लूका 1:6 - जीवन को च्यानणो (सेकावाटी नया नियम की पोथ्या)

⁶ परमेसर की नजर्या म बे दोन्युई धरमी हा अर बे परबु का सगळा हुकमानै मानबा म खरा हा।

लूका 1:6 Referans Kwoze

फलिपी 2:15

जिऊँ थे इ जगत म रेह्बाळा कुटिचर अर पापी मिनखा म परमेसर का खरा अर बिना बलेम हाळा सायर टाबर बण सको। अर आसमान म तारा जंय्यां चिलकै ह बंय्यां थानै बी जगत का मिनखा म चिलकणो चाए,

भेजेड़ा चेला का काम 24:16

जणाई तो म बी आई कोसिस करूं हूँ की परमेसर अर मिनखा क सामै मेरी अन्तर-आत्मा साप रेह्‍वै।

1 थिसलूनिकी 3:13

बो थारा हियानै अंय्यां को पक्को करै क जद आपणो परबु ईसु सगळा पबितर दुता क सागै आसी जणा थे परम-पिता परमेसर क सामै पबितर अर निरदोस होवो।

1 यहून्ना 2:3

परमेसरनै सचमई जाणबा ताँई एकई गेलो ह क, आपा बिका हुकमानै माना, अर ज आपा अंय्यां करां हां, जणा बिनै सचमई जाण लिआ हां।

2 पतरस 3:14

ओ लाडलो, थे आ बाता की आस देखो हो, जणा कोसिस करो क परमेसर की नजर्या म खरा, बेदाग अर स्यांतीऊँ रेह्बाळा बाजो।

1 यहून्ना 3:7

ओ टाबरो, थे कोई कई भंगर्या म मना आज्यो। क्युं क जखो मिनख धरम का काम करै ह बोई मसी की जंय्यां धरमी ह।

1 यहून्ना 2:29

अर ज थे आ जाणो हो क बो धरमी ह जणा थे आबी जाणल्यो क जखो मिनख धरम का काम करै ह बो बिऊँ जलम्यो ह।

कलुसीयो 1:22

पण इब, हाड-मास की काया म बिकी मोतऊँ परमेसर थारूँ बी मेळमिलाप कर लिओ। जिऊँ थानै पबितर, बिना कळंक अर निरदोस बणार आपकै सामै लेर आवै।

2 कुरन्थीयो 1:12

म्हानै गुमान ह क म्हें साप अन्तर-आत्माऊँ आ खे सकां हां, क म्हें इ दुनिया का मिनखा क सागै अर खासकर थारै सागै परमेसर की खराई अर ईमानदारीऊँ रिह्या हां। अंय्यां म्हें परमेसरऊँ मिलबाळी दयाऊँ कर्या हां, दुनियादारीऊँ मिलबाळी बुदीऊँ नइ।

1 कुरन्थीयो 11:2

म थारी बडाई करूं हूँ क्युं क म कंय्यांसिक जिऊँ हूँ बिनै थे ध्यान म राखो हो अर मेरी सीख प चालो हो।

भेजेड़ा चेला का काम 23:1

पोलुस म्हापंचायत क कानि एक टक देखर बोल्यो, “इजरायल का यहूदि भाईड़ो, म हाल ताँई परमेसर क सामै ईमानदारी क सागै साप मनऊँ जियो हूँ।”

लूका 16:15

ईसु बाऊँ बोल्यो, “थे तो मिनखा म देख-दिखावा का धरमी हो। पण परमेसर तो थारा हियानै जाणै ह, क्युं क जखी चिज मिनखा की नजर्या म बोळी खास ह बिको परमेसर की नजर्या म काँई मोल?

लूका 1:7

बाकै कोई आस-ओलाद तो ही कोनी, क्युं क इलिसीबा बांझड़ी ही अर बे दोन्यु बूडा हा।

लूका 2:25

यरूसलेम म पबितर आत्माऊँ भरेड़ो समोन नाम को एक खरो अर भगत मिनख हो जखो इजरायल की अजादिनै उडिकर्यो हो।

भेजेड़ा चेला का काम 2:25

बि ताँई दाऊद खेवै ह: “‘म सदाई परबुनै मेरै सामै देखूँ हूँ। क्युं क बो मेरै सागै ह। इ ताँई म कोनी डिगुं।

भेजेड़ा चेला का काम 8:21

इ चिज म तेरी कोई पाँती कोनी क्युं क परमेसर ताँई तेरै हिया म पेटा पाप ह।

रोमीयो 8:4

जिऊँ नेम-कायदा की जुर्त आपणा म पूरी होज्यावै क्युं क आपा मिनख सुभाव की बिधीऊँ नइ पण पबितर आत्मा की बिधी गेल जीवां हां।