याकूब 4:11 - जीवन को च्यानणो (सेकावाटी नया नियम की पोथ्या)

¹¹ ओ मेरा लाडला बिस्वास्यो, थे एक दुसरा प कळंक मना लगाओ। अर ज कोई आपका पाड़ोसी भाईड़ा क खिलाप बोलै ह अर न्याय करै, जणा बो नेम-कायदा क खिलाप म बोलै अर न्याय करै ह। अर बे अंय्यां कर नेम-कायदा गेल कोनी चालै पण इको न्याय करबाळा बणज्यावीं हीं।

याकूब 4:11 Referans Kwoze

1 पतरस 2:1

इ ताँई, थे छळ-कपट, पाखंड, नफरत, बळोकड़ापूणा अर दुसरा प दोस लगाबाऊँ बचर रेह्ओ।

रोमीयो 2:1

थे जखा दुसरा को न्याय करो हो थारै कनै कोई भानो कोनी क्युं क थे दुसरा की जखी बाता को न्याय करो हो बा बाता म खुदई दोसी हो। जखी बाता को थे न्याय करो हो बे बाता थे खुदई करो हो।

याकूब 5:9

ओ मेरा लाडला बिस्वास्यो, एक दुसरा प मना बलडाओ जिऊँ थारो न्याय नइ होवै। देखो न्याय करबाळो थळी पई खड़्यो ह।

लूका 6:37

“कोईको भलो-बुरो कर न्याय मना करो जणा परमेसर बी थारो न्याय कोनी करसी। गळत मना बताओ जणा परमेसर थानै बी कोनी बतासी। माफ करो जणा परमेसर थानै बी माफ करसी।

1 कुरन्थीयो 4:5

जणा सई टेम आबाऊँ पेली कोईबी बात को न्याय मना करो। परबु क आबा का टेमऊँ पेली आखरी न्याय कोनी होवै। बो अँधेरा म लुखेड़ी बातानै च्यानणा म ल्यासी अर चित का बिचारानै परगट करसी बी टेमई हरेक की बडाई परमेसर कानिऊँ होसी।

इफिसुस 4:31

इ ताँई थे सगळी कड़वाट, परकोप, झाळ, कळै, दुसरा की बुराई करबाऊँ अर दुसरा की हानी करबाऊँ दूर रेह्ओ।

2 कुरन्थीयो 12:20

म डरूँ हूँ क, जद म थारै कनै आऊँ, जणा कदै अंय्यां नइ होवै क, जंय्यां म थानै देखबो चाऊँ हूँ, बिऊँ न्याराई दिखो। अर जंय्यांको थे मनै नइ देखबो चाओ हो, बिऊँ न्यारोई देखो। अर मनै ओ बी डर ह क, कदै थारै मांयनै आपसरी म राड़, एक दुसराऊँ बळबो, झाळ काडबो, मतलबीपुणो, बदनामी अर बेजती करबो, काना-फूसी अर हेकड़ोपूणो अर काम बिगाड़बो नइ देखूँ।

2 तिमूतियूस 3:3

बाकै हिया म नइ तो प्यार-परेम, नइ दया-धरम होसी। बे दुसरा की बुराई करबाळा, राड़ करबाळा, कुटिचर, भलाईऊँ बैर राखबाळा होसी।

1 तिमूतियूस 3:11

अंय्यांई बाकी लूगायाबी ईज्जत हाळी हो अर बे चुगलीचाळा करबाळी नइ हो; बे चोकस अर सगळी बाता म बिस्वास जोगी हो।

रोमीयो 7:7

जणा आपा काँई बोलां? के नेम-कायदा पाप ह? पक्काई नेम-कायदा पाप कोनी। क्युंबी हो नेम-कायदो नइ होतो जणा म जाणतोई कोनी क पाप काँई होवै ह। ज नेम-कायदो आ कोनी बतातो क लालच मना करो जणा सचमई म जाणतोई कोनी क लालच काँई ह।

रोमीयो 2:13

क्युं क नेम-कायदानै सुणबाळा परमेसर की नजर्या म धरमी कोनी होवै, पण बिपै चालबाळो धरमी बाजै।

याकूब 1:25

पण जखो मिनख अजादि देबाळा सिद नेम-कायदा प ध्यान लगार चालै ह बिनै बिका कामा म आसिस मिलै क्युं क जखो बो सुणै ह बिनै भूलै कोनी अर जंय्यां बो सुणै ह बंय्यांई बो करै ह।

तितूस 2:3

अंय्यांई बूडी-ठेरी लूगायानै बी सीखा क बे पबितर मिनखा की जंय्यां बरताव करबाळी हो। बे चुगली-चाळा करबाळी नइ हो अर नइ बामै पीबा की लत हो। पण बे चोखी सीख देबाळी हो।

याकूब 1:16

इ ताँई मेरा लाडला बिस्वास्यो, थे धोको मना खाज्यो।

याकूब 1:19

मेरा लाडला बिस्वास्यो, ध्यान राखज्यो, थार मऊँ हरेक मिनख सुणबा म तेज अर बोलबा म स्यांत होवै। झाळनै बस म राखो।

याकूब 2:8

पबितर सास्तर म सगळा हुकमा म स्याही हुकम ओ ह क, “थे थारा पड़ोसीऊँ खुदकी जंय्यांई प्यार करज्यो।” अर ज थे इनै मानो हो जणा चोखोई करो हो।

याकूब 5:7

ओ मेरा लाडला बिस्वास्यो, परबु क ओज्यु आबा की घड़ीनै थ्यावसऊँ उडिको जंय्यां एक किसान जमीन की फसलनै जखी बि ताँई बोळो माईनो राखै ह, जोपबाळा दिनऊँ लेर जद ताँई बा पकर त्यार नइ होज्यावै बि दिन ताँई सरू का अर आखीर का मीनै थ्यावसऊँ लगातार उडिकतो रेह्‍वै।

याकूब 5:10

ओ मेरा लाडला बिस्वास्यो, थे परमेसर की खेबाळानै मना भूलो जखा परबु क नामऊँ बोलता हा। बे आपणा ताँई दुख, मुसीबत सेण करबा अर थ्यावस राखबा का नमूना हीं।