यहून्ना 1:15 - जीवन को च्यानणो (सेकावाटी नया नियम की पोथ्या)

¹⁵ यहून्ना बिकै बारां म गुवाई दिनी। बो हेलो पाड़्यो, “ओ बोई ह जिकै बारां म, म बोल्यो हो, ‘बो जखो मेरै पाछै आवै ह बो मेरूँ बडो ह, क्युं क बो मेरै जलमऊँ पेली बी मौजूद हो।’”

यहून्ना 1:15 Referans Kwoze

मत्ती 3:11

म तो थानै पाणी को बतिस्मो द्‍युँ हूँ, जिऊँ ओ बेरोपाट सकै क थे थारा पापऊँ तौबा कर लिआ हो। पण जखो मेरै पाछै आबाळो ह बो मेरूँ बोळो म्हान ह; म तो बिकाळा जूता का सळू खोलबा जोगोई कोनी। बो थानै आग अर पबितर आत्मा को बतिस्मो देसी।

कलुसीयो 1:17

सगळाऊँ पेल्या परमेसर क सागै मसी हो अर मसी की सक्‍तिऊँई सगळी चिजा बणी रेह्‍वै ह।

यहून्ना 17:5

अर इब, ओ परम-पिताजी, सरस्टि की सरूआतऊँ पेली आपा जखी मेमा म हा, बि मेमा म मनै लेज्याओ।

लूका 3:16

जणा यहून्ना बा सगळाऊँ बोल्यो, “म तो थानै पाणी को बतिस्मो देर्यो हूँ पण जखो आबाळो ह बो बोळो सक्‍तिसाली ह म तो बिकाळा जूता का सळू खोलबा जोगोई कोनी। अर बो थानै लाय अर पबितर आत्मा को बतिस्मो देसी।

यहून्ना 8:58

ईसु बोल्यो, “म थारूँ सची खेऊँ हूँ, अब्राहम क जलम्बाऊँ पेली, म हूँ।”

दरसाव 2:8

“स्मुरना की बिस्वासी मंडळी का मुखियानै मांड। अ बात बिकै कानिऊँ ह जखो पेलो अर आखरी ह, जखो मरगो हो पण ओज्यु जिंदो होगो।

इबरानीआ 13:8

ईसु मसी काल अर आज अर सदाई एकसो ह।

यहून्ना 1:27

बो मेरै पाछै आर्यो ह। पण म तो बिकाळा जूता का सळू खोलबा जोगोई कोनी।”

मरकुस 1:7

अर बो मिनखा म परचार करतो हो क, “मेरै पाछै एक जणो आर्यो ह। बो मेरूँ बोळो म्हान ह, अर म तो बिकाळा जूता का सळू खोलबा जोगोई कोनी

दरसाव 1:11

अर बि उवाज म अंय्यां हेलो आर्यो हो क, “तू जोक्यु बि देखर्यो ह बिनै एक पोथी म मांडतो जा अर बिकै पाछै आ बातानै इफिसुस, स्मुरना, परगमुम, थुआतिरा, सरदिस, फिलीदिलफिआ अर लोदिकीया की सात्यु बिस्वासी मंडळ्यानै भेज दिजे।”