याकूब 3:1 - जीवन को च्यानणो (सेकावाटी नया नियम की पोथ्या)

¹ ओ मेरा लाडला बिस्वास्यो, थार मऊँ घणकराकनै चाए क बे बिस्वासी मंडळी म सीख देबाळा नइ बणै। क्युं क थे जणो हो क म्हें जखा सीख देबाळा हां बाको न्याय ओर बी बेत्ती कल्डाईऊँ होसी।

याकूब 3:1 Referans Kwoze

1 तिमूतियूस 1:7

अर बे नेम-कायदा का सास्तरी होबो चावीं, पण जखी बातानै बे बोलीं हीं अर जखी बाता प बे जोर देवै ह, बानै बे खुदई कोनी समजीं।

1 पतरस 5:3

अर जखी बिस्वासी मंडळी थारी देखरेख म ह बिपै जोर मना जमायो। पण बा ताँई सीख बणो।

1 कुरन्थीयो 12:28

अर परमेसर बिस्वासी मंडळी म न्यारा-न्यारा मिनखानै न्यारा-न्यारा पद दिओ ह, पेलानै भेजेड़ा चेला को, दुसरानै परमेसर की बात बताबा को, तीसरानै गरूजी को अर कोईनै चमत्कार का काम करबाको, अर कोईनै निरोगा करबाको, अर कोईनै मदद करबाको, अर कोईनै बेबस्ता करबाको तो कोईनै न्यारी-न्यारी बोली बोलबा को काम सोप्यो ह।

मत्ती 23:13

“हे कपट राखबाळो धरमसास्तर्यो अर फरिसीयो! थार प धिक्कार ह। थे लोगा का ईस्बर नगरी राज म जाबाळा गेलानै रोको हो। थे नइ तो खुद बि गेलै जाओ अर नइ लोगानै बि गेलै जाबा द्‍यो।

1 तिमूतियूस 2:7

अर इ गुवाईनै गैर-यहूदि मिनखानै सुणाबा ताँई म एक सचा बिस्वास की सीख देबाळो अर ईसु को भेजेड़ो चेलो बणायो गयो हूँ। जिऊँ म बिस्वास का समचार अर सच को हेलो पाड़ सकूँ। म झूठो कोनी हूँ म सच बोलर्यो हूँ।

इफिसुस 4:11

बोई क्युंकनै तो भेजबा ताँई भेजेड़ा चेला बणार, क्युंकनै परमेसर की खेबाळा बणार, क्युंकनै चोखा समचार को हेलो पाड़बा ताँई, क्युंकनै बिस्वास्या की बिस्वासी मंडळी की रूखाळी करबाळा अर परमेसर की सीख देबाळा बणार टाळ लिआ।

2 कुरन्थीयो 5:10

क्युं क आपा इ काया म जीर जखो बी भलो-बुरो काम कर्या हां बिको फळ पाबा ताँई मसी क न्याय सिंघासन क सामै पक्कोई खड़्यो होणो पड़सी।

इबरानीआ 13:17

थे थारा आत्मिक मुखिया प भरोसो करो अर बाकै बस म रेह्‍वो, क्युं क बे बाकी जंय्यां जानै लेखो देणो पड़ै ह थारा पिराणा ताँई जागता रेह्‍वै ह। अंय्यांई कर्या करो जिऊँ बाका काम थारै ताँई बोज नइ पण राजी होबा की बजे बणै। क्युं क बोज समज्या तो थारो क्युंई फाईदो कोनी होवै।

लूका 16:2

जणा बो साऊकार हो जखो बिनै बुलार बोल्यो, ‘म तेरा बारां म आ काँई सुणर्यो हूँ? इब तू अंय्यां कर बे बही-खाता ल्यार मनै हिसाब-किताब दे, क्युं क इब म तनै भंडारीपुणा प कोनी राख सकूँ।’

2 तिमूतियूस 1:11

परमेसर मनै चोखा समचार को हेलो सुणाबा ताँई एक हलकारा, सीखाबाळा अर ईसु का भेजेड़ा चेला को काम दिओ ह।

यहून्ना 3:10

ईसु बिऊँ बोल्यो, “तू इजरायल्यानै सीख देबाळो होर बी, आ बातानै क्युं कोनी समज सक्यो?

मत्ती 10:24

क्युं क चेलो गरूऊँ बडो कोनी होवै अर नइ दास आपका मालिकऊँ बडो होवै ह।

लूका 6:37

“कोईको भलो-बुरो कर न्याय मना करो जणा परमेसर बी थारो न्याय कोनी करसी। गळत मना बताओ जणा परमेसर थानै बी कोनी बतासी। माफ करो जणा परमेसर थानै बी माफ करसी।

मत्ती 9:11

बानै सागै बेठ्या देखर क्युंक फरिसी ईसु का चेलानै खया, “थारो गरूजी तो चुंगी लेबाळा अर पापी मिनखा क सागै खावै अर उठा-बेठी करै ह?”

भेजेड़ा चेला का काम 13:1

अंताकीया की बिस्वासी मंडळी म परमेसर की खेबाळा अर उपदेस देबाळा कई हा, जंय्यां की बरनाबास, समोन जिनै काळ्यो बी बोलता हा अर कुरेन को लूकियुस अर देस की चोथी पाँती को राजपाल हेरोद को गोद आयड़ो भाई मनाएम, अर साऊल।

याकूब 1:16

इ ताँई मेरा लाडला बिस्वास्यो, थे धोको मना खाज्यो।

याकूब 1:19

मेरा लाडला बिस्वास्यो, ध्यान राखज्यो, थार मऊँ हरेक मिनख सुणबा म तेज अर बोलबा म स्यांत होवै। झाळनै बस म राखो।

याकूब 3:10

आपा एकई मुंडाऊँ परमेसर की जे-जैकार करां हां अर बि मुंडाऊँई मिनखानै सराप बी देवां हां। मेरा लाडला बिस्वास्यो, अंय्यां नइ होणो चाए।