यहून्ना 15:2 - जीवन को च्यानणो (सेकावाटी नया नियम की पोथ्या)

² बो माली हरेक बी डाळीनै काटै ह, जखी फळ कोनी ल्यावै, अर बि डाळीनै छांगर साप करै जखी फळ ल्यावै ह, जिऊँ बा ओरबी फळै।

यहून्ना 15:2 Referans Kwoze

मत्ती 3:10

इब कुहाड़ो दरख्त की जड़्या प रखेड़ो ह, इ ताँई जखो दरख्त चोखो फळ कोनी देवै, बिनै का'टर आग म बाळ दिओ ज्यासी।

मत्ती 15:13

जणा ईसु बोल्यो, “जि बोजानै मेरो ईस्बर नगरी परम-पिता कोनी लगायो बो उपाड़्यो ज्यासी।

दरसाव 3:19

म जिऊँ बी परेम करूं हूँ बानै दकालूं हूँ अर सूदारूँ हूँ। जणा मजबूत होज्या अर तौबा कर।

यहून्ना 15:8

जखी परम-पिता चावै ह, थे बंय्यांई करो जणा इऊँ परम-पितानै मान मिलसी अर जणाई बेरो पड़सी क थे मेरा चेला हो।

मत्ती 13:12

जिकनै ह बिनै ओर दिओ जासी, अर जिकै कनै कोनी बिऊँ जोक्यु बिकन ह बो बी ले लिओ जासी।

मत्ती 3:12

बिको छाजळो बिकै हात म ह अर बो ग्युंआ मऊँ डूण्डळी साप करसी, ग्युंनै ओबरी म भेळा करसी पण डूण्डळ्यानै आग म बाळसी। अर बा आग बुत्तबा की कोनी।”

मत्ती 21:19

गेला म एक अंजीर को दरख्त देखर ईसु बिकन गयो, पण बि दरख्त म पत्तानै छोडर क्युंई कोनी लाध्यो। जणा बो बि दरख्तऊँ बोल्यो, “तेरै कदैई फळ कोनी लागै!” अर बो दरख्त जदकी जदई सूकगो।

इबरानीआ 12:15

थे ध्यानऊँ रेहज्यो कदै अंय्यां नइ होज्या क थारै मऊँ कोई परमेसर की दयाऊँ चूक ज्यावै। अर ध्यान राखज्यो क थारै मऊँ कोई खारी जड़ नइ निकळै जखी कयानै असुद अर दुख देबा की बजे बाजै।

यहून्ना 15:16

थे मनै कोनी टाळ्या पण म थानै टाळ्यो हूँ, अर थानै बोळा सारका फळ ल्याबा को काम सूप्यो हूँ। अंय्यां का फळ फळो जखा सदाई बण्या रेह्‍वै, अर इ बजेऊँ परम-पिता बो सक्यु देसी, जोक्यु बी थे मेरा नामऊँ बिऊँ माँगस्यो।

लूका 8:13

कांकरा प पड़बाळा बीज बे हीं जखा बचन सुणर बिनै राजी होर मानली। पण बाकै मना म बो गेराई कोनी पकड़ै बे थोड़ी देर ताँई बिस्वास करीं पण जद बानै बिचास्यो जावै जणा बे ओटा सरक ज्यावै।

1 यहून्ना 2:19

मसी का बेरी आपणाऊँ निकळ्या हीं पण बे आपणा कोनी। क्युं क ज बे आपणा होता जणा आपणो संगरो कोनी छोडता, पण बे अंय्यां कर दिखा दिओ क बे आपणा मऊँ कोनी।

तितूस 2:14

बो आपणा ताँई खुदकी ज्यान दे दिनी। जिऊँ बो आपानै सगळा पापऊँ बचावै अर आपानै सुद कर खुद ताँई अंय्यां का मिनख बणावै जखा भला काम करबा ताँई उतावळा रेह्‍वै।

1 कुरन्थीयो 13:1

ज म मिनखा अर ईस्बर नगरी दुता की बोली बोलुँ पण मिनखाऊँ परेम कोनी करूं, जणा म ठन-ठन करती पितळ की परात अर टन-टन करता थाळी गिलास हूँ।

रोमीयो 8:28

अर आपा जाणा हां क जखा परमेसरऊँ परेम करै ह बा ताँई हर बात मिलर भलाई पैदा करै, बा ताँई, जखा बिका मकसद गेल बुलाया गया हीं।

यहून्ना 17:12

जद म बाकै सागै हो म थारा बि नाम की सक्‍तिऊँ जखो थे मनै दिआ हा बानै बचायो। बामैऊँ कोईबी नास कोनी होयो सिवाय बि मिनख क जखो बि गेला प चाल्यो जखो नास कानि लेज्यावै ह, जिऊँ क सास्तर को आंक पूरो होवै।

मत्ती 13:33

ईसु बानै एकोर बात मिसाल देर खई, “ईस्बर नगरी को राज खमिर की जंय्यां ह। एक लूगाई चिनोसोक खमिर लेर बिनै घणासारा आटा म मिलार म्हेलदि अर बि सगळा आटा को खमिर उठगो।”

मत्ती 7:19

पण जि दरख्त क चोखा फळ कोनी लागै, बिनै का'टर आग क मांयनै बाळ्यो जावै ह।

मत्ती 25:29

क्युं क जिकनै ह बिनै ओर दिओ जासी, अर जिकै कनै कोनी बिऊँ जोक्यु बिकन ह बो बी ले लिओ जासी।

मरकुस 4:20

अर जखा बीज उपळी माटी म बोया गया अ बे लोग हीं जखा बचन सुणर बिनै मानी हीं अर बिकै गेल फळीं, जिऊँ बे तीसुणा, साठुणा, सोगुणा अर सो गुणाऊँ बी घणो फळ ल्यावीं।”

यहून्ना 15:1

“सची अँगूर की बेल म हूँ। अर परम-पिता इ बाग को माळी।

यहून्ना 15:3

अंय्यांई थानै मेरा खया प चालबा की बजेऊँ पेलीई पबितर कर दिओ गयो ह।

यहून्ना 15:6

जखा मेर म कोनी बण्या रेह्‍वै, बे बेकार डाळ्यां की जंय्यां हीं जानै सूकबा ताँई फेक दिओ जावै। अंय्यां की डाळ्यां आग म बाळी जावै ह।

रोमीयो 11:17

पण ज पाळेड़ा जेतून का दरख्त की क्युंक डाळ्यां तोड़र फेक दि जावै, अर एक जंगली जेतून की डाळीनै बिपै कलम चढा दिओ जावै, जणा थे गैर-यहूदि जखा पाळेड़ा दरख्त प कलम चढाईड़ी डाळ्यां की जंय्यां हो जेतून की जड़्या का पोसण का साती हो।

रोमीयो 11:22

जणा तू परमेसर की नरमाईनै देख अर बिकी कल्ड प ध्यान दे। आ कल्ड बा ताँई ह जखा पड़ग्या पण ज थे बिकी दया म बण्या रेह्‍वो जणा बिकी दया थारै ताँई ह। नहिस थानै बी का'टर फेक दिओ जासी।