याकूब 2:14 - जीवन को च्यानणो (सेकावाटी नया नियम की पोथ्या)

¹⁴ मेरा लाडला बिस्वास्यो, ज कोई खेवै क मनै बिस्वास ह पण बो बिकै गेल करम कोनी करै जणा बिनै काँई फाईदो। अंय्यां को बिस्वास बिको छुटकारो कर सकै ह के?

याकूब 2:14 Referans Kwoze

लूका 6:49

पण जखो सुणर कोनी मानै बो बि मिनख की जंय्यां ह जखो माटी प बिना निम क घर चिण्यो अर जद पाणी की धार लागी जणा बो हात्युहात तबा होगो अर सक्यु ढेग्यो।”

तितूस 1:16

बे खेवै ह, क म्हें परमेसरनै जाणा हां, पण बाका करम इ जोगा कोनी। बे सूगला अर बात नइ मानबाळा अर चोखा काम करबा क जोगा कोनी।

2 पतरस 1:5

थे जी तोड़ मेनत कर्या करो जिऊँ थे बिस्वासनै बढा सको, बिस्वासऊँ सदगुणनै, अर सदगुणऊँ समजनै,

याकूब 2:26

अर जंय्यां काया आत्मा क बिना मरेड़ी ह बंय्यांई बिस्वास करम बिना मरेड़ो ह।

इबरानीआ 11:17

बिस्वास करबा की बजेऊँई अब्राहम जद बिचास्यो गयो बि टेम का इसाक की बलि चढाबा की पूरी त्यारी करली ही। जदकी परमेसर बिऊँ बोल्यो हो क, “इसाकऊँई तेरो वंस चालसी।” इकै बावजुद बी अब्राहम, जिऊँ करार कर्यो गयो हो आपका एकलोता बेटा की बलि देबानै त्यार होगो।

इबरानीआ 13:9

भात-भात की अणजाणी सीख की भंगर्या म मना आज्यो, क्युं क थारा हिया ताँई ओ चोखो ह क बे खाबा-पीबा का नियमा क बजाय दया की बजेऊँ मजबूत बणै। अर जखा खाबा-पीबा का नियमानै मान्या बाऊँ बाको कदैई भलो कोनी होयो।

गलातियो 5:6

क्युं क मसी ईसु म नइ तो सुन्नत कराबाळो, अर नइ सुन्नत नइ कराबाळो क्यु मांयनै राखै ह। पण बिस्वास जखो परेम की बजेऊँ काम करै ह बोई मांयनै राखै ह।

याकूब 2:18

पण कोई खेवै, “तेरै कनै बिस्वास ह अर मेरै कनै करम।” तू मनै थाकाळो बिस्वास बिना करम क दिखा अर म तनै माखाळो बिस्वास करम क सागै दिखास्युं।

भेजेड़ा चेला का काम 8:21

इ चिज म तेरी कोई पाँती कोनी क्युं क परमेसर ताँई तेरै हिया म पेटा पाप ह।

मत्ती 5:20

म थारूँ साची बोलुँ हूँ ज थारा नेकी का काम सास्तरी अर फरिसीया की नेकिऊँ बेसी कोनी ह जणा थे ईस्बर नगरी का राज म कदैई कोनी जा सकोगा।

तितूस 3:8

आ बिस्वास जोगी बात ह। म चाऊँ हूँ क आ मामला म तू खास जोर देर बोलै जिऊँ परमेसर प बिस्वास राखबाळा, भला काम करीं, जखा सकै काम का अर चोखा हीं।

1 तिमूतियूस 1:5

इ आदेस को मकसद ओ ह क, सगळा बिस्वासी परेमऊँ भरज्यावै, जखो पबितर मनऊँ, साप अन्तर-आत्माऊँ अर बिना मिलावट का बिस्वासऊँ पैदा होवै ह।

1 थिसलूनिकी 1:3

परम-पिता परमेसर क सामै म्हें जद बी जावां जणा थारा बिस्वास का कामानै, थारा परेम भर्या कामानै अर परबु ईसु मसी क ओज्यु आबा की आस म, थे सक्यु सेह्ता होया बी बिस्वास म पक्का हो, आ बातानै सदाई याद करां हां।

गलातियो 5:13

ओ मेरा लाडला बिस्वास्यो, थे अजाद रेह्बा ताँई बुलाया गया हो, पण अंय्यां नइ हो क आ अजादि काया का कामानै पूरो करबा को सादन बणै। पण परेमऊँ एक दुसरा का दास बणो।

1 कुरन्थीयो 15:2

ज मेरै जरिए सुणाईड़ा समचार प थे मजबूतीऊँ चालो जणा परमेसर थानै बचासी। ज थे अंय्यां कोनी करस्यो जणा मसी म थारो बिस्वास करबो बेकार ह।

भेजेड़ा चेला का काम 15:9

अर बिस्वासऊँ बाका हियानै धोर आपणा म अर बामै कोई भेद-भाव कोनी कर्यो।

याकूब 2:16

अर थार मऊँ कोई बिनै बोलै क, “राजी-खुसी चल्योजा, धाप्यो-धुस्यो अर गरम रेह।” पण बिकी काया की जुर्त हाळी चिजा नइ दे जणा काँई फाईदो?

1 तिमूतियूस 4:8

काया की कसरतऊँ तो चिनोसोई फाईदो होवै, पण परमेसर की भगती तो सगळी बाता म फाईदो करै ह। क्युं क आज अर आबाळा जीवन का सगळा आसिरबादा की जामनी भगती प टिकरी ह।

भेजेड़ा चेला का काम 8:13

आ देखर समोन खुदबी बिकी बाता प बिस्वास कर्यो अर ईसु मसी का नामऊँ बतिस्मो लेर बिकै गेल होलिओ, अर बो बा बडा-बडा सेलाणी-चमत्कारा अर अचरजभर्या कामानै देखर चोरंगो होज्यातो हो।

1 कुरन्थीयो 16:22

अर ज कोई परबुऊँ परेम कोनी करै बिपै स्राप पड़ै ह। म्हारा परबु जी तावळा आवै ह!

रोमीयो 2:25

क्युं क ज थे नेम-कायदानै मानो जणा तो सुन्नत को मतबल ह, पण ज थे नेम-कायदा का नियमानै तोड़ो जणा सुन्नत करायड़ा बी नइ करायड़ासा हो।

लूका 3:11

बो बोल्यो, “जिकनै दो कुर्ता हीं बे बिकै सागै बाट ले जिकनै कोनी। अर जिकनै रोटी ह बो बी अंय्यांई करै।”

याकूब 1:16

इ ताँई मेरा लाडला बिस्वास्यो, थे धोको मना खाज्यो।