याकूब 2:5 - जीवन को च्यानणो (सेकावाटी नया नियम की पोथ्या)

⁵ मेरा लाडला बिस्वास्यो, ध्यानऊँ सुणो, के ईस्बर बानै कोनी टाळ्यो जखा इ जगत का मिनखा की नजर्या म गरीब ह? जिऊँ बे बिस्वास म अमीर होज्यावै अर बि राज का अधिकारी बणै जिनै परमेसर बिऊँ परेम करबाळानै देबा को बादो कर्यो ह।

याकूब 2:5 Referans Kwoze

मत्ती 5:3

“भागहाळा ह बे मिनख जखा आत्मा का भूखा हीं; क्युं क ईस्बर नगरी को राजपाट बाकोई ह!

लूका 6:20

इकै पाछै बो आपका चेला कानि देखर बोल्यो, “थे गरीब हो जणाई भागहाळा हो, इ बजेऊँई परमेसर को राज थारो ह।

दरसाव 2:9

म थारा दुख अर गरीबी क बारां म जाणू हूँ, इकै वावजुद बी थे भर्यापूरा हो। अर जखा खुदनै यहूदि खेवै ह पण बे ह कोनी, म बा मिनखा की बुरी बातानै बी जाणू हूँ जखी थारै बेई बे करै ह, बे सेतान की बिस्वासी मंडळी ह।

2 कुरन्थीयो 8:9

क्युं क थे आपणा परबु ईसु मसी की दयानै जाणो हो। बो सक्याको मालिक होर बी थारै ताँई गरीब बण्यो। जिऊँ थे बिकी गरीबी की बजेऊँ हर चिज का धणी बण सको।

लूका 12:21

बो मिनख बी अंय्यां ह जखो आप ताँई धन भेळो करै, पण परमेसर की नजर्या म बो क्युंई कोनी।”

1 पतरस 1:4

इब थे ईस्बर नगरी म धरेड़ी बि बापोत का वारिस होगा हो, जखी नइ तो कदैई नास होबा की अर नइ सिड़बा की अर नइ गुमबा की ह।

याकूब 1:12

बो मिनख भागहाळो ह जखो बिचास्या जाबा की घड़ी म डट्यो रेह्‍वै ह, क्युं क बिनै बिचास्या जाबा क पाछैई खरो मिनख बणार जीवन को मुकट मिलसी, जिनै परबु आपका परेम करबाळानै देबा को बादो कर राख्यो ह।

इबरानीआ 11:26

बिनै मिसर का धनऊँ बेत्ती मसी ताँई बेजती कराबो घणो किमती लाग्यो, क्युं क बो आगै मिलबाळा इनामनै बेसबरीऊँ उडिकर्यो हो।

लूका 12:32

“मेरा छोटा रेवड़ डरै मना, थारो परम-पिता थानै आपको राज देबो चावै।

1 कुरन्थीयो 2:9

पण पबितर सास्तर म मंडेड़ो ह, “जखी बातानै आँख कोनी देखी, अर कान कोनी सुण्या, अर जखी मिनखा क चित मई कोनी आई, बे बाता परमेसर क हाता बा मिनखा ताँई त्यार करी गई, जखा परमेसरऊँ परेम करीं हीं।”

मत्ती 25:34

जणा बो राजा आपकै दाया कानि खड़्या मिनखाऊँ बोलसी, ‘मेरा परम-पिताऊँ आसिरबाद लियड़ा मिनखो थे आओ अर बा आसिरबादानै लेल्यो जखा इ सरस्टि की सरूआतऊँ थारै ताँई ह।

दरसाव 21:7

जखो बी जीतसी बो आ सक्याको मालिक होसी। म बाको परमेसर होस्युं अर बे मेरा टाबर होसी।

याकूब 1:9

दीन हीन बिस्वासी भाईड़ो गुमान करो क्युं क परमेसर थानै उठायो ह।

2 तिमूतियूस 4:8

अर इब ईस्बर नगरी म जीत को इनाम मनै उडिकर्यो ह, जिनै धरमी न्यायी परबु आखरी दिन मनै देसी। मनै एकलानैई नइ पण बा सगळानै बी जखा परेम क सागै बिकै परगट होबानै उडिकीं हीं।

2 कुरन्थीयो 6:10

म्हारा हिया म पिड़ा ह पण म्हें सदाई राजी रेह्‍वां हां, म्हें कंगला की जंय्यां दिखां हां पण ओरानै पिसाळा बणा देवां हां, म्हें रिता हात दिखां हां पण म्हारै कनै सक्यु ह।

दरसाव 3:18

इ ताँई म तनै सला देऊँ हूँ क, तू मेरूँ आगऊँ तपाईड़ो सोनो मोल लेले जिऊँ तू पिसाळो होज्यावै। अर पेरबा ताँई मेरूँ धोळा गाबा बी मोल लेले, जिऊँ तेरो सरमिंदगी भर्यो नंगोपुणो ढक ज्यावै। अर तेरी आँख्या म घालबा ताँई सूरमो लेले जिऊँ तनै सुजबा लागज्या।

1 तिमूतियूस 6:18

चोखा काम करबा ताँई बानै आदेस दे, जिऊँ बे चोखा काम करबाळा, दान देबाळा अर हियाऊँ देबाळा होवीं।

लूका 16:25

पण अब्राहम बोल्यो, ‘बेटा याद राख की तू तेरी जिंदगी म सदाई चोखी-चोखी चिजा भोगी जदकी ओ बिचारो सदाई आपकी जिंदगी म दुख देख्यो। पण इब अठै ओ मजाऊँ ह, अर तू पिड़ा म।

मत्ती 11:5

आँदा ओज्यु देखीं हीं, लंगड़ा चालीं हीं, कोढ्या को कोढ धोयो जार्यो ह। बैरा सुणर्या हीं, मुरदानै जीवायो जार्यो ह अर गरीबा म चोखा समचार को परचार कर्यो जार्यो ह।

2 पतरस 1:11

अर ज थे इ रीत गेल चालस्यो जणा एक दिन पक्काई आपणा परबु अर छुटकारो देबाळा ईसु मसी का अजर-अमर राज म जास्यो।

2 तिमूतियूस 4:18

अर परबु मनै सगळी बुरी बाताऊँ बचासी अर बचार ईस्बर नगरी राज म लेज्यासी। बिकी मेमा जुग-जुग होती रेह्‍वै। अंय्यांई होवै!

2 थिसलूनिकी 1:5

अ सगळी बाता परमेसर क सचा न्याय को साप सबूत ह। अ बाता थानै परमेसर का राज का जोगा बणावै, जि परमेसर का राज ताँई थे दुख बी भोगर्या हो।

इफिसुस 3:8

म परमेसर का सगळा मिनखा म सऊँ छोटो हूँ इकै पाछै बी परमेसर की आ दया मेर प होई ह जिऊँ म गैर-यहूदि मिनखानै मसी का अनमोल धन का चोखा समचार सुणाऊँ।

रोमीयो 8:17

अर ज आपा बिकी ओलाद हां जणा परमेसर का वारिस अर मसी क सागै पाँतीवाळ बी हां, ज आपा बिकै सागै दुख म पाँतीवाळ हां जणा बिकै सागै मेमा म बी पाँतीवाळ हां।

लूका 16:22

एक दिन बो गरीब लाजर मरगो। अर बिनै लेज्याबा ताँई ईस्बर नगरी दुत आर बिनै सिदा अब्राहम की गोदि म लेग्या। एक दिन बो साऊकार बी मर्यो अर बिनै लोग लेज्यार गाड्याया।

याकूब 1:16

इ ताँई मेरा लाडला बिस्वास्यो, थे धोको मना खाज्यो।

1 थिसलूनिकी 2:12

थारै मऊँ हरेकनै हिमत बंधाता, तसली देता अर समजाता हा क थारो चाल-चलन परमेसर जोगो होवै जखो थानै आपका राज अर मेमा म बुलावै ह।

इफिसुस 1:18

अर म आ बी माँगु हूँ क बिका च्यानणानै देखबा ताँई थारा मन की आँख्या खुलज्यावै जिऊँ थे जाणल्यो क बा कूणसी आस ह जि ताँई बो थानै बुलायो ह? अर बा आ ह क परमेसर का मिनखा म बिऊँ मिलबाळी मेमाभरी पाँती कत्ती मोकळी ह।

2 कुरन्थीयो 4:15

अ सगळी बाता थारै ताँई करी जारी ह जिऊँ परमेसर की दया बेत्तीऊँ बेत्ती मिनखा ताँई पुगै, जिऊँ बे परमेसरनै धनेवाद देसी अर परमेसरनै मोकळी मेमा मिलसी।

यहून्ना 7:48

के थे एक बी फरिसी नहिस यहूदि नेतानै जाणो हो जखो बिपै बिस्वास कर्यो होवै?

लूका 22:29

राज करबा ताँई म थानै बो हक देर्यो हूँ जखो मेरा परम-पिताऊँ मनै मिलेड़ो ह।

मरकुस 7:14

ईसु ओज्यु भीड़नै बुलायो अर बो बोल्यो, “थे सगळा मेरी सुणो अर समजो।

भेजेड़ा चेला का काम 7:2

जणा सतफनुस बोल्यो, “यहूदि भाई-भाणो अर मेरा बाप समान बडको मेरी सुणो। थानै बेरो होवै तो जद आपणो बाप अब्राहम हारान देस म बसबाऊँ पेली मिसोपोटामिआ म हो। जणा मेमाऊँ भरेड़ो परमेसर बिकै सामै परगट होयो।

याकूब 1:19

मेरा लाडला बिस्वास्यो, ध्यान राखज्यो, थार मऊँ हरेक मिनख सुणबा म तेज अर बोलबा म स्यांत होवै। झाळनै बस म राखो।