यहून्ना 7:26 - जीवन को च्यानणो (सेकावाटी नया नियम की पोथ्या)

²⁶ पण देखो बो तो चोड़ै-धाड़ै बतळार्यो ह अर बे इनै नामई कोनी लेर्या। कदै यहूदि नेतानै बी तो कोनी बेरो पड़गो, क ओई मसी ह?

यहून्ना 7:26 Referans Kwoze

यहून्ना 7:48

के थे एक बी फरिसी नहिस यहूदि नेतानै जाणो हो जखो बिपै बिस्वास कर्यो होवै?

फलिपी 1:14

अर म साकळा म बंदर्यो हूँ। इ बजेऊँई परबु म बिस्वास राखबाळा घणकराक भाईड़ानै घणीसारी हिमत मिली ह, अर बे चोखा समचारनै बेधड़क होर सुणार्या हीं।

भेजेड़ा चेला का काम 4:13

जद पंचानै ओ बेरो पड़्यो क पतरस अर यहून्ना दोन्यु कम पढ्या-लिख्या आम आदमी हीं जणा बे बाकी हिमत देखर ताजूब म पड़गा। अर पाछै बानै बेरो पड़्यो क अ दोन्यु ईसु क सागै रेह्ता हा।

यहून्ना 12:42

बोळा यहूदि नेता बी ईसु प बिस्वास कर्या। पण फरिसीया की बजेऊँ बे चोड़ै म इपै बात कोनी करता हा। क्युं क बानै डर हो क बे बानै अरदास हाळी झघाऊँ बारनै काड देसी।

यहून्ना 9:22

बिका घरका आ बात इ ताँई बोल्या, क्युं क बे यहूदि अधिकारीयाऊँ डरता हा। क्युं क बे सगळा एक मत होर्या हा, क जखो बी ईसुनै मसी कर मानसी बिनै अरदास करबाळी झघा म बड़बा कोनी दिओ जासी।

लूका 7:30

पण फरिसी अर सास्तरानै सीखाबाळा, यहून्नाऊँ पाणी को बतिस्मो नइ लेर परमेसर बा ताँई जोक्यु ध्यार राखी ही बिनै टाळ दिआ।

मत्ती 22:16

जणा बे हेरोद का गुट का क्युंक मिनखा क सागै आपका चेलानै ईसु कनै भेज्या। अर बे ईसुनै कह्या, “गरूजी म्हें जाणा हां थे सचा हो अर परमेसर आपणाऊँ काँई चावै बिनै खराईऊँ बताओ हो। म्हें आबी जाणा हां थे मुंडो देखर टिको कोनी काडो अर नइ खिकी परवा करो हो।

लूका 23:13

पीळातुस परधान याजका, यहूदि नेता अर मिनखानै भेळा कर

यहून्ना 3:1

बठै निकेदेमुस नाम को यहूदि नेता हो, जखो एक फरिसी हो।

यहून्ना 4:29

“आर एक मिनखनै देखो, बो बे सगळी बाता बता दिनी जखी म करी। के ओई तो मसी कोनी?”

यहून्ना 7:25

जणा यरूसलेम का क्युंक मिनख बोलबा लाग्या, “के ओ बोई मिनख ह जिनै बे मारबा की तक म हीं?

यहून्ना 7:31

भीड़ मऊँ बोळाजणा बिपै बिस्वास कर्या अर बोल्या, “ओ मसी ह , जणाई तो बडा-बडा चमत्कार दिखाया हीं। कोई दुसरो अंय्यां का चमत्कार दिखा सकै ह के?”

यहून्ना 18:20

ईसु बिऊँ बोल्यो, “म हर बार दुनिया का मिनखा म खुलर बोल्यो हूँ। म अरदास करबाळी झघा अर मनदर म जठै सगळा मिनख भेळा होवीं हीं सीखायो हूँ। म कदैई ओला म कोनी बोल्यो।