याकूब 2:23 - जीवन को च्यानणो (सेकावाटी नया नियम की पोथ्या)

²³ अर सास्तर म मंडेड़ो बचन पूरो होयो क, “अब्राहम परमेसर प बिस्वास कर्यो अर बिस्वास की बजेऊँ बो धरमी गिण्यो गयो,” अर बो परमेसर को भाईलो खुवायो।

याकूब 2:23 Referans Kwoze

गलातियो 3:6

जंय्यांकी, “अब्राहम परमेसर प बिस्वास कर्यो अर आ बात बिकै ताँई धारमिक्‍ता गिणी गई।”

रोमीयो 11:2

परमेसर आपका मिनखाऊँ जानै बो पेल्याऊँ जाणतो हो मुंडो कोनी मोड़्यो। के थे कोनी जाणो क एलिआ क बारां म सास्तर काँई बोलै ह, जद एलिआ परमेसरऊँ इजरायल का मिनखा क खिलाप कंय्यां अरदास करी ही?

गलातियो 3:22

पण नेम-कायदा बोलै ह, पाप सगळानै आपकै बस म ले लिआ, जणा परमेसर को बादो बा सगळा ताँई ह जखा ईसु मसी प बिस्वास करीं हीं अर आ बात बस बिस्वास पई टिकरी ह।

रोमीयो 9:17

क्युं क सास्तर म परमेसर फिरोनऊँ बोल्यो हो, “म तनै इ ताँई खड़्यो कर्यो क, म मेरी सक्‍ति तेरै प दिखा सकूँ अर मेरा नाम को हेलो सगळी धरती प पाड़्यो जावै।”

लूका 4:21

जणा बो बाऊँ बोल्यो, “आज सास्तर म मंडेड़ा अ बचन पूरा होया जंय्यां की थे सुणर्या हो।”

मरकुस 15:27

ईसु क सागै दो डाकू बी सुळी चढाया गया एक ईसु क दाया नाकै अर दुसरो बाया नाकै लटकायो गयो।

मरकुस 12:10

थे सास्तर म ओ बचन कोनी बाच्यो के: “जि भाठानै कारिगर ख्याई जोगो कोनी जाण्या बोई भाठो कूणानै समाबाळो निकळ्यो।

1 पतरस 2:6

पबितर सास्तर म मांडेड़ो ह, “सुणो! म सिओन नगरी म एक भाठो धरूँ हूँ, जखो टाळेड़ो अर कूणा को भाठो ह, जिको मोल कोनी लगायो जा सकै। अर जखो इपै बिस्वास करसी, बो कदैई सरमिंदा कोनी मरसी।”

2 तिमूतियूस 3:16

सगळो पबितर सास्तर परमेसर की आत्मा की सक्‍तिऊँ मांड्यो गयो ह, जखो सच, गळती प फटकार, सुदार अर धारमिक्‍ता की सीख देवै ह।

भेजेड़ा चेला का काम 1:16

“मेरा यहूदि भाई-भाणो पबितर सास्तर को लेख जखो यहूदा (जखो ईसुनै पकड़बाळा की मदद करी ही) क बारां म मंडेड़ो ह, जिनै बोळी पेल्या पबितर आत्मा दाऊद क मुंडा होर बोल्यो हो, बो तो पूरो होणोई हो।

याकूब 2:24

जणा थे आ जाणल्यो क, मिनख करमऊँ धरमी बणै ह खाली बिस्वासऊँ मिनख धरमी कोनी खुवावै।