Biblia Todo Logo
Bib sou entènèt

- Piblisite -




याकूब 3:2 - जीवन को च्यानणो (सेकावाटी नया नियम की पोथ्या)

2 क्युं क आपणाऊँ बोळीबर चूक होवै ह। पण जखो बचन म चूक कोनी करै बो सिद मिनख ह अर बो आपकी सगळी काया प लगाम लगा सकै ह।

Gade chapit la Kopi




याकूब 3:2
29 Referans Kwoze  

अर ज कोई खुदनै भगत मानै अर आपकी जीबनै बस म नइ राखै जणा बो खुदनै धोको देवै ह अर बिकी भगती ख्याई काम की कोनी।


“जखो जीवन की इंछ्या राखै ह, अर चोखा दिन देखबो चावै ह। बो आपकी जबानऊँ बुरा बोल बोलबाऊँ अर होठानै छळ की बाता करबाऊँ रोकै।


क्युं क तेरी खेईड़ी बाता की बजेऊँई तनै दोसी नहिस निरदोस साबित कर्यो ज्यासी।”


जंय्यां की पबितर सास्तर म मंडेड़ो ह, “कोई धरमी कोनी, एकई कोनी!”


थ्यावसनै आपको काम पूरो करबा द्‍यो जिऊँ थे पूरा अर सिद होज्यास्यो, अर थार म कोई बात की घटी कोनी रेह्‍वै।


क्युं क ज कोई नेम-कायदा का सगळा नियमानै मानै पण ज एक बी बात म चूक ज्यावै जणा बो नेम-कायदा का सगळा नियमानै तोड़बाळो बाजै।


पण म तो मेरी कायानै बस म कर मेरै खया म चलाऊँ हूँ, क्युं क कदै अंय्यां नइ हो क म दुसरानै तो परचार करूं पण खुद निकम्मो खुवाऊँ।


थारै मालोई एक ओर ह जिको नाम इफरास ह अर मसी ईसु को दास ह बिकी बी थानै “जे मसी की” पुगै। ओ सदाई थारै ताँई जी ज्यानऊँ अरदास करै ह जिऊँ थे परमेसर की सगळी इंछ्या म समजदारी अर पूरा भरोसा क सागै खड़्या रेह सको।


म्हें मसी को परचार कर हरेक मिनखानै चितावां अर सगळा ज्ञानऊँ बानै सीखावां, जिऊँ हरेक मिनखनै मसी म सिद कर परमेसर क सामनै हाजिर कर सकां।


पण नेम-कायदा बोलै ह, पाप सगळानै आपकै बस म ले लिआ, जणा परमेसर को बादो बा सगळा ताँई ह जखा ईसु मसी प बिस्वास करीं हीं अर आ बात बस बिस्वास पई टिकरी ह।


जणा म मेरै मांयनै ओ नियम पाऊँ हूँ क, म जद बी चोखो करबो चाऊँ जणा म मेर म बुराई पाऊँ हूँ।


परमेसर जखो दया को दाता ह। बोई थानै मसी म जुग-जुग ताँई आपकी की मेमा ताँई बुलायो ह। अर थारै थोड़ोसोक दुख भोगबा क पाछै बो खुदई थानै मजबूत, ताकतबर अर पक्को बणासी।


क्युं क काया की बुरी इंछ्या पबितर आत्मा क खिलाप मो राखै अर पबितर आत्मा काया की बुरी इंछ्या क खिलाप मो राखै ह। अर अ दोन्युई एक दुसरा क खिलाप म हीं। जणाई तो थे जोक्यु करबो चाओ हो बो कोनी कर सको।


हे सपोलो! जद थेई बुरा हो जणा थारै मुंडाऊँ चोखी बाता कंय्यां बोलस्यो? क्युं क जखो मांयनै होसी बोई बारनै आसी।


Swiv nou:

Piblisite


Piblisite