लूका 1:42 - जीवन को च्यानणो (सेकावाटी नया नियम की पोथ्या)

⁴² अर जोरऊँ बोली, “तू धरती की सगळी लूगाया म भागहाळी ह अर तेरै पेट को टाबर बी भागहाळो ह।

लूका 1:42 Referans Kwoze

लूका 19:38

बे जोर-जोरऊँ कह्या, “धने ह बो राजा जखो परबु क नामऊँ आवै। ईस्बर नगरी म स्यांती अर परमेसर की जे-जैकार होवै।”

लूका 1:28

ईस्बर नगरी दुत बिकन आर बोल्यो, “राजी रेह, थार प परबु की म्हेर होई ह अर बे थारै सागै ह।”

लूका 1:48

क्युं क बो आपकी इ गरीबणी दासीनै याद कर्यो ह, अर इ मानऊँ राजी कर्यो ह, क इबऊँ लेर जुग-जुग का मिनख मनै भागहाळी खेसी,

इबरानीआ 12:2

आओ ल्यो आपा आपणी आँख्या ईसु प लगावां। जखो बिस्वास को मालिक अर बिनै निधान करबाळो ह। बो आगला सुक क बारां म सोचतो होयो बेजती होबा की चिंत्या कर्या बिना सुळी प दुख भोग्यो अर परमेसर क सिंघासन क दायणै जार बिराजगो।

रोमीयो 9:5

बडका बाऊँई नातो राखी हीं, अर मिनख क जाया क रूप म मसी बामैऊँई जलम्यो जखो सगळा को परमेसर ह अर सदाई धने ह! आमीन।

लूका 1:41

जद इलिसीबा क काना म मरीयम को नमस्कार पड़्यो जणा इलिसीबा का पेट को टाबरियो उछळबा लाग्यो अर इलिसीबा पबितर आत्माऊँ भरगी।

लूका 1:43

मेरो अत्तो बडो भाग? क मेरै परबु की माँ मेरै कनै आई।