यहून्ना 1:7 - जीवन को च्यानणो (सेकावाटी नया नियम की पोथ्या)

⁷ यहून्ना मिनखा म बि च्यानणा की गुवाई देबानै गुवा बणर आयो। जिऊँ मिनख बिका हेलानै सुणी अर बिस्वास करीं।

यहून्ना 1:7 Referans Kwoze

भेजेड़ा चेला का काम 19:4

जणा पोलुस बानै खेबा लाग्यो, “यहून्ना पापऊँ तौबा करबा ताँई पाणी को बतिस्मो दिआ करतो हो। अर मिनखाऊँ बोल्या करतो हो की जखो मेरै पाछै आबाळो ह बिपै बिस्वास करज्यो। बोई ईसु ह।”

यहून्ना 1:36

अर बो ईसुनै बठिकी जातो देखर बोल्यो, “देखो, परमेसर को उन्यो जार्यो ह।”

यहून्ना 1:12

इकै बावजुद जत्ता बी बिनै अपणाया अर बिका नाम प बिस्वास कर्या, बानै बो परमेसर का टाबरिया होबा को हक दिओ।

यहून्ना 1:9

सगळा मिनखानै च्यानणो दिखाबाळो, सचो च्यानणो जगत की नजर्या म आर्यो हो।

यहून्ना 1:15

यहून्ना बिकै बारां म गुवाई दिनी। बो हेलो पाड़्यो, “ओ बोई ह जिकै बारां म, म बोल्यो हो, ‘बो जखो मेरै पाछै आवै ह बो मेरूँ बडो ह, क्युं क बो मेरै जलमऊँ पेली बी मौजूद हो।’”

2 पतरस 3:9

अर परबु आपका करेड़ा करारनै पूरो करबा म देर कोनी करै, जंय्यांकी कई मिनख सोचै ह। पण परबु आपणा ताँई थ्यावस धरै ह क्युं क बो कोईको बी नास करबो कोनी चावै। पण बो चावै ह क सगळा मिनखानै पापऊँ हिया फेरबा को मोको मिलै।

तितूस 2:11

क्युं क परमेसर सगळा मिनखा का छुटकारा ताँई दया दिखाई ह।

इफिसुस 3:9

अर परमेसर का इ भेदनै सगळानै खोलर बताऊँ क ओ भेद कंय्यांसिक काम करै ह जखो आपा सगळानै बणाबाळा परमेसर क मांयनै जुगादऊँई लुखेड़ो हो।

1 तिमूतियूस 2:4

अर बो चावै क, धरती का सगळा मिनख बचज्यावीं अर बे सचनै जाणी।

यहून्ना 1:19

यरूसलेमऊँ यहूदि अधिकारी जद याजका अर लेवीयानै यहून्ना कनै आ बुजबा भेज्या क, “तू कूण ह?”

गलातियो 3:26

थे सगळा इब मसी ईसु प बिस्वास करबा की बजेऊँ परमेसर का बेटा हो।