यहून्ना 1:1 - जीवन को च्यानणो (सेकावाटी नया नियम की पोथ्या)

¹ क्युबी रच्या जाबाऊँ पेली बचन हो। बचन परमेसर क सागै हो, अर बचनई परमेसर हो।

यहून्ना 1:1 Referans Kwoze

यहून्ना 17:5

अर इब, ओ परम-पिताजी, सरस्टि की सरूआतऊँ पेली आपा जखी मेमा म हा, बि मेमा म मनै लेज्याओ।

दरसाव 19:13

बो लोय म रंगेड़ो गाबो पेरमाल्यो हो। अर बिको नाम परमेसर को बचन हो।

कलुसीयो 1:17

सगळाऊँ पेल्या परमेसर क सागै मसी हो अर मसी की सक्‍तिऊँई सगळी चिजा बणी रेह्‍वै ह।

यहून्ना 1:14

बचन देधारी होयो। बो दया अर सच क सागै म्हारै मांयनै रिह्यो। अर म्हें बिकी अंय्यां की मेमा देखी जंय्यां परम-पिता का इकलोता बेटा की मेमा।

दरसाव 22:13

मई अलफा हूँ अर ओमेगा हूँ , म पेलो अर आखरी हूँ, मई जुगाद अर अंत हूँ।

यहून्ना 1:2

क्युबी रच्या जाबाऊँ पेली बो परमेसर क सागै हो।

दरसाव 1:8

परबु परमेसर, जखो ह, जखो हो अर जखो आबाळो ह, जखो सऊँ सक्‍तिसाली ह बो खेवै ह, “मई अलफा अर ओमेगा हूँ।”

फलिपी 2:6

बो परमेसर का सुभाव म होर बी परमेसर क बराबर होबा को हक कोनी जतायो।

मत्ती 1:23

“देखो, एक कुंआरी छोरी आसऊँ होसी अर एक बेटो जलमसी अर बिको नाम इम्मानुअल राख्यो ज्यासी बिको मतबल ह परमेसर म्हारै सागै ह।”

दरसाव 21:6

बो ओज्यु बोल्यो, “सक्यु पूरो होगो। मई अलफा हूँ अर मई ओमेगा हूँ, मई जुगाद हूँ अर मई अंत हूँ। जखो बी तिसायो ह बिनै म सितमित म जीवन का कूंडऊँ पाणी प्यास्युं।

इबरानीआ 13:8

ईसु मसी काल अर आज अर सदाई एकसो ह।

1 यहून्ना 5:20

इ बातनै बी आपा जाणा हां क परमेसर को बेटो ईसु मसी आयो अर आपानै समज दिओ जिऊँ आपा सचा परमेसरनै जाण सकां, अर आपा बिकै सागै रेह्‍वां जखो सचो ह, मतबल ईसु मसी क सागै। ओई सचो परमेसर अर अजर-अमर जीवन देबाळो ह।

1 तिमूतियूस 3:16

कोई कोनी नट सकै क, भगती को भेद कंय्यां को म्हान ह, बो जखो मिनख जूण म परगट होयो, पबितर आत्मा जिनै धरमी बतायो, अर ईस्बर नगरी दुत जिनै देख्या, देस-देस म बिको परचार कर्यो गयो, जगत म बिपै बिस्वास कर्यो गयो, अर ईस्बर नगरी म उठा लिओ गयो।

यहून्ना 16:28

म परम-पिता कानिऊँई इ जगत म आयो। इब म इ जगतनै छोडर परम-पिता कनै जार्यो हूँ।”

दरसाव 1:17

जद म बिनै देख्यो जणा बिका पगा म मरेड़ा मिनख की जंय्यां पड़गो। अर बो आपको दाइणो हात मेर प धर मेरूँ बोल्यो, “डरै मना। म पेलो अर आखरी हूँ।

यहून्ना 20:28

जणा जुबाब म थोमा बोल्यो, “ओ मेरा परबु, ओ मेरा परमेसर।”

तितूस 2:13

अर आपा जखी भागहाळी आस राखां हां बिकै पूरो होबानै उडिकां हां, जद आपणो म्हान परमेसर अर छुटकारो देबाळो ईसु मसी मेमा म परगट होसी।

इबरानीआ 7:3

जिका नइ तो माँ-बाप अर बडका क बारां म कोई लेखो-जोखो ह अर नइ इका जलम अर मोत क बारां म लेखो-जोखो ह। पण बो परमेसर का बेटा की जंय्यां सदा-सदा को याजक ह।

दरसाव 3:14

“लोदिकीया की बिस्वासी मंडळी का मुखियानै मांड। अ बाता बिकै कानिऊँ ह जखो परमेसर का हरेक वादा की जामनी ह, जखो बिस्वास जोगो, सचो गुवा अर परमेसर की सगळी सरस्टि प राज करबाळो ह।

इफिसुस 3:9

अर परमेसर का इ भेदनै सगळानै खोलर बताऊँ क ओ भेद कंय्यांसिक काम करै ह जखो आपा सगळानै बणाबाळा परमेसर क मांयनै जुगादऊँई लुखेड़ो हो।

दरसाव 1:2

जणा यहून्नानै जोक्यु दरसाव होया बो बा बाता क बारां म मांड्यो। अर आ बा सचाई ह जखी ईसु मसी बतायो हो। अ परमेसर क कानिऊँ आएड़ा समचार हीं।

1 यहून्ना 5:7

अर गुवाई देबाळा तीन जणा हीं।

रोमीयो 9:5

बडका बाऊँई नातो राखी हीं, अर मिनख क जाया क रूप म मसी बामैऊँई जलम्यो जखो सगळा को परमेसर ह अर सदाई धने ह! आमीन।

यहून्ना 1:18

परमेसरनै कदैई कोई कोनी देख्यो। पण परमेसर को इकलोतो बेटो जखो परमेसर की छाती तळै ह, अर बो परमेसरई ह। बोई परमेसरनै परगट कर्यो।

दरसाव 2:8

“स्मुरना की बिस्वासी मंडळी का मुखियानै मांड। अ बात बिकै कानिऊँ ह जखो पेलो अर आखरी ह, जखो मरगो हो पण ओज्यु जिंदो होगो।

2 पतरस 1:1

म, समोन जिको नाम पतरस बी ह, जखो परबु ईसु मसी को दास अर भेजेड़ो चेलो हूँ। आ चिठी बा मिनखानै मांडूँ हूँ जखा आपणा परमेसर अर छुटकारो देबाळा ईसु मसी की धारमिक्‍ता की बजेऊँ आपणी जंय्यांई बिस्वास करीं हीं।

दरसाव 1:11

अर बि उवाज म अंय्यां हेलो आर्यो हो क, “तू जोक्यु बि देखर्यो ह बिनै एक पोथी म मांडतो जा अर बिकै पाछै आ बातानै इफिसुस, स्मुरना, परगमुम, थुआतिरा, सरदिस, फिलीदिलफिआ अर लोदिकीया की सात्यु बिस्वासी मंडळ्यानै भेज दिजे।”

लूका 24:53

अर बे मनदर म परमेसर को गुणगान करता आपको टेम काटबा लागगा।

यहून्ना 8:58

ईसु बोल्यो, “म थारूँ सची खेऊँ हूँ, अब्राहम क जलम्बाऊँ पेली, म हूँ।”

कलुसीयो 1:15

दिखबाळो ईसु मसी नइ दिखबाळा परमेसर की जंय्यां ह। बो सगळी चिजा म पेलो अर सगळी सरस्टिऊँ बोळो म्हान ह।