याकूब 3:15 - जीवन को च्यानणो (सेकावाटी नया नियम की पोथ्या)

¹⁵ अंय्यां की बुदी ईस्बर नगरीऊँ कोनी आवै पण आ धरती की, मिनख सुभाव अर सेतान की बुदी होवै।

याकूब 3:15 Referans Kwoze

याकूब 3:17

पण जखी बुदी ईस्बर नगरीऊँ आवै ह बा सऊँ पेली तो पबितर होवै अर बिकै पाछै स्यांतीऊँ भरेड़ी, नरमाईऊँ भरेड़ी, बात मानबाळी, अपरम्पार दयाऊँ भरेड़ी, चोखा कामाऊँ भरेड़ी, दोगलोपुणो नइ करबाळी अर खरी होवै ह।

याकूब 1:17

क्युं क सगळा दान बरदान अर चोखा इनाम उपरऊँई मिलै ह अर अ उजाळा को परम-पिता देवै ह जखो कदैई कोनी बदलै अर इमै बदलती दसा की बजेऊँ आबाळी काळी छाया बी कोनी।

1 कुरन्थीयो 3:19

क्युं क परमेसर की नजर्या म इ दुनिया को ज्ञान बावळोपुणोई ह। अर पबितर सास्तर म मंडेड़ो ह क, “परमेसर ज्ञान्यानै बाकीई चतराई म फसावै ह।”

फलिपी 3:19

अर बे नरक म नास होबा जार्या हीं। क्युं क बाको पेटई बा ताँई परमेसर ह। जखी बाता प बे घमंड करीं हीं बा बाता प बानै सरम आणी चाए अर बे संसार की चिजा क बारां मई सोचीं हीं।

1 कुरन्थीयो 2:14

जिकै कनै आत्मा कोनी बिनै बे चिजा कोनी मिलै जखी परमेसर की पबितर आत्माऊँ आवै ह। बि ताँई बे बकवास बाता ह क्युं क बाको मोल आत्मिक रूपऊँ परख्यो जावै ह।

2 कुरन्थीयो 1:12

म्हानै गुमान ह क म्हें साप अन्तर-आत्माऊँ आ खे सकां हां, क म्हें इ दुनिया का मिनखा क सागै अर खासकर थारै सागै परमेसर की खराई अर ईमानदारीऊँ रिह्या हां। अंय्यां म्हें परमेसरऊँ मिलबाळी दयाऊँ कर्या हां, दुनियादारीऊँ मिलबाळी बुदीऊँ नइ।

याकूब 1:5

पण ज थार मऊँ कोईनै बी बुदी की कमी होवै जणा बो परमेसरऊँ माँगै, जखो बिना धमकाया खुला हियाऊँ देवै ह, अर थानै आ बुदी दि ज्यासी।

1 तिमूतियूस 4:1

पबितर आत्मा साप-साप बोलै ह क, क्युंक टेम क पाछै क्युंक मिनख बिस्वास करबो छोड देसी, बे ओपरी बलाया की सीखनै मानसी अर भंगराबाळी आत्मा क कह्या म चालसी।

यहूदा 1:19

अ मिनख बेई हीं, जखा थारै म फूट गेरीं हीं। बे इ धरती का जीवन बेई सोचीं हीं, बामै पबितर आत्मा कोनी।

1 कुरन्थीयो 3:3

क्युं क थे हाल ताँई इ दुनिया का मिनखा की जंय्यां हो। थे आपसरी म बळोकड़ोपूणो अर कळै राखो हो। जणा थे इ दुनिया का मिनखा की जंय्यां कोनी के? अर इ दुनिया का मिनखा की जंय्यां बरताव कोनी कर्या के?

यहून्ना 3:17

परमेसर आपका बेटानै, जगत का मिनखानै सजा देबा को हुकम देबा ताँई कोनी भेज्यो। पण बानै बचाबा ताँई भेज्यो ह।

दरसाव 12:9

अर बि बडासारा अजगरनै धरती प फेक दिओ गयो, ओ बोई पुराणो बडो नाग ह जिनै दानव, सेतान बोल्यो गयो ह। ओ सगळा जगत का मिनखानै भंगरावै ह। बो आपका दुता क सागै धरती प फेक दिओ गयो।

दरसाव 9:11

पताळ को दुत बापै राजा हो, बिको नाम इबरानी भासा म अबदोन अर यूनानी भासा म अपोल्यन ह। आ दोनू नामा को मतबल नास करबो ह।

दरसाव 2:24

इब म थुआतिरा बिस्वासी मंडळी का बा मिनखानै खेबो चाऊँ हूँ जखा बि लूगाई की सीखनै कोनी मानै अर सेतान की भेद भरी बातानै कोनी जाणै। ‘म थार प ओर बोज कोनी लादूँ,

2 थिसलूनिकी 2:9

पण बिकै नास होबाऊँ पेली बो सेलाणी-चमत्कार अर ताजूब का काम दिखासी क्युं क बिमै सेतान की सक्‍ति होसी।

2 कुरन्थीयो 11:3

पण मनै डर ह क्युं क कदै अंय्यां नइ होज्या क जंय्यां हवानै जखी धरती की सऊँ पेली नारी ही बिनै साँप चतराईऊँ भंगरा दिओ हो, बंय्यांई थारा हियानै नइ भंगरा दे जिमै मसी ताँई थारी खरी भगती अर ईमानदारी ह।

1 कुरन्थीयो 1:27

पण परमेसर इ दुनिया का ज्ञानवानानै सरमा मारबा ताँई दुनिया की नजर्या म बेबुदी समज्या जाबाळा अर ताकतबरानै सरमा मारबा ताँई इ दुनिया म कमजोर समज्या जाबाळानै टाळ्यो।

रोमीयो 1:22

बे बोलीं हीं क बे स्याणा हीं, पण बे तो मूरख हीं।

भेजेड़ा चेला का काम 13:10

अर बोल्यो, “सगळा छळ कपटऊँ भरेड़ा सेतान की ओलाद, भलाई का बेरी। तू परमेसर का सचा अर सिदा गेलानै तोड़बो मोड़बो कोनी छोडै के?”

यहून्ना 8:44

थारो बाप सेतान ह, अर थे बिकी इंछ्या प चालबो चाओ हो। बो तो सरूसई हत्यारो ह अर कदैई सच कानि कोनी रिह्यो क्युं क बिमै सच कोनी। बिको झूठ बोलबाळो सुभाव ह क्युं क बो झूठो अर झूठ को बाप ह,

लूका 16:8

आ देखर बो साऊकार बि बेईमान भंडारीनै खूब सरायो क्युं क बो तेजपुणाऊँ काम कर्यो। दुनिया का मिनख परमेसर का मिनखाऊँ बरताव म तेज पड़ी हीं।