यहून्ना 1:34 - जीवन को च्यानणो (सेकावाटी नया नियम की पोथ्या)

³⁴ म आ बातानै होता देखी, जणाई गुवाई देऊँ हूँ क ओई परमेसर को बेटो ह।”

यहून्ना 1:34 Referans Kwoze

यहून्ना 1:49

नतनएल बिऊँ बोल्यो, “गरूजी थे परमेसर का बेटा हो, थे इजरायल का राजा हो।”

मत्ती 4:3

जणा बिचास्बाळो सेतान बिकन आर ओडायो, “ज तू परमेसर को बेटो ह जणा आ भाठाऊँ बोल क रोटी बण जावै।”

1 यहून्ना 5:20

इ बातनै बी आपा जाणा हां क परमेसर को बेटो ईसु मसी आयो अर आपानै समज दिओ जिऊँ आपा सचा परमेसरनै जाण सकां, अर आपा बिकै सागै रेह्‍वां जखो सचो ह, मतबल ईसु मसी क सागै। ओई सचो परमेसर अर अजर-अमर जीवन देबाळो ह।

दरसाव 2:18

“थुआतिरा की बिस्वासी मंडळी का मुखियानै मांड। अ बाता परमेसर का बेटा कानिऊँ ह, जिकी आँख्या आग की लपटा की जंय्यां ह, अर पग चमकता काँसा की जंय्यां ह।

यहून्ना 20:31

अर जखी बाता अठै मांडेड़ी ह बे इ ताँई ह क, थे बिस्वास करो क ईसुई परमेसर को बेटो मसी ह अर बिस्वास करके, थे बिका नाम म जीवन पाओ।

1 यहून्ना 4:9

परमेसर आपका एकलोता बेटानै इ दुनिया म भेजर आपको परेम परगट कर्यो जिऊँ आपानै बिका बेटा की बजेऊँ जीवन मिल सकै।

1 यहून्ना 3:8

जखोबी मिनख पाप करतो रेह्‍वै ह बो सेतान को ह, क्युं क सेतान जुगादऊँई पाप करतो आयो ह। जणाई तो परमेसर को बेटो परगट होयो जिऊँ क बो सेतान का कामा को नास करदे।

1 यहून्ना 2:23

जखो बेटानै नकारै ह बो परम-पितानै बी नकारै ह, पण जखो बेटानै मानै ह बो बिकै सागै परम-पितानै बी मानै ह।

2 कुरन्थीयो 1:19

क्युं क परमेसर का बेटा ईसु मसी जिको परचार तिमूतियूस, सिलवानुस अर म कर्या हा बो हाँ-हाँ अर नइ-नइ म कोनी हो। पण ईसु मसी म बो हाँ म हो।

यहून्ना 19:7

यहूदि मिनख बिऊँ बोल्या, “म्हारै नियमा गेल इनै मार देणो चाए, क्युं क ओ परमेसर को बेटो होबा को दावो कर्यो ह।”

यहून्ना 11:27

बा बोली, “हाँ परबु, म बिस्वास करूं हूँ क, तू परमेसर को बेटो मसी ह जखो इ जगत म आबाळो हो।”

यहून्ना 10:36

जद म अंय्यां खयो क म परमेसर को बेटो हूँ, जणा थे क्युं खया म परमेसर की बुराई करूं हूँ। मनै टाळर इ जगत म भेजबाळो परम-पिताई तो ह।

मरकुस 1:1

परमेसर का बेटा ईसु मसी को चोखो समचार अंय्यां चालू होयो।

मत्ती 27:54

रोमी सेना को सुबेदार अर ईसु क पेरो देबाळा मिनख भूचाळ अर जखो बठै घट्यो हो बिनै देखर डरग्या। अर खया, “ओ सचमई परमेसर को बेटो हो।”

मत्ती 27:43

ओ बोळो परमेसर प बिस्वास कर्या करतो हो। ओ खेतो हो क म परमेसर को बेटो हूँ जणा ज परमेसर चावै तो इनै बचावै।”

मत्ती 27:40

अर खेर्या हा, “मनदरनै ढाबाळा अर तीन दिना म ओज्यु बणाबाळा खुदनै बचा, परमेसर का बेटा सुळीऊँ तळै उतर्या।”

मत्ती 26:63

पण ईसु चुपचालोई रिह्यो। जणा ओज्यु म्हायाजक बिऊँ बोल्यो, “म थानै जीवता परमेसर की सोगन देऊँ हूँ, म्हानै बता तू परमेसर को बेटो मसी ह के?”

मत्ती 17:5

पतरस अंय्यां बोलर्योई हो क एक भळकतो बादळ आर बानै ढक लिओ अर बि बादळ मऊँ हेलो आयो, “ओ मेरो लाडलो बेटो ह। जिऊँ म बोळो राजी हूँ थे इकी मानो।”

2 यहून्ना 1:9

अर जखो मिनख मसी की सीखऊँ न्यारो चल्यो जावै ह बो परमेसर क कनै कोनी जा सकै। पण जखो मिनख बिकी सीखनै मानै ह बिकन परम-पिता अर बिको बेटो दोन्युई रेह्‍वै ह।

इबरानीआ 7:3

जिका नइ तो माँ-बाप अर बडका क बारां म कोई लेखो-जोखो ह अर नइ इका जलम अर मोत क बारां म लेखो-जोखो ह। पण बो परमेसर का बेटा की जंय्यां सदा-सदा को याजक ह।

लूका 3:22

अर पबितर आत्मा कबूतर की काया को रूप लेर बिपै उतर्यो, जणा अकासऊँ हेलो आयो “तू मेरो लाडलो बेटो ह, म तेरूँ बोळो राजी हूँ।”

लूका 1:35

ईस्बर नगरी दुत खयो, “पबितर आत्मा तेरै प उतरसी अर परम-परधान की सक्‍ति तनै आपकी ओट म ले लेसी, इ बजेऊँ बो पबितर टाबर परमेसर को बेटो खुवासी,

मरकुस 1:11

अर बादळा मऊँ हेलो आयो, “तू मेरो लाडलो बेटो ह, म तेरूँ बोळो राजी हूँ।”

मत्ती 16:16

समोन पतरस बोल्यो, “थे सऊँ सक्‍तिसाली अर जीवता परमेसर का बेटा मसी हो।”

मत्ती 11:27

मेरै हाता म मेरो परम-पिता सक्यु सूप्यो ह अर परम-पिता क अलावा कोईबी बेटानै कोनी जाणै अर कोईबी बेटा क अलावा परम-पितानै कोनी जाणै। अर बे मिनख बापनै जाणै ह जिनै बेटो बतावै ह।”

मत्ती 8:29

बे जोरऊँ बोल्या, “हे परमेसर का बेटा, थारो म्हारो काँई लेणदेण? के थे थारा टेमऊँ पेल्याई म्हानै नास करबा आया हो?”

मत्ती 4:6

अर बिऊँ बोल्यो, “ज तू सचमई परमेसर को बेटो ह जणा अठैऊँ तळै कुदज्या।” क्युं क पबितर सास्तर म मांडेड़ो ह क, “परमेसर आपका ईस्बर नगरी दुतानै हुकम देसी, अर तेरा पगा म कांकरो गडै इऊँ पेलीई बे तनै हात्युहात बोचलेसी।”

मत्ती 3:17

जणा अकासऊँ हेलो आयो, “ओ मेरो लाडलो बेटो ह, जिऊँ म बोळो राजी हूँ।”

यहून्ना 20:28

जणा जुबाब म थोमा बोल्यो, “ओ मेरा परबु, ओ मेरा परमेसर।”

यहून्ना 10:30

म अर मेरो परम-पिता एकई हां।”

यहून्ना 6:69

अर म्हें बिस्वास कर्यो अर जाणगा हां क थेई परमेसर का पबितर मिनख हो।”

यहून्ना 1:18

परमेसरनै कदैई कोई कोनी देख्यो। पण परमेसर को इकलोतो बेटो जखो परमेसर की छाती तळै ह, अर बो परमेसरई ह। बोई परमेसरनै परगट कर्यो।