यहून्ना 6:2 - जीवन को च्यानणो (सेकावाटी नया नियम की पोथ्या)

² अर मिनखा की भीड़ बिकै गेल होरी ही क्युं क बे बा चमत्कारानै देख्या हा, जाकै जरिए बो रोगलानै निरोगो कर्यो हो।

यहून्ना 6:2 Referans Kwoze

मत्ती 12:15

ईसु बाकी चाल समजगो अर बठैऊँ चलेगो। पण भीड़ बाकै गेल होलिनी। ईसु सगळा रोगलानै निरोगो कर्यो।

यहून्ना 2:11

अंय्यां गलिल का काना नगरी म ईसु पेलो चमत्कार कर आपकी मेमा दिखाई। अर बिका चेला बिपै बिस्वास कर्या।

मरकुस 6:33

बानै जाता देख लोग बानै पिछाण्गा अर सगळी नगर्या का मिनख भेळा होर भागर बिकै अगाऊ बठै पुग्या।

मत्ती 14:14

अर जद ईसु न्यावऊँ किनारै प उतर्या जणा बे भीड़नै सामै खड़ी देखी। बानै बि भीड़ प तरस आयो अर बठै जत्ता बी रोगला हा ईसु बानै निरोगो कर्या।

मत्ती 8:1

इकै पाछै जद ईसु डूँगरऊँ तळै उतर्यो जणा मिनखा की भीड़ बाकै गेल होलिनी।

मत्ती 13:2

जणा बाकै च्यारूमेर भीड़ भेळी होगी इ ताँई बे एक न्याव प चढगा। पण बा भीड़ किनारै पई खड़ी री।

मरकुस 1:45

पण बो बारनै जार सगळा म आ बात फेला दि जिऊँ ईसु बि नगरी म चोड़ै-धाड़ै कोनी जा सक्यो। पण बो उजाड़ म रिह्यो। अर बठै बी लोग च्यारूमेरूँ बिकन आर्या हा।

यहून्ना 2:23

फसै का त्युंहार की टेम जद ईसु यरूसलेम हो, बोळा हा जखा बिका चमत्कारानै देखर जानै बो कर्या करतो हो बिस्वास कर्या।

यहून्ना 3:2

एक रात बो ईसु कनै गयो अर बिऊँ बोल्यो, “गरूजी, म्हें जाणा हां क म्हानै सीखाबा ताँई परमेसर तनै भेज्यो ह। अर ज परमेसर थारै सागै नइ होतो तो थे चमत्कार कोनी कर सका हा।”

यहून्ना 6:14

मिनख ईसु का इ चमत्कारनै देखर बोल्या, “सचमई ओ बोई परमेसर की खेबाळो ह, जखो जगत म आबाळो हो।”

यहून्ना 6:22

आगलै दिन झिल क उरलै नाकै जखी भीड़ रेह्गी ही, बानै ओ बेरो पड़्यो क बठै एक न्याव ही। अर ओ बी बेरो पड़्यो क ईसु चेला क सागै बि न्याव प कोनी चढ्यो। पण चेला बिकै बिनाई चलेगा।

यहून्ना 6:26

ईसु बाऊँ बोल्यो, “म थानै सची खेऊँ हूँ, थे मेरा चमत्कारा की बजेऊँ मेरै गेल कोनी आया। पण म थानै धपार रोटी खुवाई, इ ताँई थे मेरै गेल आया हो।

यहून्ना 6:30

जणा बे बिऊँ बोल्या, “म्हानै चमत्कार दिखा जिनै देखर म्हें तेरै प बिस्वास करां। तू काँई कर सकै ह?

यहून्ना 11:47

जणा फरिसी अर परधान याजक, सभा बुलाई अर बोल्या, “आपानै काँई करनो चाए? ओ मिनख तो बोळा चमत्कार करर्यो ह!

यहून्ना 12:18

भीड़ की बिऊँ मिलबा की बजे आ ही क, बे सुण्या हा, क बो ओ चमत्कार कर्यो ह।

यहून्ना 12:37

बो बाकै सामै बोळा चमत्कार कर्यो इकै बावजुद बी बे बिपै बिस्वास कोनी कर्या।

यहून्ना 20:30

ईसु ओर बी बोळा चमत्कार आपका चेलानै दिखाया जाको जिकर इ पोथी म कोनी मांड्यो गयो।