यहून्ना 3:2 - जीवन को च्यानणो (सेकावाटी नया नियम की पोथ्या)

² एक रात बो ईसु कनै गयो अर बिऊँ बोल्यो, “गरूजी, म्हें जाणा हां क म्हानै सीखाबा ताँई परमेसर तनै भेज्यो ह। अर ज परमेसर थारै सागै नइ होतो तो थे चमत्कार कोनी कर सका हा।”

यहून्ना 3:2 Referans Kwoze

यहून्ना 5:36

“पण मेरै कनै एक ओर गुवा ह, जिकी गुवाई यहून्ना की गुवाईऊँ बढर ह। क्युं क परम-पिता जखो काम मनै करबा ताँई सूप्यो ह, जखा काम म करूं हूँ। बेई मेरै बारां म गुवाई देवीं ही क, परम-पिता मनै भेज्यो ह।

भेजेड़ा चेला का काम 10:38

जंय्यां क थे जाणोई हो क परमेसर, कंय्यां पबितर आत्मा अर सक्‍तिऊँ ईसु नासरी को अभिसेक कर्यो। बो च्यारूमेर जार भलाई करतो अर सेतान का सतायड़ा सगळानै निरोगो करतो क्युं क परमेसर बिकै सागै हो।

भेजेड़ा चेला का काम 2:22

“इजरायल का रेह्बाळो, ईसु नासरी क बारां म आ बचनानै सुणो। परमेसर ईसु क हाता सेलाणी-चमत्कार अर अचरजभर्या काम कर आ साबित कर्यो क बो परमेसर कानिऊँ थारै ताँई भेजेड़ो मिनख हो। जंय्यां की थे सगळा जाणो हो।

यहून्ना 9:16

क्युंक फरिसी बोल्या, “जखो मिनख ओ कर्यो ह। बो परमेसर कानिऊँ कोनी हो सकै क्युं क बो अरामहाळा दिन को मान कोनी करै।” पण क्युंक दुसरा बोलबा लाग्या क, “एक पापी मिनख ओ चमत्कार कंय्यां दिखा सकै ह?” इ बात प बामै फूट पड़गी।

यहून्ना 12:37

बो बाकै सामै बोळा चमत्कार कर्यो इकै बावजुद बी बे बिपै बिस्वास कोनी कर्या।

यहून्ना 1:38

ईसु गेलनै मुड़र बानै आपकै गेल आतो देखर बाऊँ बुज्यो, “काँई बात ह?” बे बोल्या, “ओ गरूजी, थे कठै रेह्‍वो हो?”

मत्ती 22:16

जणा बे हेरोद का गुट का क्युंक मिनखा क सागै आपका चेलानै ईसु कनै भेज्या। अर बे ईसुनै कह्या, “गरूजी म्हें जाणा हां थे सचा हो अर परमेसर आपणाऊँ काँई चावै बिनै खराईऊँ बताओ हो। म्हें आबी जाणा हां थे मुंडो देखर टिको कोनी काडो अर नइ खिकी परवा करो हो।

यहून्ना 7:31

भीड़ मऊँ बोळाजणा बिपै बिस्वास कर्या अर बोल्या, “ओ मसी ह , जणाई तो बडा-बडा चमत्कार दिखाया हीं। कोई दुसरो अंय्यां का चमत्कार दिखा सकै ह के?”

यहून्ना 20:16

ईसु बिऊँ बोल्यो, “मरीयम।” बा गेलनै घूमी अर इबरानी भासा म बोली, “रब्बूनी,” जिको मतबल “गरूजी ह।”

यहून्ना 15:24

ज म बाकै बिचमै बे काम कोनी करतो जखा म कर्या हीं जणा बे पाप का भागी कोनी होता। पण इब जद बे बा कामानै देख लिआ हीं, जणा बी बे मेरूँ अर मेरा परम-पिताऊँ, म्हारै दोन्याऊँ बेर राखै ह।

यहून्ना 3:26

जणा बे यहून्ना कनै जार बिऊँ बोल्या, “गरूजी जखो मिनख यरदन क परलै नाकै तेरै सागै हो जिकै बारां म तू बोल्यो हो, इब बो पाणी को बतिस्मो देर्यो ह अर हरेक जणो पाणी को बतिस्मो लेबा बिकन जार्यो ह।”

मरकुस 12:14

बे ईसु कनै गया अर बिऊँ बोलबा लाग्या, “ओ गरूजी म्हें जाणा हां क तू बोळो ईमानदार ह अर तू इ बात की परवा कोनी करै क लोग तनै काँई खेवै ह अर तेरा बारां म काँई सोचै ह। अर तू मिनखा को मुंडो देखर बाता कोनी करै पण परमेसर क कनै जाबा ताँई जखो गेलो ह बिनै तू सच-सच बतावै ह। पण म्हें तनै बुजां हां क कैसरनै चुंगी देणी चाए क कोनी?”

फलिपी 1:14

अर म साकळा म बंदर्यो हूँ। इ बजेऊँई परबु म बिस्वास राखबाळा घणकराक भाईड़ानै घणीसारी हिमत मिली ह, अर बे चोखा समचारनै बेधड़क होर सुणार्या हीं।

मत्ती 23:7

अर बे चावीं हीं क बजारा म मिनख बानै ईज्जत देर नमस्कार करै अर गरूजी खेर बुलावीं।

मत्ती 23:8

“थे जखा मेरा चेला हो खुदनै गरूजी मना खुवायो क्युं क थारो गरूजी एक ह अर बो म हूँ। थे सगळा भाई-भाण हो।

यहून्ना 2:11

अंय्यां गलिल का काना नगरी म ईसु पेलो चमत्कार कर आपकी मेमा दिखाई। अर बिका चेला बिपै बिस्वास कर्या।

यहून्ना 4:31

अर बठिनै बिका चेला बिऊँ हात जोड़र खया, “गरूजी, क्यु खाल्यो।”

यहून्ना 6:2

अर मिनखा की भीड़ बिकै गेल होरी ही क्युं क बे बा चमत्कारानै देख्या हा, जाकै जरिए बो रोगलानै निरोगो कर्यो हो।

यहून्ना 10:38

ज म बे करूं, इकै बावजुद बी थे मेर प बिस्वास कोनी करो, पण कमऊँ कम मेरा कामा प तो बिस्वास करो। जिऊँ थे जाण सको क परम-पिता मेर म ह, अर म परम-पिता म।”

यहून्ना 14:10

फलिपूस, तू के इ बात प बिस्वास कोनी करै क म परम-पिता म अर परम-पिता मेर म बास करै ह?” ईसु आपका चेलानै बोल्यो, “जखी बाता म थारूँ बोलुँ हूँ, अ बाता मेर कानिऊँ नइ, पण परम-पिता कानिऊँ ह, जखो मेर म होर आपको काम करै ह।