यहून्ना 20:9 - जीवन को च्यानणो (सेकावाटी नया नियम की पोथ्या)

⁹ बे हाल बी सास्तर का आंकनै कोनी समज्या क, “बो मरेड़ा मऊँ पक्कोई जी उठसी।”

यहून्ना 20:9 Referans Kwoze

1 कुरन्थीयो 15:4

अर बिनै कबर म धर दिओ गयो पण सास्तर म मांडेड़ो ह क बो तिजै दिन जी उठ्यो।

लूका 24:26

काँई मसी ताँई ओ जरूरी कोनी हो क बो आ दुख-तकलिफानै भोगै अर आपकी मेमा धारण करै?”

मत्ती 22:29

ईसु बाऊँ बोल्यो, “थे गळत हो। थे नइ तो सास्तरानै जाणो अर नइ परमेसर की सक्‍तिनै।

यहून्ना 2:22

अर जद बो मरेड़ा मऊँ जी उठ्यो जणा बिका चेलानै याद आयो क इकै बारां म बो बानै बोल्यो हो। अर बे धरमसास्तर प अर ईसु जखो बोल्यो हो बिपै बिस्वास कर्या।

लूका 9:45

पण अ बाता बाकै पलै कोनी पड़ी। अर अ बाता बाऊँ लुखायड़ी ही जणा बे कोनी जाण सक्या। अर बे आ बातानै बुजबाऊँ डरता हा।

भेजेड़ा चेला का काम 2:24

पण परमेसर बिनै मोतऊँ ओज्यु जीवा दिओ क्युं क आ होय कोनी सकै ही क मोत बिकै जेवड़ो घाल्या राखती।

भेजेड़ा चेला का काम 17:3

अर धरमसास्तर को बखान कर आ साबित कर्यो क दुख भोगबो अर मरेड़ा मऊँ जिंदो होबो मसी ताँई जरूरी हो। सागैई बो आ बी बोल्यो क, “ईसुई छुटकारो देबाळो राजा ह। जिकी बाता म थानै बताऊँ हूँ।”