यहून्ना 17:2 - जीवन को च्यानणो (सेकावाटी नया नियम की पोथ्या)

² थे बिनै सगळा मिनखा प अधिकार दिओ ह जिऊँ बो बा मिनखानै अजर-अमर जीवन देवै जानै थे टाळ्या हो।

यहून्ना 17:2 Referans Kwoze

यहून्ना 6:39

अर जखो मनै भेज्यो ह, बिकी इंछ्या आ ह क जोक्यु बो मनै दिओ ह बिमैऊँ क्युंई नइ खोऊँ। पण आखरी दिन म बानै जीवाऊँ।

यहून्ना 6:37

जोक्यु परम-पिता मनै देवै ह, बो मेरै कनै आसी अर म बिऊँ मुंडो कोनी फेरूं।

यहून्ना 17:24

ओ परम-पिताजी, जखा मिनख थे मनै सूप्या हो म चाऊँ हूँ क बे बी बठै मेरै सागै होवीं जठै म हूँ, जिऊँ क बे बि मेमानै देख सकीं जखी थे मनै दिआ हो, क्युं क इ सरस्टिनै रचबाऊँ पेली थे मेरूँ परेम कर्यो।

मत्ती 28:18

जणा ईसु बाकन आर खेयो, “ईस्बर नगरी अर धरती को सगळो अधिकार मनै दिओ गयो ह।

1 यहून्ना 5:20

इ बातनै बी आपा जाणा हां क परमेसर को बेटो ईसु मसी आयो अर आपानै समज दिओ जिऊँ आपा सचा परमेसरनै जाण सकां, अर आपा बिकै सागै रेह्‍वां जखो सचो ह, मतबल ईसु मसी क सागै। ओई सचो परमेसर अर अजर-अमर जीवन देबाळो ह।

यहून्ना 17:9

“म बा ताँई अरदास करूं हूँ। म जगत ताँई अरदास कोनी करर्यो पण म तो बा ताँई अरदास करूं जानै थे मनै दिआ हो क्युं क बे थारा हीं।

यहून्ना 17:6

इ जगत का मिनखा मऊँ जखा मिनख थे मनै दिआ, बानै म थारा नाम की सक्‍ति को ज्ञान करवायो। बे सगळा थाराई मिनख हा। थे बानै मनै दिआ अर बे तेरा खयानै मान्या।

यहून्ना 4:14

पण ज मेरा दियड़ा पाणी मऊँ कोई पिसी जणा बो ओज्यु कदैई कोनी तिसायो होसी। बि पाणीऊँ जखो म बानै देस्युँ, बिऊँ बे अजर-अमर जीवन ताँई जीवन देबाळा पाणी को झरनो बणज्यासी।”

यहून्ना 3:35

परम-पिता आपका बेटाऊँ परेम करै ह अर बिकै हाता म सक्यु सूप दिओ ह।

1 यहून्ना 2:25

अर मसी खुद आपानै अजर-अमर जीवन देबा को बादो कर्यो ह।

1 पतरस 3:22

बो ईस्बर नगरी जार परमेसर क दायणै हात बेठगो, अर ईस्बर नगरी दुत, उपरी सक्‍तिया का अधिकारी, सगळी सक्‍तिया बिकै बस म कर दिनी गई।

इबरानीआ 1:2

पण आ आखरी दिना म परमेसर आपका बेटा क जरिए आपणाऊँ बातचित करी। बिनै बो सगळी चिजा को वारिस बणायो अर बिकै जरिए बो सगळी सरस्टिनै रच्यो।

मत्ती 11:27

मेरै हाता म मेरो परम-पिता सक्यु सूप्यो ह अर परम-पिता क अलावा कोईबी बेटानै कोनी जाणै अर कोईबी बेटा क अलावा परम-पितानै कोनी जाणै। अर बे मिनख बापनै जाणै ह जिनै बेटो बतावै ह।”

यहूदा 1:21

आपणा परबु ईसु मसी की दयानै उडिकता रेह्‍ओ, जखो थानै अजर-अमर जीवन देसी। अंय्यां कर थे खुदनै परमेसर का परेम म बचार राखस्यो।

1 तिमूतियूस 1:16

पण मेर प इ ताँई दया होई ह क, म जखो सऊँ बडो पापी हूँ मेर म ईसु मसी आपको थ्यावस दिखायो ह, अंय्यां करबाऊँ जखा मिनख बिपै अजर-अमर जीवन ताँई बिस्वास करसी बा ताँई म, एक नमूनो बणू।

फलिपी 2:10

जिऊँ ईसु का नाम को आदरमान करबा ताँई ईस्बर नगरी का, धरती का अर धरती तळै का सगळा गोडा टेकींगा,

इफिसुस 1:20

जंय्यां बो इ सक्‍तिनै मसीनै मोतऊँ ओज्यु जीवार बिनै ईस्बर नगरी म आपकै दाणै नाकै बिठाबा ताँई काम म लिनी ही।

1 कुरन्थीयो 15:25

पण जद ताँई परमेसर मसी का सगळा बेरीयानै बिकै पगा तळै नइ कर दे मसी को राज करबो ते ह।

रोमीयो 6:23

क्युं क पाप की मजुरी तो मोत ह पण आपणा परबु मसी ईसु म परमेसर को बरदान अजर-अमर जीवन ह।

यहून्ना 6:27

रोट्या ताँई मेनत मना करो क्युं क बे तो बुसज्यावै, पण अजर-अमर जीवन देबाळी रोटी ताँई मेनत करो। आ बा रोटी ह जखी मिनख को बेटो थानै देसी, क्युं क परम-पिता परमेसर बिनै ओ अधिकार दिओ ह।”

मत्ती 25:46

जणा बे मिनख कदैई नइ खतम होबाळी सजा पासी अर धरमी मिनख अजर-अमर जीवन पासी।”