यहून्ना 4:53 - जीवन को च्यानणो (सेकावाटी नया नियम की पोथ्या)

⁵³ जणा बिकै याद आई क ओ तो बोई टेम ह, जि टेम ईसु बोल्यो हो क, “तू जा, तेरो छोरो कोनी मरै।” जणा बो अर बिको सगळो परवार बिस्वास कर्यो।

यहून्ना 4:53 Referans Kwoze

लूका 19:9

अत्ती सुणर ईसु बिनै बोल्यो, “इ कूणबा म आज छुटकारो आगो ह क्युं क ओ बिस्वास कर दिखा दिओ की ओ अब्राहम की ओलाद ह।

भेजेड़ा चेला का काम 18:8

जणा अरदास घर को अधिकारी आपका सगळा परवार सेत्युं परबु म बिस्वास कर्यो अर बाकै सागै बोळा कुरन्थी म रेह्बाळा पोलुस की बाता सुणर बिस्वास कर्या अर बतिस्मो लिओ।

भेजेड़ा चेला का काम 16:34

जणा बो बानै आपकै घरा लेज्यार जिमायो अर आपका पूरा कूणबा सेत्युं परमेसर प बिस्वास कर खुसी मनाई।

भेजेड़ा चेला का काम 11:14

बो तनै बचन सुणासी जिऊँ तेरो अर तेरा कूणबा को छुटकारो होसी।’

भेजेड़ा चेला का काम 16:15

अर आपका टाबर-टिकरा सेत्युं बतिस्मो लेबा क पाछै बा म्हारूँ बोली, “ज थे मनै परबु की सची बिस्वासण मानो हो जणा चालर मेरै घरा रेह्ओ ,” अर बा म्हानै मनार लेगी।

भेजेड़ा चेला का काम 2:39

क्युं क ओ करार थारै अर थारा टाबरा अर बा सगळा ताँई ह जखा आंतरै हीं। अर ओ बा सगळा ताँई बी ह जानै परबु आपणो परमेसर आपकै कनै बुलावै ह।”

मत्ती 8:13

इकै पाछै ईसु बि सुबेदारनै ओडायो, “चल्योजा जंय्यां को तेरो बिस्वास ह बंय्यांई तेरै सागै होसी।” जणा बि टेमई बिको दास निरोगो होगो।

यहून्ना 4:52

जणा बो बाऊँ बुज्यो, “अ कतीक बजे की बाता ही।” बे बिऊँ बोल्या, “काल करीब एक बजैसीक बिकी बुखार उतरगी अर बो निरोगो होगो हो।”

यहून्ना 4:51

अर जद सरकारी अधिकारी गेला मई हो, जणा बिका दास बिनै आ खबर दिनी क, “तेरो बेटो निरोगो होगो।”