यहून्ना 1:44 - जीवन को च्यानणो (सेकावाटी नया नियम की पोथ्या)

⁴⁴ फलिपूस, अंदरिआस अर पतरस की नगरी बेतसदा को रेह्बाळो हो।

यहून्ना 1:44 Referans Kwoze

यहून्ना 12:21

बे गलिल का बेतसदा का रेह्बाळा फलिपूस क कनै गया अर बोल्या, “साय, म्हें ईसुऊँ मिलबो चावां हां।”

मत्ती 11:21

“खुराजीन अर बेतसदा म रेह्बाळा मिनखा प हाय ह अत्ता-अत्ता ताजूब का काम आ नगर्या म कर्या गया, ज अ काम सूर अर सैदा नगर्या म कर्या जाता जणा बठै का मिनख बोरी का गाबा पेर'र खुद प राख बुरकार, कदकाई दिखा देता क बे पापऊँ तौबा कर लिआ हीं।

लूका 10:13

“खुराजीन अर बेतसदा म रेह्बाळा मिनखा प हाय ह अत्ता-अत्ता ताजूब का काम आ नगर्या म कर्या गया, ज अ काम सूर अर सैदा म कर्या जाता जणा बठै का मिनख बोरी का गाबा पेर'र खुद प राख बुरकार, कदकाई दिखा देता क बे पापऊँ तौबा कर लिआ हीं।

लूका 9:10

जणा पाछै ईसु कनै आर बे भेजेड़ा चेला जोक्यु बे कर्या बिकी जाणकारी बिनै दि। जणा बो बानै आपकै सागै लिओ अर बे चुपचाला बेतसदा नाम की नगरी म गया।

मरकुस 8:22

बे बेतसदा पुग्या अर बठै लोग एक आँदानै ईसु कनै ल्याया अर ईसुऊँ अरदास करता बोल्या बिपै हात धरद्‍यो।

मरकुस 6:45

ईसु चेलानै बोल्यो क, “तावळासा न्याव म चढ ज्याओ अर बेतसदा जखो दरिआव क परलै नाकै ह बठै मेरूँ अगाऊ पुगो अर म आनै बिदा कर आऊँ हूँ।”

मरकुस 3:18

अंदरिआस, फलिपूस, बरतुल्मै, मत्ती, थोमा, हलफई, हलफई को बेटो याकूब, तद्दे अर देस भगत समोन

मत्ती 10:3

फलिपूस, बरतुल्मै, थोमा, चुंगी लेबाळो मत्ती, हलफई को बेटो याकूब अर तद्दे,

भेजेड़ा चेला का काम 1:13

अर बठै पुगताई बे उपला चोबारा म चलेगा, जठै पतरस, यहून्ना, याकूब, अंदरिआस, फलिपूस, थोमा, बरतुल्मै, मत्ती, हलफई को छोरो याकूब, देस भगत समोन अर याकूब को छोरो यहूदा रेह्ता हा।

लूका 6:14

अर बाका नाम अ हीं समोन जिको दुसरो नाम पतरस जखो नाम ईसु को काडेड़ो हो। अर बिका भाईड़ा अंदरिआस, याकूब अर यहून्ना, फलिपूस, अर बरतुल्मै,

यहून्ना 1:43

आगलै दिन ईसु गलिल जाबा की मन म करी। फलिपूसनै देखर बो बिऊँ बोल्यो, “मेरै गेल होले।”

यहून्ना 1:45

फलिपूस नतनएलऊँ मिलर बिऊँ बोल्यो, “म्हानै बो मिलगो ह, जिकै बारां म मूसा नेम-कायदा म मांड्यो अर जिकै बारां म परमेसर की खेबाळा बताया हीं। बो युसूफ को बेटो नासरत को रेह्बाळो ईसु ह।”

यहून्ना 1:46

नतनएल बुज्यो, “नासरत! नासरतऊँ कोई चोखी चिज निकळ सकै ह के?” फलिपूस बोल्यो, “आर खुदई देखले।”

यहून्ना 1:48

नतनएल ईसुऊँ बुज्यो, “थे मनै कंय्यां जाणो हो?” ईसु बिऊँ बोल्यो, “फलिपूसनै बुलाबाऊँ पेली, म तनै अंजीर का दरखत क तळै देख्यो हो।”

यहून्ना 6:5

अर जद ईसु नजर घूमार बि घणीसारी भीड़नै आपकै कनै आती देख्यो। जणा फलिपूसऊँ बोल्यो, “आपा आ ताँई रोटी कठैऊँ मोल ल्यावां?”

यहून्ना 6:7

फलिपूस बोल्यो, “आपा दो सो चाँदी का सीक्का की बी रोट्या ल्यावां जणा कम पड़सी। अर बे अत्ता मिनखा म थोड़ी-थोड़ी बी पाँती कोनी आवै।”

यहून्ना 12:22

फलिपूस अंदरिआस क कनै जार बिऊँ बोल्यो, अर बे दोन्यु ईसु कनै गया अर बिनै बोल्यो।