यहून्ना 13:5 - जीवन को च्यानणो (सेकावाटी नया नियम की पोथ्या)

⁵ जणा पाछै बो बठळ म पाणी भर आपका चेला का पग धोबा लाग्यो, अर कड़त्यु प भंदेड़ा गमछ्याऊँ बानै पुछ्यो।

यहून्ना 13:5 Referans Kwoze

लूका 7:44

जणा बि लूगाई कानि घू'मर ईसु समोनऊँ बोल्या, “तू इ लूगाईनै देखर्यो ह के? म तेरै घरा आयो अर तू मनै पग धोबा ताँई पाणी ताँई की कोनी बुजी अर आ मेरा पगानै आसुआऊँ धोर बानै आपका बाळाऊँ पुछी ह।

1 तिमूतियूस 5:10

जिको चोखा काम करबा म नाम होयड़ो हो, अर जखी आपका टाबरानै सूल पाळी हो, जखी पराया अर अणजाण मिनखा की आवभगत करी हो, परमेसर का मिनखा को खुदका घर म आवभगत करी हो, दिन-दुखीया की मदद करी हो, अर जखी खुदनै चोखा काम करबा म लगादि होवै।

दरसाव 7:14

म बिऊँ बोल्यो, “म्हराज, थे जाणो हो।” जणा बो मेरूँ बोल्यो, “अ बे मिनख ह जखा कळेस भोगर आया हीं अर आपका गाबल्यानै उन्या का लोयऊँ धोर पबितर कर्या हीं।

इबरानीआ 10:22

जणा आओ, आपा सचा हिया अर पूरा बिस्वास क सागै मन का बुरा बिचारानै छिड़कावऊँ सुद करवार कायानै पबितर पाणीऊँ धुलवार परमेसर क कनै चालां।

इफिसुस 5:26

जिऊँ बिस्वासी मंडळीनै मसी परमेसर का बचना अर पाणी का बतिस्माऊँ धोर पबितर अर उजळी बणावै,

1 कुरन्थीयो 6:11

अर थारै म बी पेल्या क्युंक मिनख अंय्यां का हा, पण इब थानै परबु ईसु मसी अर परमेसर की पबितर आत्मा क जरिए पापऊँ धोर पबितर कर परमेसर क सागै सई होबा ताँई परमेसरनै सूप दिओ गयो ह।

भेजेड़ा चेला का काम 22:16

इब देर क्याकी? खड़्यो हो बतिस्मो ले अर बिका नामऊँ अरदास कर जिऊँ परमेसर तेरा पाप धो दे।’

1 यहून्ना 5:6

ईसु मसी जखो आपणै कनै पाणी अर लोय क सागै आयो। बो बस पाणी को बतिस्मो लेबाई कोनी आयो पण बोतो इकै सागै आपको लोय बहाबा ताँई आयो। इ बात की गुवाई परमेसर की आत्मा देवै ह अर आत्मा की गवाई सची ह।

1 यहून्ना 1:7

पण ज आपा च्यानणा म चालां जंय्यांकी बो च्यानणा म चालै ह, जणा आपा बिस्वासी होबा क नातै एक दुसराको सागो देस्यां, अर परमेसर का बेटा ईसु को लोय आपानै आपणा सगळा पापऊँ सुद कर देसी।

यहून्ना 19:34

पण बामैऊँ एक सिपाईड़ो ईसु की कोल म भालो घोप्यो जिऊँ लोय अर पाणी भे निकळ्यो।

लूका 7:38

बा बाकै गेलऊँ आर बाका पगा कनै खड़ी होगी। अर बा रोती जाय, अर आपका आसुआऊँ बाका पग धोती जाय, पग धोर आपका बाळाऊँ पगानै पु'छर पग पकड़ लिआ अर बि ईतरनै बिका पगा प उंदका दिनी।

यहून्ना 13:10

ईसु बोल्यो, “जखो न्हा लिओ बिनै पग धोबा किई जुर्त ह, क्युं क बो पूरो पबितर ह। एकनै छोडर थे सगळा साप हो।”

यहून्ना 13:8

पतरस बिऊँ बोल्यो, “नइ आ कदैई कोनी हो सकै क, थे मेरा पग धोओ!” ईसु बोल्यो, “ज म तेरा पग नइ धोऊँ जणा तू मेरो चेलो कोनी।”

यहून्ना 13:6

जद बो समोन पतरस क कनै आयो, समोन बोल्यो, “परबु, थे मेरा पग धोस्यो?”