याकूब 5:16 - जीवन को च्यानणो (सेकावाटी नया नियम की पोथ्या)

¹⁶ इ ताँई एक दुसरा क सामै खुदका पापनै मानल्यो अर एक दुसरा ताँई अरदास करो जिऊँ थे भला चंगा होज्याओ। धरमी मिनख की अरदास बोळी सक्‍तिसाली अर असर करबाळी होवै ह।

याकूब 5:16 Referans Kwoze

मत्ती 21:22

बिस्वासऊँ अरदास म जोक्यु बी माँगस्यो, बो थानै मिलसी।”

यहून्ना 9:31

म्हें जाणा हा क परमेसर पाप्या की कोनी सुणै, पण भगता की जखा बोई करै जखो बो बाऊँ चावै ह, अंय्यांलका की परमेसर सुणै ह।

1 पतरस 2:24

बो आपणा पापनै खुदकी काया प लेर सुळी प चढगो, जिऊँ आपा पाप करबा बेई मर्या समान होवां अर जखो सई ह बिनै करबा बेई जीवां। थानै निरोगो कर्यो जा सकै, इ ताँई बो आपकी काया प घाव लिआ।

1 यहून्ना 3:22

अर आपा जोक्यु बिऊँ माँगा हां बो आपानै मिलै ह, क्युं क आपा बोई काम करां हां जखो परमेसरनै भावै ह अर आपा बिका हुकमानै बी माना हां।

भेजेड़ा चेला का काम 19:18

जत्ता ईसु का नाम को बिस्वास कर्या बामैऊँ घणकराक सगळा क सामै आप-आपका बुरा कामानै मान्या।

1 थिसलूनिकी 5:17

अरदास करबा म लाग्या रेह्ओ।

इबरानीआ 12:13

अर खुदका पगा ताँई थे सिदो गेलो बणाओ जिऊँ क जखा मिनख लंगड़ा हीं बे आखड़ै नइ पण निरोगा होज्यावीं।

1 थिसलूनिकी 5:25

मेरा लाडला बिस्वास्यो, म्हारै ताँई बी अरदास कर्या करो।

मत्ती 3:6

बे आपका पापनै मानर यरदन नदि म यहून्नाऊँ पाणी को बतिस्मो लिओ।

इबरानीआ 13:18

थे म्हारै ताँई अरदास करता रेह्‍वो। अर म्हानै पक्को बेरो ह क म्हारी अन्तर-आत्मा सुद ह। अर म्हें हरतर्याऊँ चोखी जिंदगी जिबो चावां हां।

इबरानीआ 11:7

बिस्वास करबा की बजेऊँई नूह बा बातानै जखी बि टेम का कोनी दिखरी ही। बानै परमेसर का डर क सागै चितावनी मानर आपका परवारनै बचाबा ताँई झाज बणायो हो, अंय्यां कर बो जगतनै दोसी गिण्यो अर बि धारमिक्‍ता को पाँतीवाळ होयो जखी बिस्वास करबाऊँ आवै ह।

रोमीयो 5:19

जंय्यां बि एक मिनख क कह्यो नइ मानबा की बजेऊँ सगळा मिनख पापी होया ठिक बंय्यांई बि एक मिनख क कह्यो मानबा की बजेऊँ बोळा मिनखानै परमेसर सई बतासी।

रोमीयो 3:10

जंय्यां की पबितर सास्तर म मंडेड़ो ह, “कोई धरमी कोनी, एकई कोनी!”

इबरानीआ 11:4

हाबिल क बिस्वास करबा की बजेऊँई बो कैनऊँ चोखो बलिदान परमेसर क चढायो। बिस्वास करबा की बजेऊँई बिकै धरमी होबा की बडाई करी गई अर परमेसर बिका चढावानै मान्यो अर बिकै मरबा क पाछै बी आपा इब ताँई बिऊँ सीखां हां।

भेजेड़ा चेला का काम 10:38

जंय्यां क थे जाणोई हो क परमेसर, कंय्यां पबितर आत्मा अर सक्‍तिऊँ ईसु नासरी को अभिसेक कर्यो। बो च्यारूमेर जार भलाई करतो अर सेतान का सतायड़ा सगळानै निरोगो करतो क्युं क परमेसर बिकै सागै हो।

1 थिसलूनिकी 5:23

स्यांती देबाळो परमेसर खुदई थानै सूल पबितर करै। थारी आत्मा, पिराण अर काया आपणा परबु ईसु मसी क ओज्यु आबा का दिन ताँई बेदाग रेह्‍वै।

कलुसीयो 1:9

इ बजेऊँ जनाड़ैऊँ म्हें थारै बारां म सुण्यो हो थारै ताँई अरदास करबो कोनी छोड्यो। म्हें अरदास करां हां क परमेसर थानै बिकी इंछ्या का गेरा ज्ञान अर बि सगळी बुदी अर समजऊँ भरै जखी आत्मिक ह।

लूका 9:6

जणा बे बठैऊँ बिदा लेर गाँव-गाँव जार परमेसर को चोखो समचार सुणाया अर मिनखानै निरोगा कर्या।

मरकुस 1:5

यहूदिआ दिसावर अर यरूसलेम नगरी का घणकराक मिनख बिकी सुणबा बिकन गया। अर बे बठै जार आपका पापनै मान्या जिऊँ बो बानै यरदन नदि म पाणी को बतिस्मो दिओ।

भेजेड़ा चेला का काम 8:24

जणा समोन बाऊँ बोल्यो, “थे मेर ताँई अरदास करो क थारा मुंडाऊँ निकळेड़ी कोईबी बात मेर प नइ पड़ै।”