यहून्ना 2:2 - जीवन को च्यानणो (सेकावाटी नया नियम की पोथ्या)

² ईसु अर बिका चेलानै बी इ ब्या म नूतेड़ो हो।

यहून्ना 2:2 Referans Kwoze

कलुसीयो 3:17

मेरो खेबा को मतबल ओ ह क, थे जोक्यु करो अर बोलो बो परबु ईसु मसी क नामऊँ होणो चाए अर बिका नामऊँई परम-पिता परमेसरनै धनेवाद द्‍यो।

1 कुरन्थीयो 7:39

अर जद ताँई लूगाई को मोट्यार जीवै ह, बा ब्या का बंदण म बंदी रेह्‍वै ह। पण ज बिका मोट्यार की मोत होज्यावै जणा बा चावै बिकै सागै ब्या करबा ताँई अजाद ह पण परबु म।

इबरानीआ 13:4

ब्या सगळा ताँई आदर की बात समजी जाणी चाए। अर ब्याईड़ा लूगाई मोट्यार एक दुसरा बेई पबितर रेह्‍वै, क्युं क परमेसर दुसरा लूगाई मोट्यार क सागै नाजायज समंद राखबाळा अर कुकरमीनै सजा देसी।

1 कुरन्थीयो 10:31

इ ताँई थे चाए खायो, चाए पीयो, सक्यु परमेसर की मेमा ताँई करो।

मत्ती 25:45

म थारूँ सची खेऊँ हूँ, जद कदै बी थे मेरा भोळा-ढाळा मिनखा मऊँ एक को बी भलो कोनी कर्या इको मतबल ओई ह क थे मरै ताँई क्युंई कोनी कर्या।

मत्ती 25:40

जणा बो राजा खेसी, ‘म थारूँ सची बोलर्यो हूँ, जोक्यु बी थे थारा भोळा-ढाळा भाई-भाणा ताँई कर्या हो बो थे मेर ताँई कर्या हो।’

मत्ती 12:19

ओ नइ तो खिऊँ लड़सी, अर नइ गळी-कुचळ्या म कूकसी।

दरसाव 3:20

सुण, म बारना प खड़्यो-खड़्यो खुड़काऊँ हूँ। ज कोई मेरो हेलो सुणर कुआड़ खोलसी, जणा म मांयनै जार बिकै सागै खाणो खास्युं अर बो मेरै सागै।

यहून्ना 2:3

अर जद अँगूरी निमड़गी जणा, ईसु की माँ बिऊँ बोली, “आकै कनै अँगूरी निमड़गी।”

यहून्ना 2:12

इकै पाछै ईसु अर बिकी माँ अर बिका भाई अर बिका चेला कफरनूम नगर जार बठै क्युंक दिन रिह्या।

यहून्ना 2:17

जणा बिका चेलानै पबितर सास्तर म मंडेड़ी बात याद आई, “तेरै घर को मो मनै खाज्यासी।”

यहून्ना 2:22

अर जद बो मरेड़ा मऊँ जी उठ्यो जणा बिका चेलानै याद आयो क इकै बारां म बो बानै बोल्यो हो। अर बे धरमसास्तर प अर ईसु जखो बोल्यो हो बिपै बिस्वास कर्या।

यहून्ना 3:22

आ बाता क होबा क पाछै ईसु आपका चेला क सागै यहूदिआ का निचला इलाका म आयो। अर बठै बाकै सागै रिह्यो अर पाणी को बतिस्मो दिओ।

यहून्ना 4:2

पण ईसु खुद आपकै हाता कोईनैई पाणी को बतिस्मो कोनी देतो हो। ओ काम बिका चेला कर्या करता हा।

यहून्ना 4:8

बि टेम बिकाळा चेला खाबा ताँई क्यु मोल ल्याबानै नगरी म गयड़ा हा।

यहून्ना 4:33

जणा चेला आपसरी म बतळाबा लाग्या, “के आनै कोई रोटी ल्यार दिनी ह?”

यहून्ना 6:8

ईसु को एकोर चेलो अंदरिआस जखो समोन को भाई हो ईसुऊँ बोल्यो,

यहून्ना 6:12

जद बे सगळा खार धापगा, जणा ईसु आपका चेलानै बोल्यो, “बचेड़ी रोटी भेळी करल्यो, जिऊँ क्युंई बेकार नइ जावै।”

यहून्ना 6:16

जद दिन आथगो जणा बिका चेला झिल क किनारै गया,

यहून्ना 6:60

बिका घणकराक चेला आ सुणर बोल्या, “आ कल्डी सीख ह। इपै कूण चाल सकै ह?”

यहून्ना 6:66

इ बात की बजेऊँ बिका चेला मऊँ बोळाजणा बिकै पिछै चालबो छोड दिआ।

यहून्ना 6:67

जणा ईसु बा बाराऊँ बोल्यो, “थे बी जाबो चाओ हो के?”

यहून्ना 6:70

ईसु बाऊँ बोल्यो, “म थानै बारवांनै कोनी टाळ्यो के? इकै बावजुद थारै मांयनै एक जणो सेतान ह।”

यहून्ना 6:71

आ बात बो समोन इस्करोती का बेटा यहूदा क बारां म बोली ही, क्युं क बा बारा मऊँ बोई बिनै धोकाऊँ पकड़ाबाळो हो।

यहून्ना 7:3

जणा बिका भाईड़ा बिऊँ बोल्या, “अठैऊँ यहूदिआ चल्योजा। जिऊँ तेरा चेला बी बा कामानै देख सकै, जिनै तू करै ह।

भेजेड़ा चेला का काम 11:26

अर जद साऊल बिनै लाध्यायो जणा बो बिनै लेर अंताकीया आगो। अर बे पूरा बरस भर बिस्वासी मंडळ्याऊँ मिलता अर बोळासारा मिनखानै उपदेस देता रिह्या अर चेला सऊँ पेली अंताकीया मई मसी का मिनख बाज्या।

भेजेड़ा चेला का काम 11:29

जणा सगळा चेला जत्ता बी बठै हा बे आपकी पायना गेल यहूदिआ म रेह्बाळा भाई-भाणा ताँई मदद भेजबा को फेसलो कर्यो।