यहून्ना 14:2 - जीवन को च्यानणो (सेकावाटी नया नियम की पोथ्या)

² म ईस्बर नगरी म थारै रेह्बा की झघा बणाबा जार्यो हूँ। परम-पिता का घर म घणिई झघा ह ज अंय्यां नइ होतो तो म थानै कोनी बोलतो।

यहून्ना 14:2 Referans Kwoze

2 कुरन्थीयो 5:1

क्युं क आपा जाणा हां आपणी काया जखी धरती का टापरा की जंय्यां ह जखी माटी होज्यासी। पण आपणा ताँई परमेसर जुग-जुग ताँई रेह्बाळो टापरो बणा राख्यो ह जखो ईस्बर नगरी म ह।

यहून्ना 13:36

समोन पतरस बुज्यो, “परबु थे कठै जार्या हो?” ईसु बोल्यो, “जठै म जार्यो हूँ बठै हाल तू मेरै गेल कोनी आ सकै पण पाछै तू बठै मेरै गेल आसी।”

इबरानीआ 13:14

क्युं क अठै आपणै ताँई सदाई रेह्बाळी नगरी कोनी, पण आपा तो बि आबाळी नगरीनै उडिकर्या हां।

दरसाव 21:2

म पबितर नगरी नया यरूसलेमनै ईस्बर नगरीऊँ परमेसर क कनैऊँ तळै उतरता देख्यो। बि नगरीनै बंय्यां सजायो गयो हो जंय्यां मानो कोई बनड़ीनै बिका बनड़ा ताँई सजायो जावै ह।

दरसाव 3:12

जखो जीतै ह बिनै म मेरा परमेसर को पबितर तम्मू को खम्बो बणास्युं। अर बिकै पाछै बे कदैई बारनै कोनी जासी। म बिकै उपर मेरा परमेसर को नाम, नई नगरी यरूसलेम जखी परमेसर की ईस्बर नगरीऊँ उतरबाळी ह बिको नाम अर मेरो नयो नाम मांडस्युं।

इबरानीआ 11:10

क्युं क बो बि मजबूत निम हाळी नगरीनै उडिकर्यो हो जिको नक्सो बणाबाळो अर चिणबाळो परमेसर ह।

यहून्ना 13:33

“मेरा टाबरो म क्युंक टेम ताँई थारै सागै हूँ। थे मनै ढुंढस्यो, अर इब म थानै बी बात बोलुँ हूँ जखी यहूदि बडकाऊँ कही ही, क जठै म जार्यो हूँ, बठै थे कोनी आ सको।

यहून्ना 16:4

म थारूँ अ बाता इ ताँई बोली ह क जद बा घड़ी आवै जणा थानै याद आवै क म पेल्याई थानै अ बाता बता दिनी ही। अ बाता म थानै पेली इ ताँई कोनी बताई क्युं क म थारै सागै हो।

यहून्ना 17:24

ओ परम-पिताजी, जखा मिनख थे मनै सूप्या हो म चाऊँ हूँ क बे बी बठै मेरै सागै होवीं जठै म हूँ, जिऊँ क बे बि मेमानै देख सकीं जखी थे मनै दिआ हो, क्युं क इ सरस्टिनै रचबाऊँ पेली थे मेरूँ परेम कर्यो।

इबरानीआ 6:20

जठै आपणा कानिऊँ ईसु मसी आपणाऊँ पेली गयो। अर बो मिलिकीसिदक की रीत गेल सदा-सदाई को म्हायाजक बणगो।

दरसाव 3:21

जखो जीतै ह, बिनै म मेरै दाया नाकै मेरा सिंघासन प बिठास्युं। जंय्यां म जित्यो अर मेरा परम-पिता क सागै बिका सिंघासन प बेठ्यो।

इबरानीआ 9:8

इकै जरिए पबितर आत्मा आ दिखावै ह क, जद ताँई पबितर झघा का पेलड़ा भाग म सेवा को काम होर्यो ह जणा ताँई म्हापबितर हाळा भाग म जाबा को गेलो कोनी खोल्यो गयो।

तितूस 1:2

ओ सच अजर-अमर जीवन की आस बंधावै ह। जिको करार बिस्वास जोगो परमेसर जगत की सरूआतऊँ पेली कर दिओ हो।

1 थिसलूनिकी 5:9

क्युं क परमेसर आपणा प आपकी झाळ काडबा ताँई नइ पण परबु ईसु मसी क जरिए पापऊँ छुटकारो पाबा ताँई टाळ्या ह।

भेजेड़ा चेला का काम 9:16

अर मेरा नामऊँ दुख उठाबो कतो जरूरी ह आ बात म खुद बिनै दिखास्युं।”

यहून्ना 14:28

“थे मनै अंय्यां बोलता सुण्या हो, ‘म जार्यो हूँ, पण म थारै कनै ओज्यु आस्युं।’ ज थे मेरूँ परेम करो हो जणा थे इ बातऊँ राजी होस्यो क म परम-पिता कनै जार्यो हूँ क्युं क बो मेरूँ बडो ह।

लूका 14:22

दास पाछो आर बिऊँ बोल्यो, ‘मालिक जखो ओडायो हो बो म कर दिओ पण इब बी बोळी झघा बचगी।’