याकूब 3:14 - जीवन को च्यानणो (सेकावाटी नया नियम की पोथ्या)

¹⁴ पण ज थे थारा हिया म बळोकड़ोपूणो, नफरत, मतलबीपुणो राखो हो जणा थे गुमान मना करज्यो क्युं क अंय्यां को मिनख सचनै झूठ बतावै।

याकूब 3:14 Referans Kwoze

याकूब 3:16

क्युं क जठै बळोकड़ोपूणो अर मतलबीपुणो ह बठै बिरोद अर सगळा बुरा काम होवीं हीं।

1 कुरन्थीयो 13:4

क्युं क जिमै परेम होवै ह बो थ्यावस राखै ह, अर दया करै ह; अर ओ बळोकड़ो पुणो कोनी राखै; अर खुदकी बडाई कोनी मारै, अर गुमानऊँ फुलै कोनी,

फलिपी 2:3

खुदकी गरज काडबा अर बुरी इंछ्या राख'र फांप मारबा ताँई क्युंई मना करो, पण छोटा बाप का बणर एक-दुसरानै खुदऊँ चोखो मानो।

1 कुरन्थीयो 3:3

क्युं क थे हाल ताँई इ दुनिया का मिनखा की जंय्यां हो। थे आपसरी म बळोकड़ोपूणो अर कळै राखो हो। जणा थे इ दुनिया का मिनखा की जंय्यां कोनी के? अर इ दुनिया का मिनखा की जंय्यां बरताव कोनी कर्या के?

रोमीयो 13:13

जणा क्युंना आपा सूल रेह्‍वां जंय्यां मिनख दिन का उजाळा म रेह्‍वै। खा पीर धुत्त रेह्बाळासा नइ, नइ कुकरम अर रांडबाज की जंय्यां, नइ लड़बाळा की जंय्यां अर नइ बळोकड़ा की जंय्यां।

2 कुरन्थीयो 12:20

म डरूँ हूँ क, जद म थारै कनै आऊँ, जणा कदै अंय्यां नइ होवै क, जंय्यां म थानै देखबो चाऊँ हूँ, बिऊँ न्याराई दिखो। अर जंय्यांको थे मनै नइ देखबो चाओ हो, बिऊँ न्यारोई देखो। अर मनै ओ बी डर ह क, कदै थारै मांयनै आपसरी म राड़, एक दुसराऊँ बळबो, झाळ काडबो, मतलबीपुणो, बदनामी अर बेजती करबो, काना-फूसी अर हेकड़ोपूणो अर काम बिगाड़बो नइ देखूँ।

फलिपी 1:15

आ बात बी साची ह क, क्युंक ह जखा जळता-बळता अर राड़ करबा ताँई मसी को हेलो पाड़ीं हीं। बे सचा मनऊँ मसी को हेलो कोनी पाड़ै पण खुदकी गरज काडबा ताँई मसी को परचार कर मेरी केद की टेम मई बे मनै दुख देबो चावीं हीं, पण दुसरा भली मनस्याऊँ मसी को परचार करीं हीं, अ अंय्यां प्यार-परेमऊँ करै ह क्युंक अ जाणै ह क, परमेसर मनै चोखा समचारनै सबूत देर साबित करबा को काम दिओ ह।

याकूब 5:19

ओ मेरा लाडला बिस्वास्यो, ज कोई थार मऊँ सचाई का गेलाऊँ भटक जावै अर ज कोई बिनै ओज्यु सई गेलो दिखावै ह,

भेजेड़ा चेला का काम 5:17

जणा म्हायाजक अर बाकै सागै का सदुकी पंथहाळा मिनख भेजेड़ा चेला प जळबा लागगा। जिकै चलतै बे बाकै खिलाप क्युं कारवाई करबा की सोची।

तितूस 3:3

क्युं क मसीनै मानबाऊँ पेली आपा बी बेबुदी का, खयो नइ मानबाळा, भटकेड़ा अर हरतर्या की मो-माया का गुलाम हा। आपणो जीवन बुराई अर बळोकड़ा पुणाऊँ भरेड़ो हो। अर आपा एक दुसराऊँ नफरत करता हा।

1 तिमूतियूस 6:4

जणा अंय्यां को मिनख मरोड़ म बांको रेह्‍वै, पण बो क्युंई कोनी जाणै। बिकी मत्ती मारी गई, अर बिनै बाता प जिदबो चोखो लागै ह। बिमैऊँ बळोकड़ोपूणो, दोस लगाबो, सूगली बाता अर बुराई निकळै ह।

1 कुरन्थीयो 5:2

अर थे अंय्यां कर गुमान म फूलर्या हो जदकी थानै दुखी होणो चाए। अर थानै अंय्यां करबो चाए की जखो मिनख अंय्यां को काम करै ह बिनै थारूँ न्यारो कर देणो चाए।

रोमीयो 2:8

पण जखा खुदकी परवा करीं हीं अर सचनै कोनी मानी पण बुरो करीं हीं, बापै परमेसर की झाळ अर रीस पड़सी।

गलातियो 6:13

जदकी सुन्नत कराईड़ा खुद तो नेम-कायदानै कोनी मानै, पण थारी सुन्नत इ ताँई कराबो चावै ह क बानै थारी काया की बजेऊँ गुमान होवै क बे थारी सुन्नत कराई ह।

गलातियो 5:26

आपानै नइ तो गुमान करबो चाए, अर नइ एक दुसरानै रीस दिवाणो चाए, अर नइ आपसरी म बळोकड़ोपूणो राखबो चाए।

गलातियो 5:21

जळबो, नसो करबो, भोगबिलास करबो अंय्यां का ओर बि बोळा काम हीं। जाकै बारां म पेल्या बी म थानै चेता दिओ हूँ अर ओज्यु चेतार्यो हूँ क, अंय्यां का काम करबाळा मिनख परमेसर का राज म वारिस कोनी होसी।

गलातियो 5:15

पण थे एक दुसरानै पाड़ खाबो चाओ हो, जणा थे चेता म रेह्ओ, कदै अंय्यां नइ होज्या क थे एक दुसरा को नास कर द्‍यो।

1 कुरन्थीयो 5:6

थारो गुमान करबो चोखो कोनी ह। अर थे आ खेबत तो सुण्याई हो क, “चिनोसोक खमिर सगळा गुंदेड़ा आटानै खमिर बणा देवै ह।”

रोमीयो 2:17

तू खुदनै यहूदि मानै ह अर नेम-कायदा प तनै बिस्वास ह अर परमेसर प तनै गुमान ह,

रोमीयो 1:29

बे हरतर्या का अधरम, बुराई, लालच, बुरी लत, बळोकड़ापूणा, हत्या, राड़, धोको, बुरी मनस्या अर चुगली-चाळाऊँ भर्या पड़्या हीं।

भेजेड़ा चेला का काम 26:9

“म बी सोच्यो हो, जोक्यु मेरूँ हो सकै बो म नासरत का ईसु नाम क खिलाप करूं।

भेजेड़ा चेला का काम 13:45

इ भीड़नै देखर यहूदि बळगा अर पोलुस की बाता क खिलाप बोलता होया बिकी बुराई करी।

यहून्ना 16:2

थे अरदास करबाळी झघाऊँ काड्या जास्यो अर बो टेम आसी जद थानै मारबाळा सोचसी क थानै मार'र बे परमेसर की सेवा करीं हीं।

मत्ती 27:18

बो ओ सुवाल इ ताँई बुज्यो, क्युं क बो जाणतो हो यहूदि अधिकारी जळता-बळता ईसुनै पकड़ाया ह।

भेजेड़ा चेला का काम 7:9

आपणा गोता का बाप-दादा आपका भाईड़ा युसूफ प जळता हा। जणा बे बिनै मिसर देस का मिनखानै बेच दिआ पण परमेसर बिकै सागै हो।

गलातियो 5:20

मूरती पूजा, जादू-टोणो, बैर भाव, राड़-झगड़ा, बळोकड़ोपूणो, झाळ्या भरबो, फूट गेरबो, भेद-भाव करबो, होड करबो,

1 तिमूतियूस 2:4

अर बो चावै क, धरती का सगळा मिनख बचज्यावीं अर बे सचनै जाणी।

याकूब 1:18

बो आपकी इंछ्याऊँ आपानै सचाई का बचनऊँ पैदा कर्यो ह जिऊँ आपा बिकी बणाएड़ी सगळी सरस्टि म पेलो फळ होवां।