लूका 10:11 - जीवन को च्यानणो (सेकावाटी नया नियम की पोथ्या)

¹¹ ‘थारी नगरी की धूळ जखी म्हारै पगा क लागरी ह, बा म्हें थानै चेताबा ताँई थारै सामैई झाड़ां हां। पण कान खोलर सुणल्यो परमेसर को राज सांकड़ैई आग्यो ह।’

लूका 10:11 Referans Kwoze

भेजेड़ा चेला का काम 13:51

जणा पोलुस अर बरनाबास बानै चेताबा ताँई आपकै पगा की धूळ झाड़र बठैऊँ इकोनियुम चलेगा।

लूका 10:9

अर बि बठै का रोगलानै निरोगो कर बानै बोलो परमेसर को राज सांकड़ोई ह।

इबरानीआ 1:3

परमेसर को बेटो परमेसर की मेमा को उजाळो अर बिमै बिकोसोई सुभाव ह। बोई आपका बचना की सक्‍तिऊँ सरस्टि की सगळी चिजानै थाम राखी ह। बो मिनखा का पापनै धोर ईस्बर नगरी म सऊँ सक्‍तिसाली परमेसर क दायणै हात जार बेठगो।

भेजेड़ा चेला का काम 13:46

जणा पोलुस अर बरनाबास हिमत कर बोल्या, “ओ जरूरी हो क परमेसर को बचन सऊँ पेली थानै सुणायो जावै पण थे इनै थारूँ दूर कर्या अर खुदनै अजर-अमर जीवन को भागी कोनी मान्या जणा इब म्हें गैर-यहूदिआ क कनै जावां हां।

भेजेड़ा चेला का काम 13:40

इ ताँई चेता म रेह्‍वो अंय्यां नइ हो क जोक्यु परमेसर की खेबाळा बोल्या हीं बा थारै सागै नइ होवै। क्युं क परमेसर की खेबाळा की पोथी म मंडर्यो ह,

भेजेड़ा चेला का काम 13:26

सुणो मेरा यहूदि भाईड़ो, अब्राहम की संतानो अर गैर-यहूदि परमेसर का भगतो! छुटकारा का अ बचन थारै कनैई पुग्या हीं।

मरकुस 6:11

अर कोई गाँव अर नगरी म थारी आवभगत नइ होवै जणा थे बि नगरी अर गाँवऊँ बारनै चल्या जाओ अर बाकै खिलाप बानै चेताबा ताँई थे थारै पगा की धूळ बी बठैई झाड़ दिज्यो।”

मत्ती 10:14

अर ज कोई थारो मान कोनी करै अर नइ थारी बाता सुणै जणा थे बि घर अर बि नगरीऊँ बारनै आर थारी पगा की धूळ झाड़ दिज्यो। अंय्यां कर थे बानै आ चेता दिज्यो क परमेसर बानै सजा देसी क्युं क बे बिकी बात कोनी सुणी।

रोमीयो 10:21

पण परमेसर इजरायलीआ क बारां म बोल्यो ह: “म सगळा दिन मेरी नइ मानबाळा, अर बिरोद्‍या क आगै हात फेलाया राख्यो।”

रोमीयो 10:8

पण सास्तर बोलै ह क, “बचन तेरै कनै ह, तेरा होठा प ह अर तेरा मन म ह।” इ बिस्वास का बचन को आपा हेलो पाड़ां हां।

मत्ती 3:2

अर आ खेर परचार कर्यो क, “थे थारा पापऊँ तौबा करो! क्युं क ईस्बर नगरी को राज सांकड़ै ह।”

मत्ती 10:7

अर बाकन जाओ अर हेलो पाड़ो क ‘ईस्बर नगरी को राज सांकड़ै आगो ह’

लूका 9:5

अर जि जठै थारी सुणाई कोनी होवैक जणा बठै का मिनखानै चेताबा ताँई थारा पगा की धूळ झाड़ दिज्यो।”

लूका 10:10

अर जि नगरी म थारी आवभगत कोनी होवै। जणा बठै का गळिआरा म जार बोलो,