा बिस्वास करां हां थाम्या राखां जणा आपा बिका परिवार हां।

1 थिसलूनिकी 2:9

मेरा लाडला बिस्वास्यो, म्हें जाणा क थे म्हारी मेनतनै जखी म्हें थार ताँई करी अर दुखानै याद राखो हो। अर थानै पक्काई याद होगो क जद म्हें थानै परमेसर को चोखो समचार सुणार्या हा बि टेम का म्हारो पेट भरबा ताँई रात-दिन कंय्यां मेनत करी। क्युं क म्हें थार प म्हारो बोज कोनी लादबो चावा हा।

कलुसीयो 4:12

थारै मालोई एक ओर ह जिको नाम इफरास ह अर मसी ईसु को दास ह बिकी बी थानै “जे मसी की” पुगै। ओ सदाई थारै ताँई जी ज्यानऊँ अरदास करै ह जिऊँ थे परमेसर की सगळी इंछ्या म समजदारी अर पूरा भरोसा क सागै खड़्या रेह सको।

2 कुरन्थीयो 6:1

परमेसर का संगी होबा क नातै म्हें थानै समजावां हां क परमेसर की दया थार प होई ह बिनै बेकार मना जाबाद्‍यो।

1 कुरन्थीयो 15:10

अर आज म जोक्यु बी हूँ परमेसर की दयाऊँ हूँ, अर बिकी दया मेर ताँई बेकार कोनी गई म दुसरा भेजेड़ा चेलाऊँ बढचढ'र मेनत करी ह। पण आ मेरी काबलीयत कोनी आ तो परमेसर की दया ह।

फिलेमोन 1:1

म पोलुस, जखो मसी ईसु को समचार सुणाबा की बजेऊँ जेळ म बंदि हूँ। म अर बिस्वासी भाईड़ो तिमूतियूस आ चिठी, म्हारा लाडला संगी फिलेमोन,

दरसाव 2:1

“इफिसुस की बिस्वासी मंडळी का मुखियानै मांड। अ बात बिकै कानिऊँ ह जखो सात्यु तारा आपका दाया हात म ले राख्या ह, अर सोना का सात्यु दिपदाना क बिचमै फिरै ह।