यहून्ना 19:4 - जीवन को च्यानणो (सेकावाटी नया नियम की पोथ्या)

⁴ पीळातुस ओज्यु बारनै आयो अर बाऊँ बोल्यो, “सुणो म बिनै थारै कनै बारनै ल्यार्यो हूँ, जिऊँ क थे जाण सको क मनै बिमै कोई खोट कोनी लाधी।”

यहून्ना 19:4 Referans Kwoze

यहून्ना 19:6

बिनै देखर परधान याजक अर मनदर का पेरेदार चिलार बोल्या, “इनै सुळी प चढाओ। इनै सुळी प चढाओ।” पीळातुस बाऊँ बोल्यो, “थे इनै लेज्याओ अर सुळी चढाओ, मनै तो इमै कोई खोट कोनी दिखै।”

यहून्ना 18:38

पीळातुस बिऊँ बुज्यो, “सच काँई ह?” आ खेर बो ओज्यु यहूदि मिनखा क कनै बारनै गयो अर बाऊँ बोल्यो, “मनै इ मिनख म कोई खोट कोनी लाधी।

लूका 23:4

जणा पीळातुस मिनखा अर परधान याजकऊँ बोल्यो, “मनै तो इ आदमी म क्युंई गळत कोनी दिखर्यो।”

लूका 23:47

अठै जोक्यु होयो बिनै देखर सुबेदार परमेसर की बडाई कर बोल्यो, “ओ पक्कोई धरमी मिनख हो।”

1 यहून्ना 3:5

क्युं क थे आ तो जाणोई हो क मसी मिनखा का पापनै धोबा ताँई आयो , अर आबी जाणो हो क बिकै मांयनै क्युंई पाप कोनी।

1 पतरस 3:18

क्युं क मसी सगळा का पाप ताँई एकर मर्यो जखो धरमी होर बी पाप की बजेऊँ दुख भोग्यो जिऊँ आपानै परमेसरऊँ मिलावै। बो काया म मर्यो पण आत्मा म जीवायो गयो।

1 पतरस 2:22

“नइ तो बो पाप कर्यो, अर नइ मुंडाऊँ छळ की बात बोली।”

1 पतरस 1:19

पण थारो छुटकारो परमेसर का पबितर अर बेदाग उन्या मसी का लोयऊँ होयो ह, जिको मोल कोनी लगायो जा सकै।

2 कुरन्थीयो 5:21

अर जखो कदैई पाप कोनी कर्यो बिनै परमेसर आपणा ताँई पापबली बणायो जिऊँ आपा परमेसर क सामै धरमी बाजां।

लूका 23:41

क्युं क आपानै आपणी करनी गेल फळ मिलर्यो ह, पण ओ लाय तो क्युं कर्योई कोनी।”

मत्ती 27:54

रोमी सेना को सुबेदार अर ईसु क पेरो देबाळा मिनख भूचाळ अर जखो बठै घट्यो हो बिनै देखर डरग्या। अर खया, “ओ सचमई परमेसर को बेटो हो।”

मत्ती 27:24

पीळातुस आ देखर सोच्यो इब क्युंई कोनी हो सकै ज म भीड़ क खिलाप जास्युं तो दंगो हो सकै ह। इ ताँई बो पाणी लेर भीड़ क सामै हात धोर खयो, “इ मिनख की मोत म मेरो कोई लेणदेण कोनी आ थारी करनी ह।”

मत्ती 27:19

अर जद पीळातुस न्यायहाळा सिंघासन प बेठ्यो हो जणा बिकी लूगाई बिकन एक संदेसो भेज्यो। जिमै मंडर्यो हो क, “सुआरैसिक म सूपना म इ मिनख की बजेऊँ बोळो दुख पाई हूँ। जणा इ धरमी मिनख क सागै क्युंई बुरो मना करज्यो।”

मत्ती 27:4

अर खयो, “म निरदोस मिनखनै धोकाऊँ पकड़ार पाप कर्यो हूँ।” अंय्यां सुणर बे बोल्या, “म्हानै इऊँ काँई लेणो ओ तो तेरो मामलो ह।”

इबरानीआ 7:26

अर आपानै तो अंय्यां कोई म्हायाजक चाए हो जखो पबितर, निरदोस, पापी मिनखाऊँ न्यारो, सुद अर जिको ईस्बर नगरी म उचो पद हो।

यहून्ना 18:33

जणा पीळातुस दरबार म पाछो गयो अर ईसुनै बुलार बुज्यो, “तू यहूदि मिनखा को राजा ह के?”