याकूब 5:6 - जीवन को च्यानणो (सेकावाटी नया नियम की पोथ्या)

⁶ अर थे धरमी मिनखानै जखा थारै खिलाप कोनी होया, बानै दोसी बतार बाकी हत्या कर दिनी।

याकूब 5:6 Referans Kwoze

याकूब 4:2

थे पाबा की इंछ्या तो राखो हो पण थानै मिलै कोनी, इ ताँई थे राड़ अर कळै करो हो, थे खून करो हो अर बळोकड़ोपूणो राखो हो जिऊँ थानै क्युं कोनी मिलै। थानै इ ताँई कोनी मिलै क्युं क थे परमेसरऊँ कोनी माँगो।

भेजेड़ा चेला का काम 8:32

सास्तरऊँ जखो लेख बो बाचर्यो हो बो अंय्यां हो, “बिनै मारबा ताँई बि लल्डी की जंय्यां लेर गयो जखी कटबाळी होवै, अर जंय्यां उन्यो ऊन कतरबाळा क आगै चुपचालो सिदो खड़्यो रेह्‍वै ह बंय्यांई बो बी आपको मुंडो कोनी खोल्यो।

मत्ती 5:39

पण म थारूँ खेऊँ हूँ थे थारै सागै बुराई करबाळा क सागै बुराई मना करज्यो। पण ज कोई थारै दाया गाल प थपड़ मारै जणा बिकै कानि दुसरो गाल बी आगै कर दिज्यो।

इबरानीआ 10:38

पण मेरो धरमी मिनख बिस्वासऊँ जिसी, अर ज बो बिस्वासऊँ फिरज्या जणा म बिऊँ राजी कोनी रेहस्युं।”

भेजेड़ा चेला का काम 22:14

जणा बो मेरूँ बोल्यो, ‘आपणा बाप-दादा को परमेसर तनै इ ताँई टाळ्यो ह क तू बिकी इंछ्या जाणै। अर बि धरमीनै देखै अर बिका मुंडाऊँ बाता सुणै।

याकूब 2:6

पण जणा बी थे बा गरीबा को अपमान कर्यो हो। के पिसाळा मिनख थार प जोर कोनी जिमावै अर थानै कचेरी म घिसर कोनी लेज्यावै?

भेजेड़ा चेला का काम 7:52

अंय्यां को कोई परमेसर की खेबाळो होयो हो के जिनै थारा बाप-दादा कोनी सताया हो? बे बा परमेसर की खेबाळानै मार गेर्या जखा बि परमेसर का धरमी दास क आबा को समचार पेल्याई दिआ करता हा। अर ठिक बंय्यांई थे बी बिनै धोकाऊँ पकड़ाबाळा अर मारबाळा होया।

मत्ती 27:20

पण परधान याजक अर यहूदि नेता जनतानै उकसाया क म्हारै ताँई बरअबानै छोड दे अर ईसुनै मार।

मत्ती 21:38

पण जद बे ठेकेदार बिका बेटानै देख्या जणा आपसरी म खेबा लाग्या, ‘ओ तो बिको वारिस ह, आओ इनै मारद्‍यां अर इकी जायजादनै हड़पल्यां।’

1 पतरस 4:18

अर जंय्यां सास्तर बोलै ह, “ज धरमी मिनखई बडी मुसकीलाऊँ बचसी, जणा पाप्या अर जखा भगतीऊँ न्यारा रेह्‍वै ह बाको काँई होसी?”