यहून्ना 8:6 - जीवन को च्यानणो (सेकावाटी नया नियम की पोथ्या)

⁶ बे ईसुनै फसाबा ताँई अंय्यां बुजर्या हा जिऊँ बे बिपै दोस लगा सकै। पण ईसु उकड़ू बेठर जमीन प आँगळीऊँ क्यु मांड्यो।

यहून्ना 8:6 Referans Kwoze

लूका 10:25

एक दिन सास्तरानै सीखाबाळो बठै आर ईसुनै फसाबा ताँई बिऊँ बुज्यो, “गरूजी, अजर-अमर जीवन पाबा ताँई म काँई करूं?”

मत्ती 19:3

जणा फरिसी ईसुनै बिचासबा ताँई बाऊँ बुज्या क, “नेम-कायदो कोई मिनखनै कोई बी बजेऊँ तलाकनामो देबा ताँई खेवै ह के?”

1 कुरन्थीयो 10:9

अर नइ आपा मसीनै बिचासां, जंय्यांकी बामैऊँ कई कर्या अर बे साप क डसबाऊँ मरगा।

मरकुस 10:2

जदई फरिसी बिकन आर ईसुनै बिचासबा ताँई बिऊँ बुजबा लाग्या क आपणा बिधान म कोई मोट्यार आपकी लूगाईनै छोड सकै ह के?

मरकुस 8:11

फरिसी ईसु कनै जार बिऊँ जिदबा लाग्या क, तू सचमई परमेसर कानिऊँ भेजेड़ो ह जणा म्हानै ईस्बर नगरी की कोई सेलाणी दिखा। क्युं क बे ईसुनै फसाबो चावै हा।

मत्ती 26:63

पण ईसु चुपचालोई रिह्यो। जणा ओज्यु म्हायाजक बिऊँ बोल्यो, “म थानै जीवता परमेसर की सोगन देऊँ हूँ, म्हानै बता तू परमेसर को बेटो मसी ह के?”

मत्ती 22:35

अर बामैऊँ एक यहूदि सास्तरी ईसुनै अळजाबा ताँई बुज्यो,

मत्ती 22:18

बो बाकी चाल भापगो अर बाऊँ बोल्यो, “कपट्यो थे मनै क्युं बिचासो हो?

मत्ती 16:1

फरिसी अर सदुकी ईसु कनै आया। क्युं क बे ईसुनै फसाबो चावा हा इ ताँई बे ईसुनै बोल्या, “थानै परमेसर भेज्यो ह इ बातनै साबित करबा ताँई म्हानै कोई ईस्बर नगरी की सेलाणी दिखाओ।”

मत्ती 15:23

पण ईसु बिऊँ क्युंई कोनी बोल्यो, जणा ईसु का चेला ईसु कनै आया अर अरदास कर खया, “आ लूगाई आपणै गेल-गेल कूकती आरी ह इनै भेजो।”

मत्ती 10:16

“सुणो म थानै ल्याळ्या क मांयनै लल्ड्या की जंय्यां भेजर्यो हूँ। इ ताँई थे साँप जंय्यां चलाक अर कबूतर की जंय्यां भोळा रेहज्यो।

यहून्ना 8:2

आगलै दिन भागपाट्याई बो ओज्यु मनदर गयो। सगळा बिनै च्यारूमेरूँ घेर लिआ, अर बो तळै बेठर बानै सीखाबा लाग्यो।

लूका 11:16

दुसरा बिनै परखबो चावै हा इ ताँई बे ईसुऊँ माँग करी क, “तू म्हानै ईस्बर नगरी की कोई सेलाणी दिखा जिऊँ ओ बेरोपाट सकै क तू ईस्बर कानिऊँ भेजेड़ो ह।”

मरकुस 12:15

ईसु बाकी चालनै भापगो अर बाऊँ बोल्यो, “थे मनै क्युं बिचासो हो? थे मेर कनै एक सीक्को ल्याओ जिऊँ म देखूँ।”

मरकुस 3:2

क्युंक मिनख ईसु प दोस लगाबा की ताक म बेठ्या हा। बे देखबो चावा हा क ईसु बि मिनखनै अरामहाळा दिन निरोगो करै क कोनी करै।