यहून्ना 13:21 - जीवन को च्यानणो (सेकावाटी नया नियम की पोथ्या)

²¹ आ खेबा क पाछै ईसु आपकी आत्मा म बोळो दुखी होया। अर साप-साप बोल्यो, “म थारूँ सची बोलुँ हूँ, थार मऊँ एक जणो मनै धोकाऊँ पकड़ासी।”

यहून्ना 13:21 Referans Kwoze

मत्ती 26:21

जद बे सागै बेठर रोटी खार्या हा। जणा ईसु आपका चेलानै बोल्यो, “म थानै सची खेऊँ हूँ थारै मऊँ एक जणो जखो अठै मेरै सागै जिमर्यो ह बो मनै धोकाऊँ पकड़ासी।”

यहून्ना 13:18

“म थारी सगळा की बात कोनी करूं, म बानै जाणू हूँ जानै म टाळ्या हूँ। सास्तर म मंडेड़ो आंक पूरो होसी, ‘जखो मेरी रोटी खाई बोई मेरै लात मारी।’

मरकुस 14:18

अर जद बे सागै बेठर रोटी खार्या हा ईसु आपका चेलानै बोल्यो, “म थानै सची खेऊँ हूँ थारै मऊँ एक जणो जखो अठै मेरै सागै जिमर्यो ह बो मनै पकड़ासी।”

यहून्ना 12:27

“मेरो जीव इब दुखी ह। मनै काँई बोलबो चाए? के म अंय्यां बोलुँ, ‘परम-पिता, थे मनै इ घड़ीऊँ बचाओ?’ नइ, पण इ घड़ी की पिड़ानै भोगबाई आयो हूँ।

यहून्ना 11:33

मरीयम अर बिकै सागैहाळा को रोज देखर ईसु को काळज्यो पसीजगो अर बिकी अन्तर-आत्मा दुखी होई।

1 यहून्ना 2:19

मसी का बेरी आपणाऊँ निकळ्या हीं पण बे आपणा कोनी। क्युं क ज बे आपणा होता जणा आपणो संगरो कोनी छोडता, पण बे अंय्यां कर दिखा दिओ क बे आपणा मऊँ कोनी।

भेजेड़ा चेला का काम 17:16

पोलुस जद एथेंस म उडिकर्यो हो। जणा बो बि नगरी म मूरत्या की भरमार देखी अर बानै देखर बिकी अन्तर-आत्मा बोळी दुखी होई।

यहून्ना 13:2

ईसु अर बिका चेला आथण्या रोटी खार्या हा, जणा सेतान समोन का बेटा यहूदा इस्करोती क मन म ईसुनै धोकाऊँ पकड़ाबा की बात घाल दिओ हो।

यहून्ना 11:38

ओज्यु ईसु बोळो दुखी होयो अर कबर प गयो। बा एक गुफा ही अर बिका मुंडा प भाठो धरेड़ो हो।

यहून्ना 11:35

ईसु की आँख्या म आसु आगा।

मरकुस 3:5

ईसु झाळ्या म भर'र च्यारूमेर देख्यो अर बाका हियानै काठो देखर बो बोळो दुखी होयो। अर ईसु टुंडा मिनखनै बोल्यो, “तेरा हातनै सिदो करले।” अर बो आपका हातनै सिदो कर लिओ। अर बिको हात ओज्यु ठिक होगो।

मत्ती 26:38

ईसु बाऊँ बोल्यो, “मेरो हियो बोळो उदास ह अठै ताँई की म मरबाळोसो होर्यो हूँ। थे अठैई मेरै सागै चेता म रेहज्यो।”

यहून्ना 13:22

चेला एक दुसरा को मुंडो देखबा लाग्या, अर सोच म पड़गा क बिको इसारो की कानि ह।