यहून्ना 15:8 - जीवन को च्यानणो (सेकावाटी नया नियम की पोथ्या)

⁸ जखी परम-पिता चावै ह, थे बंय्यांई करो जणा इऊँ परम-पितानै मान मिलसी अर जणाई बेरो पड़सी क थे मेरा चेला हो।

यहून्ना 15:8 Referans Kwoze

यहून्ना 8:31

जणा ईसु बाऊँ बोल्यो जखा बिपै बिस्वास कर्या हा, “ज थे मेरी सीख प चालो हो जणा सचमई थे मेरा चेला हो।

मत्ती 5:16

थारा चोखा काम बि दिआ क च्यानणा की जंय्यां चमकणा चाए जिऊँ दुसरा मिनख भला कामानै थारै जरिए देख सकै अर थारा परम-पिता की जखो ईस्बर नगरी म ह बिकी बडाई करै।

फलिपी 1:11

धारमिक्‍ता का चोखा लखणाऊँ थारो जीवन भरज्यावै, जखो परमेसर की मेमा अर जे-जैकार ताँई ईसु मसीऊँ मिलै ह।

यहून्ना 15:5

“म अँगूरा की बेल हूँ अर थे डाळ्यां हो। जखा बी मेर म अर म बामै बण्यो रेह्ऊँ जणा बे बोळा फळसी क्युं क मेरै बिना थे क्युंई कोनी कर सको।

1 पतरस 4:11

अर ज कोईनै बोलबा को, परमेसर का बचननै परचार करबा को अर कोईकी मदद करबा को बरदान होवै जणा बो बिनै बि ताकत क सागै काम म लेवै जखी परमेसर बिनै देवै ह। अर अ सगळी बाता अंय्यां होणी चाए जिऊँ परमेसरनै ईसु मसी की बजेऊँ जखो जुग-जुग ताँई मेमा म अर ताकतबर ह मान मिलै। अंय्यांई होवै!

यहून्ना 13:35

ज थे आपसरी म प्यार-परेम राखस्यो, जणा सगळा जाणसी की थे मेरा चेला हो।”

1 कुरन्थीयो 10:31

इ ताँई थे चाए खायो, चाए पीयो, सक्यु परमेसर की मेमा ताँई करो।

1 कुरन्थीयो 6:20

क्युं क परमेसर थारी किमत चुकार थानै मोल लिआ ह। इ ताँई थे थारी कायाऊँ परमेसर की मेमा कर्या करो।

लूका 6:35

पण थारा दुस्मनाऊँ बी प्यार-परेम राखो, बाकै सागै बी भलाई करो, अर क्युं बी पाछो नइ आबा की आस कर बानै करजो द्‍यो। अर अंय्यां करस्योक जणा थारै ताँई बडो इनाम होसी। अर थे परम-परधान परमेसर का टाबर खुवास्यो क्युं क बो तो बुरा अर बिको धनेवाद नइ करबाळा प बी दया दिखावै ह।

1 पतरस 2:12

परमेसरनै नइ ध्यारबाळा मिनख थानै बुरा बतावीं हीं। इकै वावजुद बी बाकै मांयनै थारो बरताव अर चाल-चलन चोखो राखो। जिऊँ जखी चोखी बाता बे थारै म देखसी बा बेई बे न्यायहाळा दिन परमेसर की मेमा करसी।

तितूस 2:10

बे मालिक क घर म चोरी-चकारी नइ करीं, पण पूरी तर्या चोखा अर बिस्वास जोगा बण्या रेह्‍वै जिऊँ आपानै बचाबाळा परमेसर क बारां म जखो सीखायो गयो ह हर कोई बिको मान करै।

मत्ती 5:44

पण म थानै खेऊँ हूँ क थे थारा दुस्मनाऊँ परेम करज्यो। अर जखो थानै सतावै, बा ताँई बी अरदास करज्यो।

मत्ती 9:8

लोग आ देखर डरग्या। बे परमेसर की जे-जैकार करबा लाग्या क बे मिनखनै ताजूब का काम करबा को हक दिओ ह।