यहून्ना 17:1 - जीवन को च्यानणो (सेकावाटी नया नियम की पोथ्या)

¹ अ सगळी बाता बोलर ईसु आसमान कानि देखर बोल्या, “ओ परम-पिताजी, बा घड़ी आगी ह, तेरा बेटानै मेमा द्‍यो जिऊँ थारो बेटो थारी मेमा कर सकै।

यहून्ना 17:1 Referans Kwoze

यहून्ना 12:23

ईसु बाऊँ बोल्यो, “बा घड़ी आगी ह जद मिनख का बेटा की मेमा होवै।

भेजेड़ा चेला का काम 3:13

अब्राहम, इसाक अर याकूब को परमेसर आपणा बाप-दादा को परमेसर अंय्यां कर आपका दास ईसु की मेमा करी ह। जिनै थे अधिकार्यानै पकड़ा दिआ अर जद पीळातुस बिनै छोडबो चातो हो, पण थे बिनै तज दिओ।

यहून्ना 7:39

ईसु आ बात पबितर आत्मा क बारां म कही, जखी बिपै बिस्वास करबाळानै मिलबाळी ही। इ टेम ताँई पबितर आत्मा कोईनैई कोनी मिली ही, क्युं क ईसु हाल ताँई आपकी मेमा म कोनी उठायो गयो हो।

1 पतरस 1:21

जोक्यु मसी कर्यो बिकी बजेऊँ थे परमेसर प बिस्वास करो हो। परमेसर जखो बिनै मरेड़ा मऊँ जीवायो अर मेमा दि, इ बजेऊँई थे परमेसर म आस अर बिस्वास राखो हो।

यहून्ना 11:4

जद ईसु इकै बारां म सुण्यो जणा बोल्यो, “आ बिमारी लाजर की मोत ताँई कोनी ह, पण आ परमेसर की मेमा ताँई ह, जिऊँ क बिका बेटा की मेमा हो।”

मरकुस 14:41

ईसु तीसरी बार आर बानै बोल्यो, “बस बोळा सोलिआ हालबी थे अरामऊँ सुत्या हो। देखो बा घड़ी आगी जद मिनख को बेटो पाप्या क हात पकड़ायो जार्यो ह।

यहून्ना 11:41

बे भाठानै हटायो, अर ईसु उपरनै देखर बोल्यो, “परम-पिता थारी जे हो, जखो थे मेरी सुणो हो।

यहून्ना 8:20

आ सीख ईसु मनदर का बि कोठा म दि, जठै दानहाळी पेटी पड़ी ही। अर कोईबी बिपै हात कोनी घाल सक्यो। क्युं क हाल बा घड़ी कोनी आई ही।

यहून्ना 7:30

जणा बे बिनै पकड़बा की कोसिस करबा लाग्या, पण कोई बिकै हात कोनी घाल सक्यो, क्युं क हाल बा घड़ी कोनी आई।

यहून्ना 16:32

सुणो टेम आर्यो ह आर्यो के ह आगो जद थे सगळा तीनतेरा होज्यास्यो। थे सगळा मनै एकलो छोडर आप-आप क घरा चल्या जास्यो पण म एकलो कोनी हूँ मेरो परम-पिता मेरै सागै ह।

यहून्ना 13:1

फसै का त्युंहार क पेलीई ईसु आ जा'णर क, “मेर ताँई बा घड़ी आगी जद म इ दुनियानै तजर मेरा परम-पिता कनै जाऊँ।” बो धरती प जत्ता बी बिका हा बाऊँ आखरी ताँई एकसोई परेम करतो रिह्यो।

लूका 22:53

जद म रोजकी थारै सागै मनदर म रेह्तो हो बि टेम तो थे मेर प हात कोनी घाल्यो। पण आज थारो टेम ह जिपै अँधकार की ताकत को हक ह।”

लूका 18:13

पण बो दुसरो जखो चुंगी लेबाळो हो बो दूर खड़्यो होर आपकी छाती कुट-कुटर खेबा लाग्यो, ‘परमेसर मेर प दया करो म पापी हूँ।’ बो खुदनै ईस्बर नगरी कानि मुंडो उठार देखबा जोगोई कोनी जाण्यो।