यहून्ना 2:11 - जीवन को च्यानणो (सेकावाटी नया नियम की पोथ्या)

¹¹ अंय्यां गलिल का काना नगरी म ईसु पेलो चमत्कार कर आपकी मेमा दिखाई। अर बिका चेला बिपै बिस्वास कर्या।

यहून्ना 2:11 Referans Kwoze

यहून्ना 1:14

बचन देधारी होयो। बो दया अर सच क सागै म्हारै मांयनै रिह्यो। अर म्हें बिकी अंय्यां की मेमा देखी जंय्यां परम-पिता का इकलोता बेटा की मेमा।

यहून्ना 3:2

एक रात बो ईसु कनै गयो अर बिऊँ बोल्यो, “गरूजी, म्हें जाणा हां क म्हानै सीखाबा ताँई परमेसर तनै भेज्यो ह। अर ज परमेसर थारै सागै नइ होतो तो थे चमत्कार कोनी कर सका हा।”

यहून्ना 6:2

अर मिनखा की भीड़ बिकै गेल होरी ही क्युं क बे बा चमत्कारानै देख्या हा, जाकै जरिए बो रोगलानै निरोगो कर्यो हो।

यहून्ना 6:30

जणा बे बिऊँ बोल्या, “म्हानै चमत्कार दिखा जिनै देखर म्हें तेरै प बिस्वास करां। तू काँई कर सकै ह?

यहून्ना 6:26

ईसु बाऊँ बोल्यो, “म थानै सची खेऊँ हूँ, थे मेरा चमत्कारा की बजेऊँ मेरै गेल कोनी आया। पण म थानै धपार रोटी खुवाई, इ ताँई थे मेरै गेल आया हो।

यहून्ना 6:14

मिनख ईसु का इ चमत्कारनै देखर बोल्या, “सचमई ओ बोई परमेसर की खेबाळो ह, जखो जगत म आबाळो हो।”

2 कुरन्थीयो 4:17

अर ओ स्यातेक को कळेस आपणा ताँई जुग-जुग की मेमा लेर आसी जिकै सामै ओ स्यातेक को कळेस क्युंई कोनी।

यहून्ना 14:13

अर थे जोक्यु बी मेरा नामऊँ माँगस्यो म करस्युं, क्युं क परम-पिता की मेमा बेटा क जरिए दिखाई ज्यासी।

यहून्ना 12:41

यसाया अंय्यां इ ताँई बोल्यो हो, क्युं क बो ईसु की मेमा देख लिओ हो, अर बिकै बारां म बोल्यो।

यहून्ना 12:37

बो बाकै सामै बोळा चमत्कार कर्यो इकै बावजुद बी बे बिपै बिस्वास कोनी कर्या।

यहून्ना 2:23

फसै का त्युंहार की टेम जद ईसु यरूसलेम हो, बोळा हा जखा बिका चमत्कारानै देखर जानै बो कर्या करतो हो बिस्वास कर्या।

यहून्ना 1:50

ईसु बोल्यो, “म तनै बोल्यो क म तनै अंजीर का दरखत तळै देख्यो, के तू जणाई मेर प बिस्वास करै ह? तू इऊँ बी बडा-बडा काम देखसी।”

1 यहून्ना 5:13

परमेसर का बेटा प बिस्वास करबाळो, म, अ बाता थानै इ ताँई मांडूँ हूँ, जिऊँ थे ओ जाणल्यो क अजर-अमर जीवन थानै मिल्यो ह।

यहून्ना 4:46

जणा पाछै बो गलिल इलाका की काना नगरी म गयो, जठै बो पाणीनै अँगूरी बणाई ही। बठै एक सरकारी अधिकारी हो, जिको बेटो कफरनूम नगरी म बिमार पड़्यो हो।

यहून्ना 5:23

जिऊँ सगळा, बि बेटा को बंय्यांई मान-समान करै जंय्यां परम-पिता को मान-समान करीं हीं। जखो बी बेटा को मान-समान कोनी करै बो परम-पिता को मान-समान बी कोनी करै जखो बिनै भेज्यो ह।

2 कुरन्थीयो 4:6

क्युं क बो परमेसरई ह जखो बोल्यो क, “अँधेरा म च्यानणो हो” अर बोई म्हारा हिया म होयो, जिऊँ म्हानै ईसु मसी म परमेसर की मेमा की ज्ञान को च्यानणो मिल सकै।

2 कुरन्थीयो 3:18

इ ताँई आपणा मुंडा ढकेड़ा कोनी। बे परबु की मेमा का तेजनै दरसावीं हीं अर पबितर आत्मा आपानै होळ्या-होळ्या आपणा मेमाभर्या परबु की जंय्यां बणावै ह।

यहून्ना 11:15

थारै कारण म राजी हूँ क म बठै कोनी हो, क्युं क इब थारो बिस्वास ओर बी बढ ज्यासी। आओ ल्यो आपा बिकन चालां।”

यहून्ना 1:17

मूसा क जरिए परमेसर नेम-कायदा दिआ। पण दया अर सच ईसु मसी की बजेऊँ आयो।

यहून्ना 1:43

आगलै दिन ईसु गलिल जाबा की मन म करी। फलिपूसनै देखर बो बिऊँ बोल्यो, “मेरै गेल होले।”

यहून्ना 2:1

आ बाता क होबा क पाछै तीसरै दिन गलिल का काना नगरी म कोई ब्या हो। अर ईसु की माँ बी बठै ही।

यहून्ना 4:3

ईसुनै जद बेरो पड़्यो क फरिसी बिकै बारां म काँई सुण्या हीं, जणा बो यहूदिआ इलाकानै छोडर पाछो गलिल इलाका म चलेगो।

यहून्ना 4:54

यहूदिआऊँ गलिल आबा क पाछै ईसु को ओ दुसरो चमत्कार हो।

यहून्ना 7:31

भीड़ मऊँ बोळाजणा बिपै बिस्वास कर्या अर बोल्या, “ओ मसी ह , जणाई तो बडा-बडा चमत्कार दिखाया हीं। कोई दुसरो अंय्यां का चमत्कार दिखा सकै ह के?”

यहून्ना 9:16

क्युंक फरिसी बोल्या, “जखो मिनख ओ कर्यो ह। बो परमेसर कानिऊँ कोनी हो सकै क्युं क बो अरामहाळा दिन को मान कोनी करै।” पण क्युंक दुसरा बोलबा लाग्या क, “एक पापी मिनख ओ चमत्कार कंय्यां दिखा सकै ह?” इ बात प बामै फूट पड़गी।

यहून्ना 10:41

बोळा मिनख बिकै कनै आर खेता हा, “यहून्ना कोई चमत्कार कोनी दिखायो, पण जखी बी बात यहून्ना इ मिनख क बारां म खई ह, बे सगळी सच ह।”

यहून्ना 11:47

जणा फरिसी अर परधान याजक, सभा बुलाई अर बोल्या, “आपानै काँई करनो चाए? ओ मिनख तो बोळा चमत्कार करर्यो ह!

यहून्ना 12:18

भीड़ की बिऊँ मिलबा की बजे आ ही क, बे सुण्या हा, क बो ओ चमत्कार कर्यो ह।

यहून्ना 16:27

परम-पिता तो खुदई थारूँ परेम करै ह क्युं क थे मेरूँ परेम अर बिस्वास करो हो क म परमेसर कानिऊँ आयो हूँ।

यहून्ना 16:30

इब म्हें समजगा क थे सक्यु जाणो हो। इब कोईनै बी थारूँ क्युंई बुजबा की जुर्त कोनी। म्हानै ओ बिस्वास ह क थे परमेसर कानिऊँ आयो हो।”