यहून्ना 11:4 - जीवन को च्यानणो (सेकावाटी नया नियम की पोथ्या)

⁴ जद ईसु इकै बारां म सुण्यो जणा बोल्यो, “आ बिमारी लाजर की मोत ताँई कोनी ह, पण आ परमेसर की मेमा ताँई ह, जिऊँ क बिका बेटा की मेमा हो।”

यहून्ना 11:4 Referans Kwoze

यहून्ना 11:40

ईसु बिऊँ बोल्यो, “के म तेरूँ कोनी बोल्यो हो, ज तू बिस्वास करै जणा परमेसर की मेमा देखसी?”

यहून्ना 9:3

ईसु बोल्यो, “ओ नइ तो आपका माँ-बाप क अर नइ खुदका पाप की बजेऊँ आँदो ह। पण ओ इ ताँई आँदो ह, क इपै परमेसर को काम परगट हो सकै अर मिनख बिनै देखै।

1 पतरस 4:14

ज मसी क नाम की बजेऊँ थानै दुख अर बेजती सेणी पड़ै जणा बिनै सोभाग मानो। आ बात इनै दिखावै ह क परमेसर की मेमा भरी आत्मा थारै सागै ह।

यहून्ना 5:23

जिऊँ सगळा, बि बेटा को बंय्यांई मान-समान करै जंय्यां परम-पिता को मान-समान करीं हीं। जखो बी बेटा को मान-समान कोनी करै बो परम-पिता को मान-समान बी कोनी करै जखो बिनै भेज्यो ह।

यहून्ना 17:5

अर इब, ओ परम-पिताजी, सरस्टि की सरूआतऊँ पेली आपा जखी मेमा म हा, बि मेमा म मनै लेज्याओ।

यहून्ना 2:11

अंय्यां गलिल का काना नगरी म ईसु पेलो चमत्कार कर आपकी मेमा दिखाई। अर बिका चेला बिपै बिस्वास कर्या।

1 पतरस 4:11

अर ज कोईनै बोलबा को, परमेसर का बचननै परचार करबा को अर कोईकी मदद करबा को बरदान होवै जणा बो बिनै बि ताकत क सागै काम म लेवै जखी परमेसर बिनै देवै ह। अर अ सगळी बाता अंय्यां होणी चाए जिऊँ परमेसरनै ईसु मसी की बजेऊँ जखो जुग-जुग ताँई मेमा म अर ताकतबर ह मान मिलै। अंय्यांई होवै!

फलिपी 1:20

मेरी दिली इंछ्या अर आस ह क, म कदैई मेरा काम म सरमिंदा नइ होऊँ, पण हर टेम अर खासकर इब म हिमतऊँ भरज्याऊँ जिऊँ चाएस म जीऊँ अर मरूँ बस मेरी काया क जरिए मसी की मेमा होवै।

यहून्ना 17:1

अ सगळी बाता बोलर ईसु आसमान कानि देखर बोल्या, “ओ परम-पिताजी, बा घड़ी आगी ह, तेरा बेटानै मेमा द्‍यो जिऊँ थारो बेटो थारी मेमा कर सकै।

यहून्ना 9:24

दुसरका बे, बि मिनखनै बुलाया जखो जलमऊँ आँदो हो अर बिऊँ बोल्या, “तनै आँख्या मिली इ ताँई परमेसर की जे-जैकार कर! बि मिनख को नइ क्युं क म्हें जाणा हा बो मिनख पापी ह।”

यहून्ना 8:54

ईसु बोल्यो, “ज म खुद मेरो मान करूं, जणा बो कोई मान म मान ह के? पण मनै मान देबाळो मेरो परम-पिता ह, जिनै थे थारो परमेसर बतायो हो।

रोमीयो 11:11

जणा म बुजूँ हूँ, के बे इ ताँई ठोकर खाया क बे नास होज्यावीं? नइ, पण बाकै गळती करबाऊँ गैर-यहूदि मिनखानै छुटकारो मिल्यो। जिऊँ यहूदि मिनखा क मना म होड पैदा होवै।

यहून्ना 17:10

बे सगळा जखा मेरा ह बे थारा हीं अर जखा थारा हीं बे मेरा ह, बाकै जरिए मनै मेमा मिली।

यहून्ना 12:28

परम-पिता, थारै नाम की मेमा होवै!” जणा ईस्बर नगरीऊँ एक उवाज आई, “म मेरी मेमा दिखादि अर ओज्यु दिखास्युं।”

1 पतरस 1:21

जोक्यु मसी कर्यो बिकी बजेऊँ थे परमेसर प बिस्वास करो हो। परमेसर जखो बिनै मरेड़ा मऊँ जीवायो अर मेमा दि, इ बजेऊँई थे परमेसर म आस अर बिस्वास राखो हो।

फलिपी 1:11

धारमिक्‍ता का चोखा लखणाऊँ थारो जीवन भरज्यावै, जखो परमेसर की मेमा अर जे-जैकार ताँई ईसु मसीऊँ मिलै ह।

यहून्ना 10:38

ज म बे करूं, इकै बावजुद बी थे मेर प बिस्वास कोनी करो, पण कमऊँ कम मेरा कामा प तो बिस्वास करो। जिऊँ थे जाण सको क परम-पिता मेर म ह, अर म परम-पिता म।”