यहून्ना 13:3 - जीवन को च्यानणो (सेकावाटी नया नियम की पोथ्या)

³ ईसु जाणतो हो क परम-पिता बिकै हाता म सक्यु सूप दिओ ह। अर बो परमेसर क कनैऊँ आयो अर बिकनई पाछो जार्यो ह।

यहून्ना 13:3 Referans Kwoze

यहून्ना 3:35

परम-पिता आपका बेटाऊँ परेम करै ह अर बिकै हाता म सक्यु सूप दिओ ह।

मत्ती 11:27

मेरै हाता म मेरो परम-पिता सक्यु सूप्यो ह अर परम-पिता क अलावा कोईबी बेटानै कोनी जाणै अर कोईबी बेटा क अलावा परम-पितानै कोनी जाणै। अर बे मिनख बापनै जाणै ह जिनै बेटो बतावै ह।”

इबरानीआ 1:2

पण आ आखरी दिना म परमेसर आपका बेटा क जरिए आपणाऊँ बातचित करी। बिनै बो सगळी चिजा को वारिस बणायो अर बिकै जरिए बो सगळी सरस्टिनै रच्यो।

यहून्ना 17:2

थे बिनै सगळा मिनखा प अधिकार दिओ ह जिऊँ बो बा मिनखानै अजर-अमर जीवन देवै जानै थे टाळ्या हो।

यहून्ना 8:42

ईसु बाऊँ बोल्यो, “ज सचमई परमेसर थारो परम-पिता होतो, जणा थे मेरूँ प्यार-परेम करता क्युं क म परमेसर क कनैऊँ आयो हूँ। म अठै मेरी मरजीऊँ कोनी आयो, पण बो मनै भेज्यो ह।

मत्ती 28:18

जणा ईसु बाकन आर खेयो, “ईस्बर नगरी अर धरती को सगळो अधिकार मनै दिओ गयो ह।

1 कुरन्थीयो 15:27

क्युं क सास्तर म मंडर्यो ह, “परमेसर सक्यु बिकै अधिकार तळै कर दिओ ह।” पण आ बात साप ह क, सक्यु म परमेसर सामिल कोनी ह क्युं क बो परमेसरई ह जखो सक्यु मसी क अधिकार क तळै कर्यो ह।

भेजेड़ा चेला का काम 2:36

“आ बात म इ ताँई खेऊँ हूँ, क इजरायल का रेह्बाळा आ बात ढंगऊँ जाणज्यावै क जि ईसुनै थे सुळी प चढायो हो। बिनैई परमेसर परबु अर मसी बणायो हो।”

यहून्ना 13:1

फसै का त्युंहार क पेलीई ईसु आ जा'णर क, “मेर ताँई बा घड़ी आगी जद म इ दुनियानै तजर मेरा परम-पिता कनै जाऊँ।” बो धरती प जत्ता बी बिका हा बाऊँ आखरी ताँई एकसोई परेम करतो रिह्यो।

यहून्ना 7:33

ईसु बोल्यो, “म थोड़ी-घणी टेम ताँई ओर थारै सागै हूँ। इकै पाछै म मेरै भेजबाळा क कनै चल्यो ज्यास्युं।

यहून्ना 7:29

म बिनै जाणू हूँ। क्युं क म बिकनऊँ आयो हूँ, अर मनै भेजबाळो बी बोई ह।”

यहून्ना 3:13

बो जखो ईस्बर नगरीऊँ उतर्यो बि मिनख का बेटा क अलावा कोई ईस्बर नगरी म कोनी चढ्यो।

यहून्ना 1:18

परमेसरनै कदैई कोई कोनी देख्यो। पण परमेसर को इकलोतो बेटो जखो परमेसर की छाती तळै ह, अर बो परमेसरई ह। बोई परमेसरनै परगट कर्यो।

लूका 10:22

“मेरो परम-पिता मनै सक्यु दे दिओ अर परम-पिता क सिवाय कोई कोनी जाणै क बेटो ईसु कूण ह? अर बेटा ईसु क सिवाय कोई कोनी जाणै क परम-पिता कूण ह? अर के बो जाणै जिनै बेटो ईसु बतावै।”

यहून्ना 8:14

ईसु बोल्यो, “नइ, जदकी म मेरी गुवाई खुदई देऊँ हूँ पण मेरी गुवाई सची ह। क्युं क म जाणू हूँ, क म कठैऊँ आयो अर कठै जास्युं। पण थे इनै कोनी जाणो क म कठैऊँ आयो अर कठै जार्यो हूँ।