यहून्ना 17:6 - जीवन को च्यानणो (सेकावाटी नया नियम की पोथ्या)

⁶ इ जगत का मिनखा मऊँ जखा मिनख थे मनै दिआ, बानै म थारा नाम की सक्‍ति को ज्ञान करवायो। बे सगळा थाराई मिनख हा। थे बानै मनै दिआ अर बे तेरा खयानै मान्या।

यहून्ना 17:6 Referans Kwoze

यहून्ना 17:26

म, बानै थारा नाम की सक्‍ति को ज्ञान करायो अर करवातो रेहस्युं, जिऊँ जखो परेम थे मेर प दरसाया हो बो बामै बी हो अर म बामै बण्यो रेह्ऊँ।”

1 यहून्ना 5:20

इ बातनै बी आपा जाणा हां क परमेसर को बेटो ईसु मसी आयो अर आपानै समज दिओ जिऊँ आपा सचा परमेसरनै जाण सकां, अर आपा बिकै सागै रेह्‍वां जखो सचो ह, मतबल ईसु मसी क सागै। ओई सचो परमेसर अर अजर-अमर जीवन देबाळो ह।

यहून्ना 6:37

जोक्यु परम-पिता मनै देवै ह, बो मेरै कनै आसी अर म बिऊँ मुंडो कोनी फेरूं।

यहून्ना 17:24

ओ परम-पिताजी, जखा मिनख थे मनै सूप्या हो म चाऊँ हूँ क बे बी बठै मेरै सागै होवीं जठै म हूँ, जिऊँ क बे बि मेमानै देख सकीं जखी थे मनै दिआ हो, क्युं क इ सरस्टिनै रचबाऊँ पेली थे मेरूँ परेम कर्यो।

यहून्ना 17:2

थे बिनै सगळा मिनखा प अधिकार दिओ ह जिऊँ बो बा मिनखानै अजर-अमर जीवन देवै जानै थे टाळ्या हो।

2 कुरन्थीयो 4:6

क्युं क बो परमेसरई ह जखो बोल्यो क, “अँधेरा म च्यानणो हो” अर बोई म्हारा हिया म होयो, जिऊँ म्हानै ईसु मसी म परमेसर की मेमा की ज्ञान को च्यानणो मिल सकै।

यहून्ना 15:19

ज थे इ जगतऊँ लगाव राखता जणा ओ जगत थारूँ परेम करतो। पण म थानै इ जगतऊँ टाळ लिआ क्युं क थे इ जगत का कोनी जणाई ओ थारूँ बैर राखै ह।

दरसाव 3:8

म तेरा करमानै जाणू हूँ। म तेरै सामै एक दरूजो खोल्यो हूँ जिनै कोईबी कोनी जुड़ सकै। म जाणू हूँ क तेरै कनै थोड़ीई ताकत ह पण तू मेरा हुकमानै मान्यो ह, अर मेरो नाम लेबो कोनी छोड्यो।

इबरानीआ 3:6

पण मसी बेटो होबा क नातै परमेसर का घर को मुखियो ह, अर ज आपा हिमत अर बि आसनै जिपै आपा बिस्वास करां हां थाम्या राखां जणा आपा बिका परिवार हां।

यहून्ना 15:7

ज थे मेर म अर मेरा बचन थारै म बण्या रेह्सी, जणा थे जोक्यु बी थारी इंछ्या गेल माँगस्यो बो थानै मिलसी।

दरसाव 2:13

म जाणू हूँ क, तू बठै रेह्‍वै ह जठै सेतान को सिंघासन ह। इकै वावजुद बी तू मेरै नाम प सचो बिस्वास करै ह। तेरी नगरी म सेतान को सिंघासन ह जठै मेरा बिस्वास जोगा दास अन्तिपासनै मार्यो गयो जणाबी तू मेर प बिस्वास करबो कोनी छोड्यो।

इबरानीआ 2:12

अर बो खेवै ह, “म मेरा भाई-भाणा म तेरा नाम को हेलो पाड़स्युं, अर मिनखा की मंडळी क मांयनै म तेरो गुणगान गास्युं।”

2 तिमूतियूस 1:13

जखा खरा बचन म तनै सीखायो हूँ बानै डटर थाम्यो रेह अर बानै बि बिस्वास अर परेम क सागै, जखा मसी ईसु म ह, खुद ताँई नमूनो बणार राख।

कलुसीयो 3:16

सगळी बुदी क सागै एक दुसरानै सीखाओ अर चेताओ। अर थारा हियाऊँ परमेसर ताँई सगळा भजन अर आत्मिक गुणगान गाता रह्यो अर धनेवाद देतार्यो। अंय्यां कर मसी का बचनानै थारा हिया म पूरो-पूरो बसबा द्‍यो।

रोमीयो 11:2

परमेसर आपका मिनखाऊँ जानै बो पेल्याऊँ जाणतो हो मुंडो कोनी मोड़्यो। के थे कोनी जाणो क एलिआ क बारां म सास्तर काँई बोलै ह, जद एलिआ परमेसरऊँ इजरायल का मिनखा क खिलाप कंय्यां अरदास करी ही?

भेजेड़ा चेला का काम 13:48

आ सुणर गैर-यहूदि मिनख बोळा राजी होया अर परबु का बचना की मेमा करबा लागगा। अर जत्ता बी अजर-अमर जीवन ताँई टाळेड़ा हा बे बिस्वास कर्या।

यहून्ना 18:9

अंय्यां बो इ ताँई बोल्यो जिऊँ जोक्यु बो बोल्यो हो बो सच होवै, “म बामैऊँ एकनैई कोनी खोयो जखा थे मनै सूप्या हा।”

यहून्ना 17:16

बे इ जगत का कोनी जंय्यां म इ जगत को कोनी।

यहून्ना 17:14

म थारी सीख बानै दिनी। पण ओ जगत बाऊँ नफरत करै ह क्युं क बे इ जगत का कोनी, जंय्यां म इ जगत को कोनी।

यहून्ना 15:3

अंय्यांई थानै मेरा खया प चालबा की बजेऊँ पेलीई पबितर कर दिओ गयो ह।

यहून्ना 12:28

परम-पिता, थारै नाम की मेमा होवै!” जणा ईस्बर नगरीऊँ एक उवाज आई, “म मेरी मेमा दिखादि अर ओज्यु दिखास्युं।”

यहून्ना 6:39

अर जखो मनै भेज्यो ह, बिकी इंछ्या आ ह क जोक्यु बो मनै दिओ ह बिमैऊँ क्युंई नइ खोऊँ। पण आखरी दिन म बानै जीवाऊँ।

यहून्ना 1:18

परमेसरनै कदैई कोई कोनी देख्यो। पण परमेसर को इकलोतो बेटो जखो परमेसर की छाती तळै ह, अर बो परमेसरई ह। बोई परमेसरनै परगट कर्यो।

1 पतरस 1:1

म ईसु मसी को भेजेड़ो चेलो पतरस, आ चिठी परमेसर का टाळेड़ा मिनखानै मांडूँ हूँ। जखा पिन्तुस, गलातिया, कपुदूकिया, एसिया अर बितूनिया परदेसा म तीनतेरा होगा।

यहून्ना 8:51

म थारूँ सची बोलुँ हूँ, जखो बी मेरी सीखनै मानसी बो कदैई कोनी मरसी।”

यहून्ना 8:52

बे बिऊँ बोल्या, “इब तो पुक्‍ता होगो तेरै म ओपरी बलाय ह। अब्राहम अर परमेसर की खेबाळा मरग्या अर तू बोलै ह क, ‘जखो बी मेरी सीखनै मानसी बो कदैई कोनी मरै।’

यहून्ना 17:7

अर इब बे जाणी हीं क हरेक चिज जखी थे मनै दिआ हो, बा थारै कानिऊँ आवै ह।

यहून्ना 17:12

जद म बाकै सागै हो म थारा बि नाम की सक्‍तिऊँ जखो थे मनै दिआ हा बानै बचायो। बामैऊँ कोईबी नास कोनी होयो सिवाय बि मिनख क जखो बि गेला प चाल्यो जखो नास कानि लेज्यावै ह, जिऊँ क सास्तर को आंक पूरो होवै।

दरसाव 3:10

क्युं क तू मेरा हुकमानै थ्यावस क सागै सक्यु सेण करतो होयो मान्यो ह। इ ताँई जद इ जगत का मिनखानै परखबा ताँई जखो कळेस आबाळो ह बि घड़ी म, म तनै बचास्युं।