याकूब 3:13 - जीवन को च्यानणो (सेकावाटी नया नियम की पोथ्या)

¹³ थार म स्याणो अर समजदार कूण ह? अर ज कोई अंय्यां को ह जणा बो आनै आपका चोखा जीवनऊँ, नरमाई अर बुदीऊँ भर्या कामाऊँ दिखावै।

याकूब 3:13 Referans Kwoze

गलातियो 5:23

नरमाई अर खुदनै बस म राखबो, अंय्यां का कामा क खिलाप म कोई नियम कोनी ह।

याकूब 3:17

पण जखी बुदी ईस्बर नगरीऊँ आवै ह बा सऊँ पेली तो पबितर होवै अर बिकै पाछै स्यांतीऊँ भरेड़ी, नरमाईऊँ भरेड़ी, बात मानबाळी, अपरम्पार दयाऊँ भरेड़ी, चोखा कामाऊँ भरेड़ी, दोगलोपुणो नइ करबाळी अर खरी होवै ह।

मत्ती 5:5

भागहाळा ह बे जखा सूदा हीं; बे धरती का हकदार होसी!

कलुसीयो 3:12

थे परमेसर का लाडला, पबितर अर टाळेड़ा मिनख हो। इ ताँई तरस, दया, नरमाई अर थ्यावस का गाबा पेरल्यो अर मन म बडा मना होवो।

1 पतरस 2:12

परमेसरनै नइ ध्यारबाळा मिनख थानै बुरा बतावीं हीं। इकै वावजुद बी बाकै मांयनै थारो बरताव अर चाल-चलन चोखो राखो। जिऊँ जखी चोखी बाता बे थारै म देखसी बा बेई बे न्यायहाळा दिन परमेसर की मेमा करसी।

तितूस 3:2

बाऊँ बोल क बे कोईकी बुराई नइ करै, पण सगळा क सागै चोखो बरताव कर रळमिलर स्यांतीऊँ रेह्‍वै।

2 तिमूतियूस 2:25

अर जखा खिलाप होवीं बानै नरमाईऊँ समजाबाळो होणो चाए; काँई बेरो परमेसर बानै बाकी गळती मानर माफी माँगबा को मन देवै अर बेबी सच जाण जावै।

फलिपी 1:27

जणा मोटी बात आ ह क थारा जीवन की उठ बेठ खाली मसी का चोखा समचार जोगी होणी चाए; जिऊँ म थारै बारां म आई सुणू क थे एकई मकसद ताँई खड़्या हो अर एकई मनस्या राख'र चोखा समचारऊँ मिलेड़ा बिस्वास ताँई कड़ी मेनत करतार्यो हो, चाए म थानै आर देखूँ चाए नइ देखूँ,

1 तिमूतियूस 6:11

पण तू, जखो परमेसरनै मानबाळो ह, आ सगळी बाताऊँ दूर रेह्जे, पण धारमिक्‍ता, भगती, बिस्वास, परेम, थ्यावस अर दिनता म बण्यो रेह।

याकूब 2:18

पण कोई खेवै, “तेरै कनै बिस्वास ह अर मेरै कनै करम।” तू मनै थाकाळो बिस्वास बिना करम क दिखा अर म तनै माखाळो बिस्वास करम क सागै दिखास्युं।

1 पतरस 2:9

पण थे अंय्यां का मिनख कोनी हो। थे तो परमेसर का टाळेड़ा खास मिनख हो। थे स्याही याजका की टोळी अर पबितर कूणबो हो। एक कूणबो जखो परमेसरऊँ निकळ्यो ह। परमेसर थानै अँधकारऊँ ताजूबभर्या च्यानणा म ल्यायो ह। जणा इब थानै चाए क थे बिकी ताजूबभरी बाता को जखी बो करी ह, हेलो पाड़ो। पबितर सास्तर म मंडेड़ो ह,

याकूब 1:21

इ ताँई सगळा गंदा कामाऊँ अर च्यारूमेर फेलेड़ी बुराईऊँ न्यारा होर, नरमाईऊँ थारै हिया म बसेड़ा परमेसर का बचननै मानो, जखा थारी आत्मा को छुटकारो कर सकै ह।

1 तिमूतियूस 4:12

तनै कोई क सामैई निचो नइ देखणो पड़ै क्युं क तू जवान ह, पण बोली-चाली, चाल-चलन, प्यार-परेम, बिस्वास अर खराई म तू बिस्वास्या क सामै नमूनो बणज्या।

2 कुरन्थीयो 10:1

मसी की दिनता अर नरमाई क सागै म पोलुस निजी तोरऊँ बोलुँ हूँ। थारै मऊँ क्युं क जणा मेरै बारां म बोलीं हीं क जद म थारै आमै-सामै होऊँ बि टेम थारै सागै नरमाईऊँ रेह्ऊँ हूँ अर जद म थारूँ दूर रेह्ऊँ बि टेम सकताई बरतुँ हूँ।

मत्ती 11:29

थे मेरी हाळीनै लेल्यो अर बिनै लादल्यो अर थे मेरूँ सीखो क्युं क म सिदो-सादो अर मेरो हियो दयाऊँ भरेड़ो ह। जिऊँ थानै बी अराम मिलसी

याकूब 3:1

ओ मेरा लाडला बिस्वास्यो, थार मऊँ घणकराकनै चाए क बे बिस्वासी मंडळी म सीख देबाळा नइ बणै। क्युं क थे जणो हो क म्हें जखा सीख देबाळा हां बाको न्याय ओर बी बेत्ती कल्डाईऊँ होसी।

इफिसुस 4:2

सगळी बाता म खुदनै छोटो बणार नरमाई समेत, थ्यावस राख'र प्यार-परेमऊँ एक दुसरा की सेण करो;

गलातियो 6:4

पण हरेक मिनखनै खुदका कामा क बारां मई जाच पड़ताळ करनी चाए। क्युं क अंय्यां करबाऊँ बिनै खुदनै गुमान करबा को मोको मिलसी। पण बिनै दुसराऊँ खुदकी बराबरी नइ करबो चाए।

गलातियो 6:1

ओ मेरा लाडला बिस्वास्यो, थे जखा आत्मिक जीवन जीओ हो, ज थारी नजर्या म थार मऊँ कोई पाप करतो पकड़्यो जावै, जणा बिकै सागै नरमाईऊँ बरताव कर बिकी मदद करो जिऊँ बो पाछो बिस्वास म आज्यावै। अर थे बी हुस्यार रेहज्यो कदै थे पाप म नइ पड़ जाओ।

2 कुरन्थीयो 8:24

इ ताँई थे बानै थारो परेम दिखाज्यो अर थारै बारां म म्हें जखी बडाई करां हां, बिनै बिस्वासी मंडळ्या क सामै साबित करज्यो।

मत्ती 21:5

सिओन की छोरीऊँ खेओ क बिको राजा बिकन आर्यो ह; बो खुदनै छोटो कर्यो ह, हाँ बो गधेड़ी का बच्या प बेठ्यो ह।

1 पतरस 3:4

पण थे स्यांत अर सुदी बणो जिऊँ थे मांयऊँ सोवणी होस्यो। अंय्यां को सोवणोपूणो सदाई बण्यो रेह्‍वै ह अर परमेसर की नजर्या म इको बोळो मोल ह।

1 कुरन्थीयो 6:5

थानै सरम आणी चाए! के साच्याई थारै मालो कोई ज्ञानी मिनख कोनी? जखो थारी तू-तू मे-मे को सुळजेटो कर सकै।

मत्ती 7:24

“इ ताँई जखो बी मेरा बचनानै सुणै ह अर बापै चालै ह बिकी बराबरी बि बुदीमान मिनखऊँ करी गई ह जखो आपको घर ढाड प बणायो,

इबरानीआ 13:5

थारो सुभाव धन को लालची नइ होवै, अर जोक्युबी थारै कनै ह, बिमई सबर राखो, क्युं क परमेसर बोल्यो ह, “म तनै कदैई कोनी छोडूँ, अर कदैई कोनी तजूं।”

1 पतरस 1:15

पण जंय्यां थानै आपका होबा ताँई बुलाबाळो परमेसर पबितर ह, बंय्यांई थे जोक्युबी करो बो पबितर होणो चाए।