यहून्ना 1:41 - जीवन को च्यानणो (सेकावाटी नया नियम की पोथ्या)

⁴¹ बो सऊँ पेली आपका भाई समोननै ढुंढर बोल्यो, “म्हानै मसी मिलगो ह।” मसी को मतबल टाळेड़ो होवै।

यहून्ना 1:41 Referans Kwoze

यहून्ना 4:25

लूगाई बिऊँ बोली, “म जाणू हूँ क, मसी जखो परमेसर को टाळेड़ो ह आसी। जद बो आसी जणा आपानै सगळी बाता बतासी।”

यहून्ना 1:45

फलिपूस नतनएलऊँ मिलर बिऊँ बोल्यो, “म्हानै बो मिलगो ह, जिकै बारां म मूसा नेम-कायदा म मांड्यो अर जिकै बारां म परमेसर की खेबाळा बताया हीं। बो युसूफ को बेटो नासरत को रेह्बाळो ईसु ह।”

भेजेड़ा चेला का काम 10:38

जंय्यां क थे जाणोई हो क परमेसर, कंय्यां पबितर आत्मा अर सक्‍तिऊँ ईसु नासरी को अभिसेक कर्यो। बो च्यारूमेर जार भलाई करतो अर सेतान का सतायड़ा सगळानै निरोगो करतो क्युं क परमेसर बिकै सागै हो।

लूका 2:38

बि टेम बा आर परमेसर को धनेवाद दिओ अर बा सगळानै जखा यरूसलेम का छुटकारानै उडिकर्या हा बि टाबर क बारां म बतायो।

लूका 2:17

अर देखर बे गुवाळ्या इ टाबरिया क बारां म बोलेड़ी बाता बानै बताई।

भेजेड़ा चेला का काम 4:27

सचमई थारा अभिसेक करेड़ा पबितर दास ईसु क खिलाप हेरोद अर पिन्तुस को पीळातुस इ नगरी क मांय इजरायल का मिनखा अर गैर-यहूदिआ क सागै कांदाऊँ कांदो मिलार खड़्या होगा।

1 यहून्ना 1:3

म्हें जोक्यु सुण्या अर देख्या बिको हेलो थारै मांयनै पाड़ां हां, जिऊँ थेबी म्हारै सागै पाँतीवाळ होवो। क्युं क म्हें बी परम-पिता अर बिका बेटा ईसु मसी क सागै पाँतीवाळ हां।

मत्ती 1:23

“देखो, एक कुंआरी छोरी आसऊँ होसी अर एक बेटो जलमसी अर बिको नाम इम्मानुअल राख्यो ज्यासी बिको मतबल ह परमेसर म्हारै सागै ह।”