यहून्ना 17:3 - जीवन को च्यानणो (सेकावाटी नया नियम की पोथ्या)

³ अजर-अमर जीवन ओ ह क बे थानै, जखा इकलोता सचा परमेसर हो, अर ईसु मसीनै जाणै जिनै थे भेज्या हो।

यहून्ना 17:3 Referans Kwoze

1 यहून्ना 5:20

इ बातनै बी आपा जाणा हां क परमेसर को बेटो ईसु मसी आयो अर आपानै समज दिओ जिऊँ आपा सचा परमेसरनै जाण सकां, अर आपा बिकै सागै रेह्‍वां जखो सचो ह, मतबल ईसु मसी क सागै। ओई सचो परमेसर अर अजर-अमर जीवन देबाळो ह।

यहून्ना 17:25

“ओ परम-पिताजी, थे जखा धरमी हो, ओ जगत थानै कोनी जाणै पण म थानै जाणू हूँ, अर मेरा मिनख जाणी हीं क मनै भेजबाळा थे हो।

यहून्ना 3:17

परमेसर आपका बेटानै, जगत का मिनखानै सजा देबा को हुकम देबा ताँई कोनी भेज्यो। पण बानै बचाबा ताँई भेज्यो ह।

1 यहून्ना 4:6

पण आपा परमेसर का हां अर जखो बी परमेसरनै जाणै ह बो आपणी बाता सुणै ह। पण जखो परमेसर को कोनी बो आपणी कोनी सुणै। अर इ बातऊँ आपा आ जाण सकां हां क, कूणसी आत्मा सच की ह अर कूणसी आत्मा भंगराबाळी ह।

यहून्ना 17:23

म बामै हूँ अर थे मेर म, जिऊँ बे पूरीतर्या एक होर आपणै म रळज्यावै। अर इ जगत का मिनख जाणै, क मनै भेजबाळा थे हो। थे बानै बी बंय्यांई परेम करो जंय्यां थे मेरूँ परेम करो हो।

यहून्ना 17:21

ओ परम-पिताजी, म चाऊँ हूँ क बा सगळा म एको होवै, ठिक बंय्यांई जंय्यां म थारै म ओर थे मेर म हो। बे बी आपणा म एक होवीं जिऊँ क इ जगत का मिनख बिस्वास करै क थे मनै भेज्या हो।

यहून्ना 3:34

क्युं क जिनै परमेसर भेज्यो ह, बो परमेसर का बोल बोलै ह। क्युं क परमेसर बिनै बेथां पबितर आत्माऊँ भर्यो ह।

2 कुरन्थीयो 4:6

क्युं क बो परमेसरई ह जखो बोल्यो क, “अँधेरा म च्यानणो हो” अर बोई म्हारा हिया म होयो, जिऊँ म्हानै ईसु मसी म परमेसर की मेमा की ज्ञान को च्यानणो मिल सकै।

2 थिसलूनिकी 1:8

अर जखा परमेसरनै कोनी जाणै अर आपणा परबु ईसु का चोखा समचारनै कोनी मान्या बानै सजा देसी।

यहून्ना 17:8

म बानै बाई सीख दिनी, जखी थे मनै सीखाया हो, अर बे बिपै चाली हीं। बे सूल्या जाणी हीं क म थारै कानिऊँ आयो हूँ अर बानै इ बात को बिस्वास होगो ह क मनै भेजबाळा थेई हो।

यहून्ना 14:26

मदद करबाळी पबितर आत्मा, जिनै परम-पिता मेरा नामऊँ भेजसी थानै सगळी बाता सीखासी। अर जखी बाता म थारूँ बोल्यो हो बे सगळी थानै याद दिवासी।

यहून्ना 8:19

बे बिऊँ बोल्या, “तेरो परम-पिता कठै ह?” ईसु बाऊँ बोल्यो, “नइ तो थे मनै जाणो अर नइ मेरा परम-पितानै। अर ज थे मनै जाणता जणा मेरा परम-पितानै बी जाणता।”

1 कुरन्थीयो 15:34

चेता म आओ, अर पाप को गेलो छोड द्‍यो। म थानै थारी सरमिंदगी दिखाऊँ हूँ क्युं क थारै म क्युंक मिनख परमेसरनै कोनी जाणै।

1 थिसलूनिकी 1:9

क्युं क बठै का मिनख खुदई बतावै ह क कंय्यां म्हें थारै कनै आया अर कंय्यां थे मूरत्यानै छोडर जीवता अर सचा परमेसर की सेवा करबा ताँई मुड़्या।

यहून्ना 10:36

जद म अंय्यां खयो क म परमेसर को बेटो हूँ, जणा थे क्युं खया म परमेसर की बुराई करूं हूँ। मनै टाळर इ जगत म भेजबाळो परम-पिताई तो ह।

यहून्ना 7:29

म बिनै जाणू हूँ। क्युं क म बिकनऊँ आयो हूँ, अर मनै भेजबाळो बी बोई ह।”

यहून्ना 6:57

जंय्यां जीवतो परम-पिता मनै भेज्यो ह, अर मेरा परम-पिता की बजेऊँ म जिंदो हूँ। ठिक बंय्यांई जखो मेरी काया खासी, बो बी मेरी बजेऊँ जिंदो रेह्सी।

यहून्ना 5:44

थे कंय्यां बिस्वास कर सको हो? थानै तो एक दुसराऊँ मान-समान भावै ह। पण खाली परमेसरऊँ मिलबाळा मान-समान ताँई थे लापरवा हो।

यहून्ना 11:42

म जाणू क थे सदाई मेरी सुणो हो। पण आ बात म अठै खड़्या मिनखा की बजेऊँ बोल्यो जिऊँ अ बिस्वास करै क थे मनै भेज्या हो।”

लूका 9:48

अर बाऊँ बोल्यो, “जखो कोई मेरै ताँई इ टाबरिया को मान करै बो मेरो बी मान करै। अर जखा मेरो मान करीं बे मनै भेजबाळा परमेसर को बी मान करीं हीं। इ बजेऊँ जखो थार मऊँ सऊँ छोटो ह बोई सऊँ बडो ह।”

मरकुस 9:37

“जखो बी मेरा नामऊँ टाबरा को मान करै ह बो मेरो बी मान करै ह अर मनै भेजबाळा को बी मान करै ह।”

1 कुरन्थीयो 8:4

आपा मूरत्या क चढाईड़ा परसाद क खाबा क बारां म बी जाणा हां, अर ओ बी जाणा हा क इ सरस्टि म परमेसर क अलावा कोई दुसरो परमेसर आथई कोनी।

यहून्ना 17:18

जंय्यां थे मनै इ जगत म भेज्या हो बंय्यांई म बानै जगत म न्यारी-न्यारी झघा म भेज्यो हूँ।

फलिपी 3:8

अर म आ बातानैई नइ पण सगळी बातानै मेरा परबु मसी ईसुनै जाणबा की बडी बात क सामै घाटा की समजूँ हूँ। अर मसी ताँई म आनै कुड़ो-करकट जा'णर बगा दिओ जिऊँ म मसीनै पाऊँ

फलिपी 3:10

म आ आस राखूँ हूँ क म बी मर'र मोतऊँ ओज्यु जिंदो हो जास्युं। अर इ आस ताँई म मसीनै जाणबो चाऊँ हूँ अर बिकी बि सक्‍तिनै म्हेसुस करबो चाऊँ जिऊँ बो मर्या पाछै ओज्यु जिंदो होगो हो। अर म बिकीसी पिड़ा उठार बिकासा मरबा म बिको संगी होबो चाऊँ हूँ।

इबरानीआ 3:1

ईस्बर नगरी का बुलावा म पाँतीवाळ ओ मेरा पबितर बिस्वासी भाईड़ो, थे थारो ध्यान बि परमेसर का भेजेड़ा ईसु प जखो म्हायाजक ह अर जिनै म्हें माना हां बिपै लगाओ।

2 पतरस 1:2

म चाऊँ हूँ क, परमेसर अर आपणा परबु ईसुनै जाणबा क जरिए स्यांती अर दया बेसीऊँ बेसी थार प होती रेह्‍वै।

2 पतरस 1:3

जीवन जीबा ताँई अर परबु की सेवा करबा ताँई जोक्यु बी आपणानै चाए हो, बो सक्यु परबु आपकी अनोरी सक्‍तिऊँ आपणानै दिओ ह। क्युं क आपा बिनै जाणा हां। बोई आपणानै आपकी धारमिक्‍ता अर मेमाऊँ बुलायो ह।

2 पतरस 1:8

क्युं क ज थारै म अ सगळी बाता रेह्सी अर थे आ बाता म बढता रेहस्यो जणा परबु ईसु मसी की पिछाण म बो थानै निकम्मो कोनी होबा देसी।

1 यहून्ना 1:3

म्हें जोक्यु सुण्या अर देख्या बिको हेलो थारै मांयनै पाड़ां हां, जिऊँ थेबी म्हारै सागै पाँतीवाळ होवो। क्युं क म्हें बी परम-पिता अर बिका बेटा ईसु मसी क सागै पाँतीवाळ हां।

1 यहून्ना 2:23

जखो बेटानै नकारै ह बो परम-पितानै बी नकारै ह, पण जखो बेटानै मानै ह बो बिकै सागै परम-पितानै बी मानै ह।