यहून्ना 10:4 - जीवन को च्यानणो (सेकावाटी नया नियम की पोथ्या)

⁴ जद बो बानै बारनै लेर आवै, जणा बो बाकै आगै-आगै चालै ह, अर लल्डी बिकै गेल-गेल, क्युं क बे बिकी बोली पिछाणै ह।

यहून्ना 10:4 Referans Kwoze

यहून्ना 10:16

मेरी ओर बी लल्ड्या हीं, जखी इ रेवड़ की कोनी। मनै बानै बी ल्याणो जरूरी ह, बे मेरी सुणसी अर जणा बाको एक रेवड़ अर एकई गुवाळ्यो होसी।

यहून्ना 12:26

जखो बी मेरी सेवा करबो चावै ह, बिनै मेरै गेल चालनो पड़सी जिऊँ क मेरा दास मेरै सागैई रेह्‍वै। जखो मेरी सेवा करसी, बानै मेरो परम-पिता मान देसी।

यहून्ना 18:37

इपै पीळातुस बिऊँ बोल्यो, “इको मतबल तू राजा ह के?” ईसु बोल्यो, “तू बोलै ह क म राजा हूँ। म सच की गुवाई देबा ताँई इ धरती प जलम्यो अर आयो हूँ। जखा बी सचा ह बे मेरा बचन सुणै ह।”

1 पतरस 2:21

क्युं क परमेसर थानै भलो करबा ताँई बुलायो ह, चाए पाछै थे भलो करबा ताँई दुखई क्युं नइ उठाओ जंय्यां क मसी थारै ताँई उठाया हा। अंय्यां करबा बेई मसी थारै ताँई नमूनो ह। जणा थानै बी बिकी लीक प चालबो चाए। सास्तर म मंडर्यो ह,

1 पतरस 5:3

अर जखी बिस्वासी मंडळी थारी देखरेख म ह बिपै जोर मना जमायो। पण बा ताँई सीख बणो।

1 कुरन्थीयो 11:1

म मसी की जंय्यां जीबा की कोसिस करूं हूँ, बंय्यांई थे बी करो।

यहून्ना 10:8

अर बे सगळा जखा मेरूँ पेली आया बे चोर अर डाकू हा, पण लल्ड्या बाकै गेल कोनी होई।

मत्ती 16:24

ईसु चेलानै खेबा लाग्यो, “जखो बी मेरै गेल होबो चावै ह बो खुदनै तज'र, आपकी सुळी उठार मेरै गेल होले।

इबरानीआ 12:2

आओ ल्यो आपा आपणी आँख्या ईसु प लगावां। जखो बिस्वास को मालिक अर बिनै निधान करबाळो ह। बो आगला सुक क बारां म सोचतो होयो बेजती होबा की चिंत्या कर्या बिना सुळी प दुख भोग्यो अर परमेसर क सिंघासन क दायणै जार बिराजगो।

इबरानीआ 6:20

जठै आपणा कानिऊँ ईसु मसी आपणाऊँ पेली गयो। अर बो मिलिकीसिदक की रीत गेल सदा-सदाई को म्हायाजक बणगो।

इफिसुस 5:1

थे परमेसर का लाडला टाबर हो, इ ताँई परमेसर का सुभाव प चालो।

यहून्ना 3:29

बिंद बोई ह जिकै बिनणी ह। पण बिंद को भाईलो जखो खड़्यो होर बिकी सुणै ह, बो जद बिंद बोलै जणा बिकी उवाज सुणर राजी होज्यावै ह। ठिक बंय्यांई म बी राजी होयो।

यहून्ना 13:15

म अंय्यां कर थारै सामै एक मिसाल दिनी ह। जिऊँ थे बी बंय्यांई करो जंय्यां म थारै सागै कर्यो हूँ।

1 पतरस 4:1

जदकी मसी काया म दुख भोग्यो जणा थे बी बिकी लीक प चालता होया जीवन जीओ, क्युं क जखो काया म दुख भोग्यो बिनै पापऊँ छुटकारो मिलगो।

यहून्ना 10:3

दरूजा प पेरोदेबाळो बि ताँई दरवाजो खोलै ह, बो हरेक लल्डीनै नाम लेर बुलावै अर लल्ड्या बिकी बोली पिछाणै ह। बो बानै बारनै लेज्यावै ह।

यहून्ना 10:5

बे कदैई कोई दुसरा क गेल कोनी जावै पण बिऊँ बिदकै ह। क्युं क बे बिकी बोली कोनी पिछाणै।”

यहून्ना 10:27

मेरी लल्ड्या मेरी बोली पिछाणै ह, म बानै जाणू हूँ, अर बे मेरै गेल-गेल चालै ह।