म जद आठ दिन को हो जणा मेरी सुन्नत होई ही। म जलमजात इजरायली, बिन्यामीन का कूणबा को अर इबरानी माँ-बापऊँ पैदा होयड़ो सागे इबरानी हूँ। अर जठै ताँई नेम-कायदा म लगाव राखबा की बात ह जणा म फरिसी हूँ।
परमेसर अब्राहमऊँ बोल्यो क, ‘आपणा बिच होयड़ा करार की सेलाण आ ह की तेरा कूणबा का सगळा छोरा की सुन्नत होणी चाए।’ इ बजेऊँ अब्राहम इसाक का जलम क पाछै आठवा दिन बिकी सुन्नत करी। अर अंय्यांई इसाक याकूब की अर याकूब आपका बारा छोरा की सुन्नत करी जखा आपणा बारा गोता का बाप-दादा हा।