याकूब 2:8 - जीवन को च्यानणो (सेकावाटी नया नियम की पोथ्या)

⁸ पबितर सास्तर म सगळा हुकमा म स्याही हुकम ओ ह क, “थे थारा पड़ोसीऊँ खुदकी जंय्यांई प्यार करज्यो।” अर ज थे इनै मानो हो जणा चोखोई करो हो।

याकूब 2:8 Referans Kwoze

गलातियो 5:14

क्युं क नेम-कायदा की सगळी बाता इ एक बातनै मानबाऊँ क, “तू तेरा पड़ोसीऊँ खुदकी जंय्यां परेम राख पूरी होज्यावै ह।”

याकूब 2:12

थे बा मिनखा की जंय्यां बोलो अर भेवार करो जखा को न्याय अजाद करबाळा नेम-कायदा गेल होवै ह।

मत्ती 22:39

अर दुसरो हुकम बी इ झिसोई ह थारा पड़ोसीऊँ जंय्यां तू खुदऊँ परेम करै ह बंय्यांई परेम करजे।

गलातियो 6:2

अर थे एक दुसरानै दुख की घड़ी म सारो द्‍यो, अर ज थे अंय्यां करस्यो जणा मसी का नेम-कायदानै मानबाळा होस्यो।

1 पतरस 2:9

पण थे अंय्यां का मिनख कोनी हो। थे तो परमेसर का टाळेड़ा खास मिनख हो। थे स्याही याजका की टोळी अर पबितर कूणबो हो। एक कूणबो जखो परमेसरऊँ निकळ्यो ह। परमेसर थानै अँधकारऊँ ताजूबभर्या च्यानणा म ल्यायो ह। जणा इब थानै चाए क थे बिकी ताजूबभरी बाता को जखी बो करी ह, हेलो पाड़ो। पबितर सास्तर म मंडेड़ो ह,

याकूब 1:25

पण जखो मिनख अजादि देबाळा सिद नेम-कायदा प ध्यान लगार चालै ह बिनै बिका कामा म आसिस मिलै क्युं क जखो बो सुणै ह बिनै भूलै कोनी अर जंय्यां बो सुणै ह बंय्यांई बो करै ह।

1 थिसलूनिकी 4:9

भाईचारा अर प्यार-परेम क बारां म म्हानै मांडबा की कोई जुर्तई कोनी, क्युं क इकै बारां म थे खुदई परमेसरऊँ सीख लिआ हो क कंय्यां आपसरी म प्यार-परेम राखबो चाए।

फलिपी 4:14

पण ओ बोळो चोखो हो क मेरा दुख म थे मेरो सागो दिओ।

मत्ती 25:23

मालिक बिनै बी बोल्यो, ‘स्याबास तू बी बिस्वास जोगो अर चोखो दास ह। तू बी थोड़ा म बिस्वास राख्यो इ ताँई म तनै बी बोळी चिजा प अधिकार देस्युँ। आर मेरै सागै खुसी मना।’

याकूब 2:19

तू बिस्वास करै ह क एकई परमेसर ह। चोखी बात ह! पण ओ बिस्वास तो ओपरी बलाय बी करै ह अर धुजै ह।

मत्ती 25:21

बिकी इ बातनै सुणर मालिक खयो, ‘स्याबास तू बिस्वास जोगो अर चोखो दास ह। तू थोड़ा म बिस्वास राख्यो इ ताँई म तनै ओर बोळी चिजा प अधिकार देस्युँ। आर मेरै सागै खुसी मना।’

मत्ती 7:12

इ ताँई थे मिनखाऊँ बंय्यां को बरताव करो जंय्यां को थे बाऊँ चाओ हो। क्युं क ओ नेम-कायदा अर परमेसर की खेबाळा क जरिए परमेसर दिओ ह।

रोमीयो 13:10

ज थे कोईऊँ परेम करो हो जणा थे बाको बुरो कोनी चाओ। परेम करबो सगळा नेम-कायदानै पूरो करबो ह।

याकूब 4:11

ओ मेरा लाडला बिस्वास्यो, थे एक दुसरा प कळंक मना लगाओ। अर ज कोई आपका पाड़ोसी भाईड़ा क खिलाप बोलै ह अर न्याय करै, जणा बो नेम-कायदा क खिलाप म बोलै अर न्याय करै ह। अर बे अंय्यां कर नेम-कायदा गेल कोनी चालै पण इको न्याय करबाळा बणज्यावीं हीं।