यहून्ना 1:14 - जीवन को च्यानणो (सेकावाटी नया नियम की पोथ्या)

¹⁴ बचन देधारी होयो। बो दया अर सच क सागै म्हारै मांयनै रिह्यो। अर म्हें बिकी अंय्यां की मेमा देखी जंय्यां परम-पिता का इकलोता बेटा की मेमा।

यहून्ना 1:14 Referans Kwoze

1 यहून्ना 4:9

परमेसर आपका एकलोता बेटानै इ दुनिया म भेजर आपको परेम परगट कर्यो जिऊँ आपानै बिका बेटा की बजेऊँ जीवन मिल सकै।

1 तिमूतियूस 3:16

कोई कोनी नट सकै क, भगती को भेद कंय्यां को म्हान ह, बो जखो मिनख जूण म परगट होयो, पबितर आत्मा जिनै धरमी बतायो, अर ईस्बर नगरी दुत जिनै देख्या, देस-देस म बिको परचार कर्यो गयो, जगत म बिपै बिस्वास कर्यो गयो, अर ईस्बर नगरी म उठा लिओ गयो।

यहून्ना 1:1

क्युबी रच्या जाबाऊँ पेली बचन हो। बचन परमेसर क सागै हो, अर बचनई परमेसर हो।

गलातियो 4:4

पण जद ते टेम आयो, जणा परमेसर आपका बेटानै भेज्यो बो लूगाईऊँ जलम्यो। अर बो नेम-कायदानै मान्यो,

इबरानीआ 1:3

परमेसर को बेटो परमेसर की मेमा को उजाळो अर बिमै बिकोसोई सुभाव ह। बोई आपका बचना की सक्‍तिऊँ सरस्टि की सगळी चिजानै थाम राखी ह। बो मिनखा का पापनै धोर ईस्बर नगरी म सऊँ सक्‍तिसाली परमेसर क दायणै हात जार बेठगो।

यहून्ना 6:51

बा जीवती रोटी म हूँ जखी ईस्बर नगरीऊँ उतरी। जखो बी इ रोटीनै खासी बो सदाई जिंदो रेह्सी। अर इ जगत का मिनखानै जीबा ताँई जखी रोटी म देस्युँ, बो मेरो मास ह।”

कलुसीयो 1:19

क्युं क परमेसर की खुसी आ ही क बिका सगळा का सगळा गुण बिमै बास करै।

1 कुरन्थीयो 15:47

पेला मिनखनै धरती की माटीऊँ सरज्यो गयो। पण दुसरो मिनख मसी ईस्बर नगरीऊँ आयो।

रोमीयो 8:3

नेम-कायदो आपानै कोनी बचा सक्यो क्युं क पापी मिनख सुभाव की बजेऊँ बो कमजोर होगो। जणा परमेसर बो कर्यो जखो नेम-कायदो कोनी कर सक्यो, बो आपका एकलोता बेटानै आपणा पाप की सजा भोगबा ताँई आपणी पाप्या की काया स्यारकी काया म भेज्यो। अंय्यां परमेसर पापी काया म पापनै दंड दिओ।

1 यहून्ना 4:14

परम-पिता आपका बेटानै इ जगत का मिनखा को छुटकारो करबा ताँई भेज्यो। अर म्हें बिनै देख्या अर बिका गुवा बी हां।

2 यहून्ना 1:7

म आ बात इ ताँई बोलुँ हूँ, क्युं क इ दुनिया म बोळा भटकाबाळा मिनख हीं। अर जखो बी मिनख इ बातनै कोनी मानै क ईसु मसी इ धरती प मिनख काया को रूप लेर आयो, जणा बो छळ करबाळो ह अर मसी को बेरी ह।

दरसाव 21:3

जणा म परमेसर का सिंघासनऊँ एक जोरको हेलो सुण्यो, “देखो! इब परमेसर मिनखा क बिचमै रेह्सी। बाको बास मिनखा क बिचमै होसी। अर बे परमेसर की परजा होसी अर परमेसर खुद बाको परमेसर होसी।

इबरानीआ 5:5

अंय्यांई मसी बी म्हायाजक बणबा को मान खुदऊँ कोनी लिओ। पण परमेसर बिऊँ बोल्यो, “तू मेरो बेटो ह; आज म तेरो बाप बण्यो हूँ।”

इबरानीआ 10:5

इ ताँई जद मसी इ जगत म आयो हो जणा बो बोल्यो हो क, “तू बलिदान अर चढाओ कोनी चायो, पण मेरै ताँई एक काया त्यार करी ह।

यहून्ना 11:40

ईसु बिऊँ बोल्यो, “के म तेरूँ कोनी बोल्यो हो, ज तू बिस्वास करै जणा परमेसर की मेमा देखसी?”

यहून्ना 3:16

“क्युं क परमेसर जगत का मिनखाऊँ अंय्यां को परेम कर्यो, जिकै चलतै बो आपको इकलोतो बेटो दे दिओ। जिऊँ जखो बी बिपै बिस्वास करै बो नास नइ होवै पण अजर-अमर जीवन पावै।

यहून्ना 2:11

अंय्यां गलिल का काना नगरी म ईसु पेलो चमत्कार कर आपकी मेमा दिखाई। अर बिका चेला बिपै बिस्वास कर्या।

यहून्ना 14:6

ईसु बिऊँ बोल्यो, “सच, जीवन अर गेलो मई हूँ। मेरै बिना कोई परम-पिता कनै कोनी जा सकै।”

इबरानीआ 1:5

क्युं क परमेसर कदैई कोई बी ईस्बर नगरी दुताऊँ आ कोनी बोल्यो क, “तू मेरो बेटो ह; म आज तेरो बाप बण्यो हूँ!” अर नइ कोई ईस्बर नगरी दुताऊँ अंय्यां बोल्यो, “म बिको बाप होस्युं, अर बो मेरो बेटो होसी!”

यहून्ना 14:9

ईसु बोल्यो, “मनै कितना दिन तो होगा थारै सागै रेह्ता पाछै बी फलिपूस तू हाल ताँई कोनी जाण सक्यो क, म कूण हूँ? जखो बी मनै देख्यो ह बो बापनै बी देख्यो ह अर तू बोलै ह क, म्हानै बाप का दरसण करा दे।

लूका 9:32

पतरस अर बिकाळा साती निन्दा म हा जद बे सूल चेतो कर्यो जणा बे बिकी मेमा का तेज अर बा दो जणानै जखा बिकै सागै खड़्या हा देख्या।

यहून्ना 17:22

बा मेमा जखी थे मनै दिआ हो, बा म बानै दिओ हूँ जिऊँ बे बी एक हो सकीं जंय्यां आपा एक हा।

यहून्ना 3:18

जत्ता बी बिपै बिस्वास करै ह, बानै परमेसर माफ करै ह। पण जखा बिपै बिस्वास कोनी करै बे सजा का भागी ह, क्युं क बे परमेसर का इकलोता बेटा प बिस्वास कोनी कर्या।

लूका 2:11

क्युं क थानै बचाबाळा मसी परबु को जलम आज दाऊद की नगरी म होगो ह।

इबरानीआ 2:11

क्युं क पापऊँ पबितर करबाळो ईसु अर पापऊँ पबितर होबाळा मिनख एकई बाप का हीं; इ ताँई ईसु बानै खुदका भाई खेबाऊँ कोनी सरमावै।

2 कुरन्थीयो 12:9

पण बो मनै बोल्यो, “तेरी कमजोरी म मेरी दया जखी तेर प ह बा तनै बोळी, क्युं क कमजोरी मई मेरी सक्‍ति बोळी काम करै।” इ ताँई म मेरी कमजोरी म बोळो राजी होर गुमान करस्युं जिऊँ मसी की सक्‍ति मेर प उतरसी।

मत्ती 1:16

अर याकूब युसूफ को बाप हो। जखो मरीयम को मोट्यार हो। मरीयम क ईसु जलम लिओ जखो मसी खुवावै ह।

कलुसीयो 2:3

मसी म सगळा ज्ञान अर बुदी को खजानो लुखेड़ो ह।

इफिसुस 3:8

म परमेसर का सगळा मिनखा म सऊँ छोटो हूँ इकै पाछै बी परमेसर की आ दया मेर प होई ह जिऊँ म गैर-यहूदि मिनखानै मसी का अनमोल धन का चोखा समचार सुणाऊँ।

रोमीयो 9:5

बडका बाऊँई नातो राखी हीं, अर मिनख क जाया क रूप म मसी बामैऊँई जलम्यो जखो सगळा को परमेसर ह अर सदाई धने ह! आमीन।

लूका 2:7

अर बिकै पेलीपोत को छोरो होयो जिनै बा गाबा म लपेटर ल्हास म सुवायो क्युं क बानै रेह्बा की झघा कोनी मिली।

भेजेड़ा चेला का काम 13:33

परमेसर ईसुनै ओज्यु जीवार, बा बात आपणा ताँई पूरी करी ह, जखा बिकी संतान हां, जंय्यां की दुसरा भजन म मंडेड़ो ह क, ‘तू मेरो छोरो ह, अर म आजई तेरो बाप बण्यो हूँ।’

यहून्ना 8:32

थे सचनै जाणस्यो, अर सच थानै अजाद करसी।”

यहून्ना 17:24

ओ परम-पिताजी, जखा मिनख थे मनै सूप्या हो म चाऊँ हूँ क बे बी बठै मेरै सागै होवीं जठै म हूँ, जिऊँ क बे बि मेमानै देख सकीं जखी थे मनै दिआ हो, क्युं क इ सरस्टिनै रचबाऊँ पेली थे मेरूँ परेम कर्यो।

यहून्ना 18:37

इपै पीळातुस बिऊँ बोल्यो, “इको मतबल तू राजा ह के?” ईसु बोल्यो, “तू बोलै ह क म राजा हूँ। म सच की गुवाई देबा ताँई इ धरती प जलम्यो अर आयो हूँ। जखा बी सचा ह बे मेरा बचन सुणै ह।”

दरसाव 19:13

बो लोय म रंगेड़ो गाबो पेरमाल्यो हो। अर बिको नाम परमेसर को बचन हो।